2 years ago
March 28, 2022
नेपालगन्ज (हाम्रो खेलकुद) – होङ्गान्जी न्यु डायमन्ड स्पोर्ट्स क्लबमाथि सोझो सेटमा जित निकाल्दै विभागीय त्रिभुवन आर्मी क्लब आठौं संस्करणको सगरमाथा सिमेन्ट प्रधानमन्त्री कप अन्तर्राष्ट्रिय आमन्त्रण महिला भलिबल प्रतियोगितामा तेस्रो भएको छ । नेपालगन्जस्थित कभर्डहलमा सोमबार भएको खेलमा आर्मीले डायमन्डलाई ३–० को सोझो सेटमा पराजित गर्दै तेस्रो स्थान हासिल गरेको हो ।डायमन्डले बिर्सनलायक प्रदर्शन गर्दा पहिलो […]
नेपालगन्ज (हाम्रो खेलकुद) – होङ्गान्जी न्यु डायमन्ड स्पोर्ट्स क्लबमाथि सोझो सेटमा जित निकाल्दै विभागीय त्रिभुवन आर्मी क्लब आठौं संस्करणको सगरमाथा सिमेन्ट प्रधानमन्त्री कप अन्तर्राष्ट्रिय आमन्त्रण महिला भलिबल प्रतियोगितामा तेस्रो भएको छ ।
नेपालगन्जस्थित कभर्डहलमा सोमबार भएको खेलमा आर्मीले डायमन्डलाई ३–० को सोझो सेटमा पराजित गर्दै तेस्रो स्थान हासिल गरेको हो ।डायमन्डले बिर्सनलायक प्रदर्शन गर्दा पहिलो सेट आर्मीले २५–१९ ले आफ्नो पक्षमा पारेको थियो । सुरुवातमै पछि परेको डायमन्डले खेललाई १९–२१ को स्थितिमा ल्याएपनि खेलमा फर्कन सकेन । त्यसपछि आर्मीले लगातार अंक जोड्दै जित निकाल्न सफल भयो ।
दोस्रो सेटमा पनि डायमन्डले सोही कमजोर प्रदर्शनलाई निरन्तरता दिदा आर्मीले २५–८ ले सेट आफ्नो पक्षमा पार्न सफल भयो । एक समय ३–५ को अवस्थामा रहेको डायमन्डले त्यसपछि ४ अंक जोड्दा आर्मीले सेट आफ्नो पक्षमा पार्न सफल भयो ।
तेस्रो सेटमा सुधारिएको खेल पस्कदै अग्रता लिएपनि त्यसलाई जोगाउन नसक्दा डायमन्डले आर्मीलाई २४–२६ ले नतिजा सुम्पियो । आर्मीले तेस्रो सेटमा २२–२२ को बराबरीबाट दुई पटक सेट प्वाइन्ट लिदै जित निकाल्न सफल भयो । आर्मीकी स्पाइकर शान्ति कुमारी थारु प्लेयर अफ दि म्याच भइन् ।
यो सँगै आर्मीले डायमन्डलाई लिग चरण र नकआउट चरण दुवैमा पराजित गर्द सफल भयो । तेस्रो भएको आर्मीले १ लाख रुपैया प्राप्त गरेको छ । चौथो भएको डायमन्डले ५० हजार रुपैया प्राप्त गरेको छ ।
विजेताले ५ लाख, उपविजेताले २ लाख ५० हजार नगद, पदक र प्रमाणपत्र प्राप्त गर्नेछन् । प्रधानमन्त्री कपको पहिलो संस्करणमा नेपाल पुलिस क्लब, दोस्रोमा एपीएफ, तेस्रो र चौथोमा रेलवे टिम इन्डिया, पाँचौंमा एपीएफ, छैटौंमा पुलिस र सातौंमा एपीएफ च्याम्पियन बनेका थिए । यस संस्करण भने एपीएफले भाग लिएको छैन ।
प्रतियोगिताको उपाधिका लागि भारतको हरियाणा स्पोर्टस् क्लब र नेपाल पुलिस क्लबबीच केहीवेरमा प्रतिस्पर्धा हुँदैछ ।
April 28, 2024
एजेन्सी – जारी इंडियन प्रिमियर लिग (आईपिएल) को शीर्ष स्थानमा रहेको राजस्थान रोयल्सले अंकदूरी बढाएको छ । नवौं खेलमा आठौ जित दर्ता गर्ने क्रममा राजस्थानले लखनऊ सुपर जाएन्ट्स माथि ७ विकेटको सहज जित दर्ता गरेको हो । लखनऊले दिएको १९७ रनको लक्ष्य पछ्याएको राजस्थानले ६ बल बाँकी छँदै लक्ष्य ३ विकेट मात्र गुमाएर भेटायो । […]
April 27, 2024
एजेन्सी – इंग्लिश प्रिमियर लिग उपाधि दावेदार मानिएको लिभरपुल लाई उपाधि आकांक्षामा अर्को धक्का लागेको छ । पछिल्लो समय खराब लयमा रहेको लिभरपुल आज भएको खेलमा वेस्ट ह्याम विरुद्ध २-२ को बराबरीमा रोकिएको हो । पछि परेको अवस्था उल्ट्याउँदै अग्रता लिएको लिभरपुल अन्तिममा भने बराबरीमा रोकियो । ४३औं मिनेटमा जेरड बावेनले मोहम्मद कुडुसको क्रसमा हेडर […]
April 27, 2024
काठमाडौं (हाम्रो खेलकुद) – च्याम्पियन नेपाल एपिएफ क्लबकी स्पाइकर निरुता ठगुन्ना सातौं केएनपी नेरोलेक राष्ट्रिय महिला भलिबल प्रतियोगिताको सर्वाेत्कृष्ट खेलाडी घोषित भएकी छिन् । एपिएफलाई अपराजित रहेर च्याम्पियन बनाउन निरुताले सबै खेलमा सानदार प्रदर्शन गरेकी थिइन् । सर्वाेत्कृष्ट बनेसँगै निरुताले ५० हजार रुपैयाँसँगै ट्रफी प्राप्त गरेकी छिन् । व्यक्तिगत विधामा पनि च्याम्पियन एपिएफकै खेलाडीको वर्चश्व […]