काठमाडौं (हाम्रो खेलकुद) – नेपाली सेनाका दिवश शंकर र नेपाल प्रहरीका पूर्ण बहादुर थापा लिनिङ ११औं पुष्पलाल स्मृती ¥याङकिङ राष्ट्रिय ब्याडमिन्टन प्रतियोगिताको पुरुष एकलको प्रि–क्वाटरफाइनलमा प्रवेश गरेका छन् ।

शीर्ष १६ वरियता बाहेकको पुरुष एकलमा दिवशले नखिपोटका मिलन राईलाई २१–६ र २१–१३ ले पराजित गरे । अब दिवशले पूर्णको सामना गर्नेछन् । पूर्णले चितवनका टेकप्रसाद पौडेललाई २१–९ र २१–१६ ले पराजित गरे ।

राष्ट्रिय ब्याडमिन्टन संघ र नखिपोट युथ क्लब (नखिपोट सर्कल)को संयुक्त आयोजनामा भइरहेको प्रतियोगिताको सेनाका बिवेक चौधरी र ललितपुरका निखिल भट्टले पनि प्रि–क्वाटरफाइनलमा स्थान पक्का गरे । चौधरीले हुम्लाका दशरथ बुढालाई २१–८ र २१–१३ र निखिलले सुर्खेतका अनिल मल्ललाई २१–१९ र २१–१९ ले हराए ।

यस्तै साईनोका राजु थापाले पाल्पाका ज्ञानबहादुर रानालाई २१–६ र २१–११ ले, सेनाका पविन लिनथेपले एपिएफका एशिया जवेगुलाई २३–२१ र २१–४ ले, सेनाका आयुश्मान नागरीले कैलालीका योगेश खड्कालाई १६–२१, २१–५ र २१–१३ ले, कास्कीका भुगोल गुरुङले १६ फिदरका अमन महर्जनलाई २१–१८, २१–२३ र २१–१९ले, सेनाका हिमाल चन्दले एपिएफका नविन सिलवाललाई २१–१०, १३–२१ र २१–१३ ले, कास्कीका बिधान अधिकारीले सिल्क ग्रुपका आशिष तामाङलाई २१–१५ र २१–११ ले पराजित गरे ।

१६ फिदरका क्षितिज खनालले कञ्चनुरका प्रकाश चन्दलाई २१–१८ र २१–१६ ले, सेनाका डेभिड थापा मगरले पाँचथरका किरण श्रेष्ठलाई २१–७ र २१–१३ ले, साईनोका सुजन थापाले चितवनका छिरिङ लामालाई २१–१४ र २१–१२ ले, सिल्क ग्रुपका कविर केसीले संखुवासभाका सुनिल जंग कार्कीलाई २१–१३ र २१–१० ले, नेपाल पुलिसका हिरा राईले कास्कीका बिशन गुरुङलाई १८–२१, २१–१० र २१–१५ ले तथा मोरङका भोजबहादुर गुरुङ्गले सेनाका निशान कटुवाललाई २१–८ र २१–७ ले पराजित गर्दै अन्तिम १६ मा स्थान बनाए ।

नेपाल ब्याडमिन्टन संघको प्राविधिक सहयोगमा भएको प्रतियोगिताको पुरुष युगल ४५ बर्ष माथिको प्रतिस्पर्धामा ईमाडोलका तिलकबहादुर बुढाथोकी र मुकुन्द थापाको जोडीले ललितपुरका सुजन खतिवडा र राजेश महर्जनको जोडीलाई २१–१५ र २१–१७ ले पराजित गर्दै अन्तिम ३२ को लागि छनौट भएका छन् । राजेश राष्ट्रिय च्याम्पियन रशिला महर्जनका पिता हुन् ।

यस्तै अन्तिम ३२ मा छनौट हुने अर्को जोडीमा क्लब ७ का कर्ण बुढा र एण्डी क्षेत्री रहेका छन् । उक्त जोडीले नखिपोटका मुकेश राई र सूर्य देभ राईको जोडीलाई १८–२१, २१–१६ र २१–१८ ले पराजित गरे । अर्को खेलमा खोटाङ्गका बिशन खालिङ र जीवन कुमार राईको जोडीले थेचोका दिवश लबुम र सानबहादुर साम्बाको जोडीबाट वाक ओभर प्राप्त गरे ।

नखिपोटस्थित कभर्डहलमा भएको प्रतियोगिताको पुरुष यु १७ एकलको प्रतिस्पर्धामा १६ फिदरका अमन महर्जनले देवीनगरका अदिश कार्कीलाई २३–२१ र २१–८ ले, गुल्मीका जनिश शेरचनले मोरङका महेश खड्कालाई २१–११ र २१–११ ले, एनजेसी डल्लुका स्वयं मानन्धरले संखुवासभाका प्रशान्त श्रेष्ठलाई २१–१६ र २१–१२ ले तथा सुनसरीका रोधन राईले १६ फिदरका आरुष सिम्खडालाई २१–५ र २१–१० ले पराजित गर्दै अन्तिम ३२ मा स्थान बनाउन सफल भए ।

यस्तै कैलालीका शिसिर रानाले कन्चनपुरका आशिष खत्रीलाई २१–११ र २१–३ ले, पाल्पाका संचार तिमल्सिनाले रिभाईभका दीप थिङ्गलाई २१–७, २१–९ले, कपिलबस्तुका राज बर्माले दाङका ज्याती चौधरीबाट र भक्तपुरका बिवेक भट्टराईले काठमाण्डौ ब्याडमिन्टन एकेडेमीका तत्सत ढकालबाट वाकओभर प्राप्त गरे । यसैगर बाँकेका राजेश बि.सी.ले ईमाडोल ब्याडमिन्टनका सौर्य महर्जनलाई २१–१६ र २१–१५ ले पराजित गरे ।

खोटाङ्गका सविन श्रेष्ठले प्रत्युश थापाबाट वाकओभर, सेनाका डेभिड थापामगरले पाँचथरका किरण श्रेष्ठलाई २१–१३ र २१–१३ ले, कपिलबस्तुका अभय महराले १६ फिदरका आलोक लामालाई २१–६ र २१–६ ले, दाङ्गका अरुण अधिकारीले सुनसरीका प्रशन्न राईलाई २१–११ र २१–१९ ले तथा पाल्पाका सुरोज तिमल्सिनाले कैलालीका पारश उपाध्यायलाई २१–१५ र २१–१३ ले पराजित गर्दै अन्तिम ३२ को यात्रा तय गरे ।