2 years ago
January 8, 2022
उत्तम रिजाल, झापा
दमक डोजाङ्ग प्रथम झापा जिल्ला स्तरीय अन्तर डोजाङ्ग आइटीएफ तेक्वान्दो प्रतियोगितामा च्याम्पियन भएको छ । झापाको दमकमा सम्पन्न प्रतियोगितामा १३ स्वर्ण १३ रजत र २३ कास्य गरी कुल ४९ पदकका साथ दमक च्याम्पियन बनेको हो ।
दमकले पुरुषतर्फ ६ स्वर्ण, ७ रजत र १२ कास्य पदक प्राप्त जित्यो । महिलातर्फ ७ स्वर्ण ६ रजत र ११ कास्य प्राप्त गरेको थियो । पाँडाजुगीले ५ स्वर्ण, ३ रजत र २ कास्य पदक गरी १० पदकसहित दोश्रो स्थान हात पार्यो । पाँडाजुगीले पुरुषतर्फ २ स्वर्ण, ३ रजत र १ कास्य तथा महिलातर्फ ३ स्वर्ण र एक कास्य हात पारेको थियो ।
त्यस्तै ३ स्वर्ण, २ रजत र ४ कास्य गरी ९ पदक प्राप्त गर्दै हिमावी तेश्रो भयो । उसले पुरुषतर्फ ३ स्वर्ण र २ कास्य प्राप्त गर्यो भने महिलातर्फ २ रजत र २ कास्य पदक हात पारेको थियो । पाथीभराले भने एक रजत र ३ कास्य गरी ४ पदक हात पार्दा गौरादह डोजाङ्गले २ रजतमा चित्त बुझायो । गौरादहलाई दुवै पदक महिला खेलाडीले दिलाएका थिए ।
प्रतियोगितामा च्याम्पियन भएको दमकले १५ हजारसँगै ट्रफी हात पार्यो । दोश्रो भएको पाडाजुँगी डोजाङ्गले १० हजार तथा तेश्रो भएको हिमावीले ५ हजार रुपैयाँ प्राप्त गर्यो । प्रतियोगिताका विजेता तथा उपविजेताहरुलाई प्रमुख अतिथि नेपाल आइटीएफ तेक्वान्दो महासंघका उपाध्यक्ष प्रविन कुमार कार्की, दमक नगर खेलकुद विकास समितिका अध्यक्ष भिमराज चौलागाई, पुष्प धिरेन्द्र स्मृति प्रतिष्ठानका अध्यक्ष तिर्थराज बस्नेत, कार्यक्रमका अध्यक्ष तथा झापा जिल्ला आइटीएफ तेक्वान्दो संघका अध्यक्ष नविन तामाङ्ग लगायतले पुरस्कार प्रदान गरेका थिए ।
दमक–७ स्थित पशुहाटमा भएको सो प्रतियोगितामा झापाका ८ डोजाङ्गका एक सय ५० खेलाडीले कुल ७४ पदकका लागि प्रतिस्पर्धा गरेका थिए । प्रतियोगिताको आयोजना दमक नगर खेलकुद विकास समिति तथा दमक नगर आइटीएफ तेक्वान्दो उपसमितिले गरेको हो ।
May 5, 2024
दिल तामाङ,सिड्नी नेपाली पुरुष राष्ट्रिय भलिबल टोलीका सदस्य विशाल बहादुर बिकले अस्ट्रेलियाको सिड्नी भलिबल लिग (एसभिएल) खेल्ने भएका छन् । ओपन स्पाइकर विशाल प्रो भलिबल एकेडेमीमा आबद्ध भएका छन् । प्रो भलिबल एकेडेमी अहिले पुरुष डिभिजन वानमा रहेकाे छ । त्याे भन्दामाथि पुरुष रिजर्भ र पुरुषा प्रिमियर लिग हुनेछ । यससँगै विशाल एसभिएल खेल्ने पहिलो […]
May 4, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीका अलराउन्डर सोमपाल कामीलाई गीता एभिएसनले आफ्नो ब्रान्ड एम्बास्डरका बनाएको छ । सोमपाललाई गीता एभिएसनले शुक्रबार ब्रान्ड एम्बासेडरका रूपमा अनुबन्ध गरेको हो। नेपाल टि ट्वान्टी विश्वकप खेल्न अमेरिका / वेस्ट इन्डिज जानुअघि सोमपाल ब्रान्ड एम्बासेडर नियुक्त भएका हुन् । यो अनुबन्धनले नेपाली खेलकुद र गीता एभिएसन दुवै पक्षको […]
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले आज पहिलो मैत्रीपूर्ण खेल खेल्दैछ । ब्रिटिश आर्मीको टोली विरुद्ध आज नेपाली टोलीले खेल्नेछ । भिसा प्रक्रियामा निकै ढिलो हुँदा एन्फाले टोलीका सदस्यलाई फरक-फरक समयमा विभिन्न विमानमा पठाउनु परेको थियो । टोली फरक-फरक समयमा इङ्ल्यान्ड पुगेको थियो भने केही खेलाडीहरू हिजो मात्र पुगेका थिए […]