काठमाडौं (हाम्रो खेलकुद)

रेडबुल राष्ट्रिय फुटसल लिगमा बिहीबार बानेश्वर रिक्रियसन फुटसल सेन्टर विजयी भएको छ । अर्को खेलमा कीर्तिपुर र कुमारी फुटसलले बराबरी खेलेका छन् । बानेश्वर रिक्रियसन सेन्टरले होम ग्राउन्डमा अवे टोली इम्पेरियल फुटसललाई ७–४ गोलले हरायो । बानेश्वरका लागि सञ्जय श्रेष्ठले ह्याट्रिक गरे ।

त्यस्तै दिपु लामाले २ र मानसाजन राजभण्डारी र कफ्र्यु रसाइलीले १/१ गोल गरे । इम्पेरियलका सन्देश सिलवालले २ गोल गरे भने किसन अधिकारी र निरज गैरेले एक/एक गोल गरे । इम्पेरियल किसन अधिकारी म्यान अफ दी भए ।

समूह बीको खेलमा कुमारीले कीर्तिपुरसंग ३–३ को बराबरी खेल्यो । कीर्तिपुरका यमन महर्जनले २ र जोन महर्जनले १ गोल गरे । कुमारीका म्यान अफ दी आषिश तामाङले २ र राजीव लोप्साङले १ गोल गरे । लिगमा ४ खेल खेलेको बानेश्वर ७ अंकका साथ समूह एको अंक तालिकामा तेस्रो स्थानमा रहेको छ ।

किकअफ फुटसल १२ अंकसहित शीर्षस्थान र ७ अंकका साथ ह्वाइट हर्स दोस्रो स्थानमा छ । बानेश्वरभन्दा ह्वाइ हर्स गोअन्तरमा अगाडी छ । बराबरीसंगै कुमारी फुटसलले ४ खेलबाट ७ अंक जोड्दै समूह बीको तेस्रो स्थानमा छ । समूह बी मा ताहाचल फुटसल ९ अंकसहित शीर्ष स्थानमा छ ।

एएमए इभेन्टको आयोजनामा होम एन्ड अवेको आधारमा २८ मंसिरसम्म सञ्चालन हुने प्रतियोगितामा राजधानीका १६ टोलीको सहभागिता छ । प्रतियोगिताको विजेता टोलीले १० र उपविजेता टोलीले ५ लाख रुपैयाँ प्राप्त गर्नेछन् । उत्कृष्ट खेलाडी र उत्कृष्ट गोलरक्षकले समान ५० हजार रुपैयाँ पाउनेछन् ।

राष्ट्रिय फुटबल लिगमा शुक्रबारका खेल हरिसिद्धि फुटसलविरुद्ध ताहाचल फुटसल समय – दिउँसो १२ः३० बजे स्थान – हरिसिद्धि फुटसल, हरिसिद्धि ह्वाइट हर्स फुटसलविरुद्ध रजनी फुटसल समय – दिउँसो ३ः३० बजे स्थान – ह्वाइट हर्स फुटसल, सुकेधारा