काठमाडौं (हाम्रो खेलकुद)– शंखमुल फुटसलले रेडबुल फुटसल लिगअन्तर्गत समूह बीमा आफ्नो अग्रतालाई कायम राखेको छ । घरेलु मैदानमा शंखमुलले शनिबार किर्तिपुर फुटसललाई १५–३ ले हराएको थियो ।

शंखमूलका सन्जोग चाम्लिङ राई र शेरवहादुर थापामगरले समान ४ गोल गरे । म्यान अफ द म्याच अभय राना,सुरज महर्जन र निर्मल गुरुङले समान गोल गरे । कीर्तिपुरका यमन महर्जनले आत्माघाती गोल गरेका थिए । कीर्तिपुरका लागि एपेक्स महर्जन,सिमन महर्जन र प्रताप महर्जनले समान १ गोल गरे । शंखमुलले ८ खेलमा १९ अंक जोडेको छ । दोश्रो स्थानमा रहेको कुमारी फुटसलको ७ खेलबाट १४ अंक छ ।
अर्को खेलमा घरेलु मैदानमा बानेश्वर रिक्रियसन सेन्टरले ह्वाइटहर्षमाथि ३–२ को जित हासिल गरेको छ । बानेश्वरका मनीष रानाले २ र आदर्श घिमिरेले १ गोल गरे । ह्वाइटहर्षका लागि रबि सिलवाल र मनोज प्रजापतिले समान १ गोल गरे ।