2 years ago
January 15, 2022
पोखरा (हाम्रो खेलकुद) – दोस्रो संस्करणको टाइगर कप आमन्त्रित खुल्ला क्लब च्याम्पियनसिप महिला तथा पुरुष भलिबल प्रतियोगिता अन्तरगत महिलातर्फको उपाधिका लागि दुई विभागी टोली आर्मी र एपिएफ खेल्दैछन् । पोखरा रंगशालास्थित भलिबल कोर्टमा महिलातर्फ विभागीय त्रिभुवन आर्मी क्लब र नेपाल एपिएफ क्लबबीचको फाइनल खेल बिहान १०ः३० बजे हुने आयोजक टाइगर ग्रुप अफ पोखराले जनाएको छ […]
पोखरा (हाम्रो खेलकुद) – दोस्रो संस्करणको टाइगर कप आमन्त्रित खुल्ला क्लब च्याम्पियनसिप महिला तथा पुरुष भलिबल प्रतियोगिता अन्तरगत महिलातर्फको उपाधिका लागि दुई विभागी टोली आर्मी र एपिएफ खेल्दैछन् ।
पोखरा रंगशालास्थित भलिबल कोर्टमा महिलातर्फ विभागीय त्रिभुवन आर्मी क्लब र नेपाल एपिएफ क्लबबीचको फाइनल खेल बिहान १०ः३० बजे हुने आयोजक टाइगर ग्रुप अफ पोखराले जनाएको छ ।
आर्मी दुई वर्षपछि कुनैपनि भलिबल प्रतियोगितामा पहिलोपटक फाइनल खेल्दैछ । काठमाडौंमा भएको शेर बहादुर कप भलिबलमा आर्मीले एपिएफसँगै फाइनल खेलेको थियो । राउन्ड रोविन लिगमा पनि आर्मीले एपिएफलाई हराएका कारण सोही जितलाई निरन्तरता दिदै च्याम्पियन बन्ने दाउँमा हुनेछ । एपिएफलाई हराएर च्याम्पियन बन्न सके आर्मी पहिलोपटक च्याम्पियन बन्दै इतिहास रच्नेछ ।
पुलिस र एपिएफले भन्दा पछिमात्रै महिला भलिबल शुरु गरेको आर्मी उपाधिको संघारमा रहेको छ । यसपटक आर्मीले फाइनल यात्रामा एपिएफ र पुलिसकै चुनौती पन्छाउन सफल भएको थियो ।
टोलीसँग कप्तान कृपा अधिकारी, शान्ति थारु, साफिया पुन, सुनिता खड्का, संगम महतो, जानकी भण्डारी, मनिषा खाँड, सरस्वती जैशी, पुष्पा पल्परिया, रेखा शाही, सृष्टि खड्गी र एलिसा भुजु रहेका छन् ।
यता, एपिएफ पनि लिग चरणमा भोगेको हारको बदला लिदै च्याम्पियन बन्ने दाउँमा हुनेछ । साविकको उपविजेता समेत रहेको एपिएफसँग सरस्वती चौधरी, रेश्मा भण्डारी, निरुता ठगुन्ना, बिनिता बुढाथोकी, पुजा चौधरी, हीरा केसी, उषा विष्ट, कविता भट्ट, शशी चौधरी, रस्मिता दुरा, मनिषा तामाङ, आरती सुवेदी लगायतका खेलाडीको साथ रहेको छ ।
पुरुषतर्फ मध्यान्ह १२ः३० बजे आर्मी र हेल्प नेपालबीच प्रतिस्पर्धा हुनेछ ।
२६ पुसदेखि शुरु भएको प्रतियोगितामा महिला तथा पुरुषतर्फ समान ५–५ टोलीको सहभागिता रहेको छ । महिला र पुरुषतर्फको विजेताले समान ३ लाख, उपविजेता टोलीले १ लाख ५० हजार, तेस्रो हुनेले ७५ हजार र सान्त्वना हुने टोलीले ३५ हजार प्राप्त गर्नेछ । महिला तथा पुरुषतर्फको सर्वाेत्कृष्ट खेलाडीले समान २५ हजार प्राप्त गर्नेछ । हरेक विधाका उत्कृष्ट (स्पाइकर, सेटर, ब्लकर, सर्भर, लिवेरो र प्रशिक्षक) ले समान १०–१० हजार रुपैया हात पार्नेछन् ।
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 24, 2024
गोरखा (हाम्रो खेलकुद) – नवलपुरका मिडल ब्लकर हिमाल सुनारी र पर्वतकी स्पाइकर रिमा कुँवर गण्डकी प्रदेश स्तरीय महिला तथा पुरुष भलिबल प्रतियोगिताको सर्वाेत्कृष्ट खेलाडी घोषित भएका छन् । दुवैले आ–आफ्नो टोलीलाई च्याम्पियन बनाउन सानदार प्रदर्शन गरेका थिए । सर्वाेत्कृष्ट बनेसँगै उनले १० हजार रुपैयाँसँगै ट्रफी मेडल र प्रमाणपत्र प्राप्त गरेका छन् । गोरखाको बारपाक सुलिकोट […]
April 24, 2024
गोरखा (हाम्रो खेलकुद) – नवलपुर र पर्वतले गण्डकी प्रदेश स्तरीय महिला तथा पुरुष भलिबल प्रतियोगिताको उपाधि जितेका छन् । नवलपुर पुरुषमा तथा पर्वत महिलामा च्याम्पियन बनेका हुन् । गोरखाको बारपाक सुलिकोट गाउँपालिकामा बुधबार भएको फाइनलमा स्याङ्जालाई ३–२ को सेटमा पराजित गर्दै नवलपुरले उपाधि जित्न सफल भएको हो । नवलपुरले सुरुवाती दुई सेट गुमाएपनि त्यसपछिको तीनै […]