काठमाडौं (हाम्रो खेलकुद) – रेडबुल राष्ट्रिय फुटसल लिग अन्तर्गत बुधबार भएका खेलमा किकअफ फुटसल र कीर्तिपुर फुटसल घरेलु मैदानमा विजयी भएका छन् ।
सीतापाइलाको किकअफ फुटसलले राजेश कुँवरको ह्याट्रिकको मद्दतमा बानेश्वर रिक्रियसन सेन्टरललाई ५–० ले हरायो । कप्तान राजेशले खेलको पहिलो मिनेट, छैटौं मिनेट र ३६ औं मिनेटमा गोल गर्दै पूरा गरे । प्रवेश जोशी र कृष्ण लामाले १÷१ गोल गरे । राजेश म्यान अफ दी म्याच बने ।

किकअफ (रातो) र र बानेश्वर रिक्रियसन सेन्टरलबीचको खेल ।

त्यसैगरी कीर्तिपुरको नगाउँस्थित कीर्तिपुर फुटसलले ताहाचल फुटसललाई ६–४ ले हरायो । कीर्तिपुरका प्रताप महर्जन, यमन महर्जन र एपेक्स महर्जनले २÷२ गोल गरे । ताहाचलका सुदीप बुढाथोकीले २ तथा सुनिल बस्नेत र राज शाहले १÷१ गोल गरे । ताहाचलका सुदीप बुढाथोकी म्यान अफ दी म्याच चुनिए ।
एएमए इभेन्टको आयोजनामा होम एन्ड अवेको आधारमा २८ मंसिरसम्म सञ्चालन हुने लिगमा राजधानीका १६ टोलीको सहभागिता रहेको छ । लिगमा सहभागी टोलीलाई दुई समूहमा विभाजन गरि प्रतिस्पर्धा गराइएको छ । जसमा १ सय २५ खेल हुनेछ । प्रतियोगिताको विजेता टोलीले १० लाख र उपविजेता टोलीले ५ लाख रुपैयाँ प्राप्त गर्नेछ । प्रतियोगिताको उत्कृष्ट खेलाडी र उत्कृष्ट गोलरक्षकले समान ५० हजार रुपैयाँ पाउनेछन् ।

– शंखमुल फुटसलविरुद्ध सामाजिक फुटसल ,समय – १२ः३० बजे, स्थान- शंखमुल फुटसल शंखमुल ।
– चउर फुटसलविरुद्ध ह्वाइट हर्स फुटसल ,समय-३ः३० बजे, स्थान- चउर फुटसल बाँसबारी