काठमाडौं (हाम्रो खेलकुद) – विभागीय त्रिभुवन आर्मी र सुदूरपश्चिम प्रदेश चौथो सहाना प्रधान स्मृति राष्ट्रिय महिला हक्की प्रतियोगितामा शुक्रबार फाइनलमा प्रवेश गरेका छन् ।
नेपाल हक्की संघद्वारा आयोजित प्रतियोगिताको पहिलो सेमिफाइनलमा साविक विजेता आर्मीले गण्डकी प्रदेशलाई ३–० गोलले पराजित गर्दै उपाधिनजिक पुगेको हो । आर्मीका लागि सीताकुमारी चौधरी, अन्जना चन्द ठकुरी र निलिमा पाण्डेले समान एक गोल गरिन् । सीता ‘वुमन अफ द म्याच’ घोषित भइन् ।
वीरगन्जको आदर्शनगर खेल मैदानमा भएको दोश्रो तथा अन्तिम सेमिफाइनलमा सुदूरपश्चिमले मधेस प्रदेशलाई २–० गोलले हराउँदै फाइनलमा आर्मीसँगको भेट पक्का ग¥यो । लक्ष्मी बम र ‘वुमन अफ द म्याच’ सुनिता नेगीले गोल गरिन् ।
फाइनल शनिबार हुने आयोजकले जनाएको छ । शनिबारै गण्डकी र मधेस प्रदेशले तेश्रो स्थानका लागि प्रतिस्पर्धा गर्नेछन् ।
