ललितपुर मेयर कप भलिबल बैशाख पहिलो साता

काठमाडौं (हाम्रो खेलकुद) – ललितपुर महानगरपालिका दोस्रो मेयर कप खुल्ला महिला तथा पुरुष भलिबल प्रतियोगिता बैशाख पहिलो सातादेखि हुने भएको छ ।

आयोजक जावलाखेल भलिबल प्रशिक्षण केन्द्रले दोस्रो संस्करणको प्रतियोगिता आगमी वैशाख ६ देखि १० गतेसम्म हुने जानकारी गराएको छ । प्रतियोगितालाई ललितपुर महानगरपालिकाले मुख्य प्रायोजन गरेको छ । प्रतियोगिताका खेलहरु जावलाखेल भलिबल प्रशिक्षण केन्द्रको कभर्डहलमा सञ्चालन हुनेछ ।

महिला र पुरुष दुवै तर्फको च्याम्पियनले २ लाख रुपैयाँ, उपविजेताले १ लाख रुपैयाँ र तेस्रो हुने टिमले ५० हजार रुपैयाँ प्राप्त गर्नेछ । प्रतियोगितामा सहभागी हुने टिमले बैशाख ३ गतेसम्म टिम दर्ता गरिसक्नुपर्नेछ ।

जावलाखेल भलिबल प्रशिक्षण केन्द्र बागमती प्रदेश सरकारको सहयोगमा स्तरोन्नति भईसकेको छ । अहिले त्यहा नियमित प्रशिक्षण भइरहेको छ ।