2 years ago
March 8, 2022
दमक (हाम्रो खेलकुद) – विभागीय त्रिभुवन आर्मी क्लबको चुनौती पन्छाउँदै होङ्गान्जी न्यु डायमन्ड स्पोर्ट्स क्लब प्रथम दमक कप राष्ट्रिय महिला भलिबल प्रतियोगिताको च्याम्पियन बनेको छ । झापा दमकको पसुहाटमा मंगलबार भएको उपाधि भिडन्तमा ३–२ को सेटमा पराजित गर्दै डायमन्ड च्याम्पियन बनेको हो । डायमन्डले पहिलो सेट १९–२५ ले गुमाउन पुगेको थियो । पहिलो सेट एक […]
दमक (हाम्रो खेलकुद) – विभागीय त्रिभुवन आर्मी क्लबको चुनौती पन्छाउँदै होङ्गान्जी न्यु डायमन्ड स्पोर्ट्स क्लब प्रथम दमक कप राष्ट्रिय महिला भलिबल प्रतियोगिताको च्याम्पियन बनेको छ । झापा दमकको पसुहाटमा मंगलबार भएको उपाधि भिडन्तमा ३–२ को सेटमा पराजित गर्दै डायमन्ड च्याम्पियन बनेको हो ।
डायमन्डले पहिलो सेट १९–२५ ले गुमाउन पुगेको थियो । पहिलो सेट एक समय ९–१४ ले पछि रहेको डायमन्डले लगातार ४ अंक जोड्दै आर्मीलाई कडा चुनौती दिएपनि सेट आफ्नो पक्षमा पार्न सकेन । १८–१८ को बराबरीको अवस्थाबाट पछि परेको डायमन्डले पहिलो सेट गुमाउन पुगेको थियो ।
दोस्रो सेट डायमन्डले २५–२३ ले आफ्नो पक्षमा पार्न सफल भयो । दोस्रो सेटमा सुरुवातमै ७–२ को अग्रता लिएको डायमन्डलाई आर्मीले कडा चुनौती दिएको थियो । आर्मीले डायमन्डलाई १०–१० को बराबरीमा भेटेपनि डायमन्डले लगातार अग्रता लिदै २५–२३ को प्रतिस्पर्धात्मक जित निकाल्न सफल भयो । प्रतिस्पर्धात्मक बनेको तेस्रो सेट आर्मीले २५–२२ ले आफ्नो पक्षमा पार्न सफल भयो । आर्मीले २०–२२ को स्थिति उल्ट्याएर जित निकाल्न सफल भएको हो ।
प्रतिस्पर्धात्मक बनेको चौथो सेट डायमन्डले २६–२४ ले जितेपछि खेल पाँचौ सेटमा लम्बिएको थियो । डायमनडले १८–२१ को स्थिति उल्ट्याएर एक सेट प्वाइन्ट लिदै जित निकाल्न सफल भएको थियो । निर्णायक सेटमा डायमन्डले एकपक्षीय प्रदर्शन गर्दै १५–६ को सहज जित निकाल्दै च्याम्पियन बन्न सफल भयो ।
योसँगै डायमन्डले आर्मीलाई यो प्रतियोगितामा दुई खेलमा पराजित गर्न सफल भयो । डायमन्डले समूह चरणमा पनि ३–२ को रोमाञ्चक जित निकाल्न सफल भएको थियो । च्याम्पियन बनेसँगै डायमन्डले २ लाख रुपैयाँसँगै ट्रफी हात पारेको छ । दोस्रो स्थानमा चित्त बुझाएको आर्मीले १ लाख रुपैयाँ हात पारेको छ ।
मंगलबारै पुलिसले एपीएफलाई ३–१ को सेटमा पराजित गर्दै तेस्रो स्थान हासिल गरेको छ । तेस्रो भएको पुलिसले ५० हजार तथा चौथो भएको एपीउफले ३० हजार रुपैया प्राप्त गरेको छ । विधागततर्र्फ सर्वाेत्कृष्ट खेलाडीले १० हजार रुपैया प्रदान गरिने आयोजकले जनाएको छ । यस्तै व्यक्तिगत विधातर्फ स्पाइकर, ब्लकर, सेटर, सर्भर, डिफेन्डरले समान ५ हजार प्राप्त गर्नेछन् ।
दमक भलिबल संघले ११२औं अन्तर्राष्ट्रिय महिला दिवसको अवसरमा आयोजना २१ फाागुनदेखि शुरु भएको महिला राष्ट्रिय भलिबल प्रतियोगितामा ६ टोलीको सहभागिता रहेको थियो । सहभागी टोलीलाई दुई समूहमा विभाजन गरिएको छ । समूह ‘ए’ मा एपिएफसँगै पुलिस र प्रदेश १ तथा समूह ‘बी’ मा आर्मी, अमक भलिबल क्लब र न्यू डायमन्ड स्पोर्ट्स क्लब रहेका थिए ।
May 5, 2024
दिल तामाङ,सिड्नी नेपाली पुरुष राष्ट्रिय भलिबल टोलीका सदस्य विशाल बहादुर बिकले अस्ट्रेलियाको सिड्नी भलिबल लिग (एसभिएल) खेल्ने भएका छन् । ओपन स्पाइकर विशाल प्रो भलिबल एकेडेमीमा आबद्ध भएका छन् । यससँगै विशाल एसभिएल खेल्ने पहिलो नेपाली खेलाडी बनेका छन् । उनी दक्षिण एसियाली मुलुक भन्दा बाहिरका देशबाट खेल्ने दोस्रो नेपाली पुरुष खेलाडी हुनेछन् । यसअघि […]
May 4, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीका अलराउन्डर सोमपाल कामीलाई गीता एभिएसनले आफ्नो ब्रान्ड एम्बास्डरका बनाएको छ । सोमपाललाई गीता एभिएसनले शुक्रबार ब्रान्ड एम्बासेडरका रूपमा अनुबन्ध गरेको हो। नेपाल टि ट्वान्टी विश्वकप खेल्न अमेरिका / वेस्ट इन्डिज जानुअघि सोमपाल ब्रान्ड एम्बासेडर नियुक्त भएका हुन् । यो अनुबन्धनले नेपाली खेलकुद र गीता एभिएसन दुवै पक्षको […]
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले आज पहिलो मैत्रीपूर्ण खेल खेल्दैछ । ब्रिटिश आर्मीको टोली विरुद्ध आज नेपाली टोलीले खेल्नेछ । भिसा प्रक्रियामा निकै ढिलो हुँदा एन्फाले टोलीका सदस्यलाई फरक-फरक समयमा विभिन्न विमानमा पठाउनु परेको थियो । टोली फरक-फरक समयमा इङ्ल्यान्ड पुगेको थियो भने केही खेलाडीहरू हिजो मात्र पुगेका थिए […]