2 years ago
December 27, 2021
काठमाडौं (हाम्रो खेलकुद) – उज्वेकिस्तानको महिला टोली बंगलादेशमा जारी एभिसी एसियन सेन्ट्रल जोन भलिबल च्याम्पियनसिपको फाइनलमा प्रवेश गरेको छ । सोमबार बिहान भएको राउन्ड रोविनको अन्तिम खेलमा श्रीलंकालाई ३–२ को सेटमा पराजित गर्दै उज्वेकिस्तानले फाइनलमा स्थान पक्का गरेको हो । अब उज्वेकिस्तानले उपाधिको लागि मंगलबार नेपालको सामना गर्नेछ । नेपालले राउन्ड रोविनको लिगको एक खेल […]
काठमाडौं (हाम्रो खेलकुद) – उज्वेकिस्तानको महिला टोली बंगलादेशमा जारी एभिसी एसियन सेन्ट्रल जोन भलिबल च्याम्पियनसिपको फाइनलमा प्रवेश गरेको छ ।
सोमबार बिहान भएको राउन्ड रोविनको अन्तिम खेलमा श्रीलंकालाई ३–२ को सेटमा पराजित गर्दै उज्वेकिस्तानले फाइनलमा स्थान पक्का गरेको हो । अब उज्वेकिस्तानले उपाधिको लागि मंगलबार नेपालको सामना गर्नेछ ।
नेपालले राउन्ड रोविनको लिगको एक खेल बाँकी छँदै फाइनलमा स्थान पक्का गरेको थियो । च्याम्पियनसिपमा अपराजित रहने नेपाल एक्लो टोली हो । नेपालले आज नै राउन्ड रोविनको अन्तिम खेलमा किर्गिस्तानसँग खेल्दैछ । खेल नेपाली समयअनुसार बिहान ११ः१५ बजे हुनेछ ।
ढाका मिरपुरस्थित शाहिद शुरवार्दी इन्डोर स्टेडियममा सोमबार भएको खेलमा उज्वेकिस्तानले पहिलो सेट २६–२४ ले आफ्नो पक्षमा पारेको थियो । दोस्रो सेटमा २५–१८ को सहज जित निकालेको उज्वेकिस्तानले तेस्रो सेट २०–२५ ले गुमाउन पुग्यो । त्यसपछिको दुवै सेट उज्वेकिस्तानले गुमाउन पुगेको थियो । चौथो सेट १९-२५ ले गुमाएपछि खेल २-२ सेटको बराबरीमा पुगेको थियो । निर्णायक सेटमा १५-१२ ले जित्दै उज्वेकिस्तान फाइनल पुग्न सफल भयो ।
हारसँगै श्रीलंकाले तेस्रो स्थानको लागि प्रतिस्पर्धा गर्ने छ । फाइनल र तेस्रो स्थानको खेल मंगलबार हुनेछ । लिग चरणमा उज्वेकिस्तानले ५ खेलबाट ११ अंक जोड्यो । श्रीलंकाले ११ तथा किर्गिस्तानले ६ अंक जोडेको छ । अपराजित रहेको नेपालको ४ खेलबाट ११ अंक छ । माल्दिभ्स र बंगलादेशले अंकको खाता खोल्न सकेको छैन ।
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
April 6, 2024
काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् । नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]