काठमाडौं (हाम्रो खेलकुद)– नेपालका बिएसी अम्पायर उदय अर्याल योनेक्स सनराईज बंगलादेश इन्टरनेशनल च्यालेन्जमा निर्णायकको भूमिका निर्वाह गर्न आइतबार त्यसतर्फ प्रस्थान गरेका छन् । प्रतियोगिता मंगलबारदेखि सुरु भई पाँच दिन सम्म चल्नेछ । 
अर्याल दुई दशकदेखि निर्णायकको भूमिका निर्वाह गरिरहेका छन् । सन् १९९५ मा म्यानमारमा भएको ब्याडमिन्टन प्रतियोगिताबाट उनले अन्तराष्ट्रिय निर्णायकको भूमिकाको सुरुवात गरेका थिए । उनीे दक्षिण एसियाली खेलकुद (साग), इन्टरनेशनल ग्रान्ड प्रि गोल्ड, इन्टरनेशनल सिरिज, इन्टरनेशनल च्यालेन्ज र जुनियर एसियन च्याम्पियनसिपमा निर्णायक रहि सकेका छन् । नेपालमा २००५ यता भएका सबै अन्तराष्ट्रिय सिरिजमा पनि उनले निर्णायक भूमिका निर्वाह गरिसकेका छन् । राष्ट्रिय प्रतियोगितामा सहायक रेफ्रि तथा क्षेत्रीय प्रतियोगिताहरुमा रेफ्रिको भूमिका निर्वाह गरि रहेका अर्याल २०४४ साल देखि ब्याडमिन्टनमा आबद्ध छन् ।
