2 years ago
March 17, 2022
काठमाडौं (हाम्रो खेलकुद) – नेपाली राष्ट्रिय महिला भलिबल टोलीकी कप्तान अरुणा शाही र अभिनेता धिरेन शाक्यलाई यसै महिना पाल्पाको रानीमहलमा आयोजना हुने ‘सञ्जय मेमोरियल राष्ट्रिय महिला बिच भलिबल’ प्रतियोगिताको सद्भावना दुतमा नियुक्त गरिएको छ । बिच भलिबल पाल्पाको तानसेनस्थित रानीमहलमा चैत २४, २५ र २६ गते आयोजना हुदैछ । फाउन्डेसनको कार्यसमिति बैठकले प्रतियोगितालाई सफल बनाउन […]
काठमाडौं (हाम्रो खेलकुद) – नेपाली राष्ट्रिय महिला भलिबल टोलीकी कप्तान अरुणा शाही र अभिनेता धिरेन शाक्यलाई यसै महिना पाल्पाको रानीमहलमा आयोजना हुने ‘सञ्जय मेमोरियल राष्ट्रिय महिला बिच भलिबल’ प्रतियोगिताको सद्भावना दुतमा नियुक्त गरिएको छ ।
बिच भलिबल पाल्पाको तानसेनस्थित रानीमहलमा चैत २४, २५ र २६ गते आयोजना हुदैछ । फाउन्डेसनको कार्यसमिति बैठकले प्रतियोगितालाई सफल बनाउन शाही र शाक्यलाई प्रतियोगिताको सद्भावना दुतमा नियुक्त गरेको जनाएको छ । राष्ट्रिय र अन्तर्राष्ट्रिय रुपमा ख्याती कमाउन सफल शाही र शाक्यको नियुक्तिले प्रतियोगितालाई सफल बनाउन थप सहयोग पुग्ने विश्वास फाउन्डेसनले लिएको छ ।
साथै, यस प्रतियोगिताको सफल आयोजना र सञ्चालनका लागि पूर्व गभर्नर चिरन्जिवी नेपालको संरक्षकत्वमा २३ सदस्यीय मुल आयोजक समिति गठन गरिएको छ । समितिमा फाउन्डेसनका पदाधिकारी, काठमाडौंसहित पाल्पामा रहेका प्रतिष्ठित सामाजिक ब्यक्तित्व र संघ संस्था आयोजक समितिका सदस्य छन् ।
आयोजक समितिमा उद्योग वाणिज्य संघ पाल्पा, पाल्पा व्यापार संघ, होटल संघ, खेलकुद विकास समिति, महिला उद्यमी संघहरु लगायत विभिन्न संस्था रहेका छन् ।
पाल्पाका राजनीतिक दल नेपाली कांग्रेस, नेकपा एमाले, राप्रपा, नेकपा माओवादी, राजमो लगायतका दलहरुलाई समावेश गरी सल्लाहकार समिति गठन गर्दै नेपाल भलिवल संघका सल्लाहकार नारायण शर्मालाई यस प्रतियोगिताको आयोजक कमिटिको सल्लाहकारमा मनोनित गरिएको छ ।
प्रतियोगिता आयोजना स्थल पाल्पामा आवश्यक संयोजन र व्यवस्थापनका लागि पाल्पा उद्योग वाणिज्य संघलाई जिम्मेवारी तोकिएको छ । तीन वटा विभागीय टिम र सात प्रदेशका टिमलाई समावेश गर्दै आयोजना गर्न लागिएको प्रतियोगितामा राष्ट्रिय स्तरका खेलाडी समावेश हुनेछन् ।
बिच भलिबलको माध्यमबाट पाल्पाको रानीमहलको पर्यटन प्रबद्र्धन र विकास गर्ने उद्धेश्यले आयोजना गर्न लागिएको प्रतियोगिताको तयारी तिव्र गतिमा अघि बढेको आयेजकले जनाकारी गराएको छ ।
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले आज पहिलो मैत्रीपूर्ण खेल खेल्दैछ । ब्रिटिश आर्मीको टोली विरुद्ध आज नेपाली टोलीले खेल्नेछ । भिसा प्रक्रियामा निकै ढिलो हुँदा एन्फाले टोलीका सदस्यलाई फरक-फरक समयमा विभिन्न विमानमा पठाउनु परेको थियो । टोली फरक-फरक समयमा इङ्ल्यान्ड पुगेको थियो भने केही खेलाडीहरू हिजो मात्र पुगेका थिए […]
May 2, 2024
काठमाडौं (हाम्रो खेलकुद) – महिला राष्ट्रिय लिगको छनोट प्रतियोगिता अन्तर्गत घरेलु टोली कर्णाली आफ्नो अन्तिम खेलमा गण्डकी प्रदेशलाई पराजित गर्दै राष्ट्रिय लिगमा छनोट भएको छ । विहीबार विहान सुर्खेतको कर्णाली प्रदेश रंगशालामा गण्डकीमाथि २-० को जित दर्ता गर्दै कर्णालीले अंक तालिकाको तेस्रो स्थान पक्का गर्यो । वर्षा ओली र संजिता बम्जनले १-१ गोल गर्दै टोलीको […]
May 2, 2024
एजेन्सी – युरोपेली च्याम्पियन्स लिगको दोस्रो सेमिफाइनलको पहिलो लेगमा जर्मन टोली बोरुसिया डर्टमुण्डले अग्रता लिएको छ । घरेलु मैदानमा बुधबार भएको पहिलो लेगमा डर्टमुण्डले फ्रेन्च टोली पेरिस सेन्ट जर्मेन (पिएसजी) लाई १-० हराएको छ । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरे । डिफेन्स लाइनबाट निको श्लोटरबेकले दिएको उत्कृष्ट पासमा अफसाइड ट्र्याप […]