काठमाडौं (हाम्रो खेलकुद) – रजनी फुटसलले रेडबुल फुटसल लिगमा सोमबार चउर रिक्रियसन सेन्टर फुटसललाई ७ –२ ले हराएको छ । घरेलु मैदानमा रजनीलाई जिताउन रुसन केसीले ह्याट्रिक गरे भने सुमन कार्कीले २ तथा अविन थापा र आयुष कार्कीले समान १ गोल गरे ।
रजनीका बिभोर गुरुङ म्यानअफ द म्याच चुनिए । चउरका संजोग महर्जनले २ गोल गरे । समूह ए बाट रजनी फुटसल ९ खेलबाट १२ अंक सहित पाचौ स्थानमा छ । उक्त समूहमा २१ अंकसहित किकअफ शीर्षस्थानमा छ । ७ अंक जोडेको चउर समूहको अंकतालिकामा सातौं स्थानमा छ ।
