काठमाडौं (हाम्रो खेलकुद) – चीनको दुई शहरमा आयोजना हुने डेल्टा कप आन्त्रण फुटसल च्याम्प्यिनसिपमा नेपालबाट फुटसल भिलेज प्रा लीले सहभागिता जनाउने भएको छ ।

झिङमेङ सिटी र चोङसङ सिटीमा डेल्टा कप नामकै दुई अलग अलग प्रतियोगितामा भाग लिने फुटबल भिलेज टोलीका कप्तान थम्सन भुसालले शनिबार राजधानीमा आयोजित प्रतियोगितामा जानकारी दिए ।

झिङमेङमा अगस्ट २३ देखि २५ सम्म र चोङसङ अगस्ट २७ देखि सेम्पेम्बर १ सम्म आयोजना हुने प्रतियोगितामा फुटबल भिलेजले दुवैमा प्रतिस्पर्धा गर्नेछ । थम्सनका अनुसार झिङमेङमा विभिन्न देशका ८ र ६ टोलीको सहभागिता हुनेछ ।

अघिल्लो बर्षपनि आफुहरुले भाग लिएर फुटसलका बारेमा धेरै सिक्ने मौका पाएको उनले बताए । उनले भने,‘ पछिल्लो समय नेपालमा विकास हुने सम्भावना देखिएको खेल मध्ये फुटसल पनि हो । यसलाई व्यवस्थित रुपमा अघि बढाउने हो भने नेपालले यसमा केही राम्रो गर्न सक्ने सम्भावना छ ।’ विश्व फुटबल महासंघ (फिफा) ले कुनै पनि देशको फुटसलको विकासका लागि सम्बन्धित राष्ट्रिय संघलाई नै जिम्मेवारी दिएको हुन्छ । त्यो विषयमा जानकार थम्सनले त्यसैले देशको नभै फुटबलस भिलेजको नाममा प्रतियोगितामा भाग लिन लागेको जानकारी दिए ।

राज महर्जन प्रशिक्षक र दीपेश भण्डारी मेनेजर रहेको टोलीमा थम्सनसहित रवि सिलवाल, श्याम खड्गी, भोला ब्यञ्जनकार, सुमितकुमार आले, उनेश आले, अभय राना, सन्देश गुरुङ, सुमित श्रेष्ठ, विश्व गुरुङ र दानबहादुर थापा गरि ११ खेलाडी रहेका छन् । टोली आइतबार चीन प्रस्थान गर्नेछ ।