2 years ago
January 8, 2022
पोखरा (हाम्रो खेलकुद) – दोस्रो संस्करणको टाइगर कप आमन्त्रित खुल्ला क्लब च्याम्पियनसिप महिला तथा पुरुष भलिबल प्रतियोगिताको सम्पूर्ण तयारी पुरा भएको आयोजकले जनाएको छ ।
आयोजक टाइगर ग्रुप अफ पोखरा नेपालले पत्रकार सम्मेलन गर्दै प्रतियोगिताको सम्पुर्ण तयारी पूरा भएको जनाएको छ । टाइगर कप भलिबल पोखरा रंगशालास्थित भलिबल ट्रेनिङ सेन्टरमा पौष २६ गतेबाट माघ १ गतेसम्म सञ्चालन हुदैछ । प्रतियोगितामा महिला तथा पुरुषतर्फ समान ५–५ टोलीको सहभागिता रहेको छ ।
महिलातर्फ नेपाल पुलिस क्लब, नेपाल एपिएफ क्लब, त्रिभुवन आर्मी क्लब, होङ्गान्जी न्यू डायमण्ड स्पोर्ट्स क्लब र आयोजक टाइगर ग्रुप अफ पोखरा नेपाल रहेको छ । पुरुषतर्फ गण्डकी प्रदेश, त्रिभुवन आर्मी क्लब, नेपाल पुलिस क्लब, नेपाल एपिएफ क्लब र टिप टप हेल्प नेपाल स्पोर्ट्स क्लब रहेका छन् ।
महिलातर्फ आयोजकको टोलीमा नेपाल महिला भलिबल टोलीकी कप्तान अरुणा शाहीको नेतृत्वमा श्रीलंकाकी महिला भलिबलका कप्तानसहित ३ जना खेलाडीहरूको सहभागिता रहनेछ । पुरुषतर्फ टिप टप हेल्प नेपाल स्पोर्टस क्लमा भारतीय राष्ट्रिय खेलाडीको सहभागिता रहने आयोजकले जनाएको छ ।
उद्घाटन खेलमा साविकको विजेता गण्डकी प्रदेश र नेपाल एपिएफ क्लबबीच प्रतिस्पर्धा हुनेछ । प्रतियोगिताको उद्घाटन गण्डकी प्रदेशका मुख्यमन्त्री कृष्णचन्द्र नेपाली पोखरेलले गर्नेछन् । उद्घाटन अघि राउन्ड रोविन लिगका खेलहरु शुरु भइसक्नेछ । हरेक दिन चार खेल हुनेछ ।
महिला र पुरुषतर्फको विजेताले समान ३ लाख, उपविजेता टोलीले १ लाख ५० हजार, तेस्रो हुनेले ७५ हजार र सान्त्वना हुने टोलीले ३५ हजार प्राप्त गर्नेछ ।
महिला तथा पुरुषतर्फको सर्वाेत्कृष्ट खेलाडीले समान २५ हजार प्राप्त गर्नेछ । हरेक विधाका उत्कृष्ट (स्पाइकर, सेटर, ब्लकर, सर्भर, लिवेरो र प्रशिक्षक) ले समान १०–१० हजार रुपैया हात पार्नेछन् । प्रतियोगिता हेर्न साउथ सेन्ट्रल एशियन भलिवल एशोसियसनका अध्यक्ष मोहमद लतिफ पनि आउनेछन् ।
प्रतियोगितालाई थप आकर्षण दिन यसपटक ‘फोल्डिङ’ मञ्च निर्माण गरिसकेको आयोजकले जनाएको छ । खेलप्रेमी दर्शकका लागि अस्थायी प्याराफिट, जेष्ठ नागरिकलगायत फरक क्षमता भएका दर्शकका लागि छुट्टै व्यवस्था राष्ट्रिय तथा अन्तर्राष्ट्रिय खेलाडीहरुलाई बस्नको लागि विशेष व्यवस्था गरिएको आयोजकले जनाएको छ ।
प्रतियोगितामा २ सय २ सय प्रवेश शुल्क निर्धारित गरिएको छ । ई–सेवा रेमिटबाट प्रत्येक दिनको म्याचको ‘म्यान अफ द म्याच’ ले ५ हजार प्राप्त गर्नेछ । केएफसीले महिला तथा पुरुष विजेता टिमका खेलाडीलाई गिफ्ट स्वरुप डिनरको व्यवस्था गरेको छ । टाइगर कपको प्रत्यक्ष प्रसारण हाम्रो खेलकुद डटकमको फेसबुक पेज र युट्युब च्यानलबाट हुनेछ ।
शुश्री मिडिया प्रालि काठमाडौं मुख्य प्रायोजक, राष्ट्रिय खेलकुद परिषद, यूवा तथा खेलकुद मन्त्रालय गण्डकी प्रदेश, प्रदेश खेलकुद परिषद गण्डकी, अन्नपूर्ण केवल कार प्रालि, मुक्तिनाथ विकास बैंक, ई–सेवा रेमिट, नेपाल टेलिकम, केएफसी, बतास ब्रदर्श अर्गनाईजेशन, अटोवेज प्रालि, होटल बाराही, होटल पेनेन्सुल्ला, विश्वकर्मा सप्लायर्स, माउण्ट कैलाश रिसोर्ट, कास्की जिल्ला कवाडी संघ, कृषि तथा पशुपंछी फर्म, कुस्मा नगरपालिका–११, पोखरा महानगरपालिका, नगर खेलकुद विकास समिति, हाम्रो खेलकुद डटकम, केल्मी, गण्डकी प्रदेश, नेपाल भलिबल संघ, नेपाल भलिबल संघ जापान शाखा, पोखरा महानगर पालिका, प्रभु बैंक लिमिटेड र अन्नपूर्ण गाउँ पालिका सहयोगी संस्थाको रुपमा रहेका छन् ।
May 16, 2024
काठमाडौं (हाम्रो खेलकुद) – ललितपुर मेयर्स कप २०८१ को आफ्नो अन्तिम खेलमा कोशी प्रदेशले सान्त्वना जित दर्ता गरेको छ । पहिलो जित दर्ता गर्ने क्रममा कोशीले आयोजक ललितपुर मेयर्स-११ लागि ६ विकेटले पराजित गरेको हो । ललितपुरले दिएको ८९ रनको लक्ष्य कोशीले १८औं ओभरको अन्तिम बलमा ४ विकेट गुमाएर भेटायो । कोशिका लागि ओपनर काजल […]
May 11, 2024
एजेन्सी – ओपनरद्वय शुभमन गिल र साई सुदर्शनको शतकीय इनिङको मद्दतमा गुजरात टाईटन्सले इन्डियन प्रिमियर लिग (आइपिएल) मा शुक्रबार चेन्नाई सुपर किंग्सलाई सहजै हराएको छ। गुजरातले चेन्नाई माथि ३५ रनको सहज जित दर्ता गर्यो । अहमदाबादमा टस हारेर पहिले ब्याटिङ गरेको गुजरातले दुई खेलाडीको शतकको मद्दतमा ३ विकेटको क्षतिमा २ सय ३१ रन जोड्यो । […]
May 9, 2024
एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]