नवौं राष्ट्रिय खेलकुदको लोगो, मस्कट, गीत र नारा बनाउनेलाई आकर्ष पुरस्कार

काठमाडौं (हाम्रो खेलकुद) – राष्ट्रिय खेलकुद परिषद् (राखेप) ले गण्डकी प्रदेशमा आयोजना हुने नवौं राष्ट्रिय खेलकुद प्रतियोगिताका लागि लोगो, मस्कट, गीत रचना र नारा बनाउने सार्वजनिक सूचना जारी गरेको छ ।

राखेपले आइतबार खुल्ला प्रतिस्पर्धाबाट लोगो, मस्कट, गीत रचना र नारा छनोट गर्न सूचना जारी गरेको हो । राखेपले यहिँ वैशाख ११ गतेभित्र लोगो, मस्कट, गीत रचना र नारा पेश गर्ने समयसिमा तोकेको छ । गण्डकी प्रदेशको पोखरामा आयोजना हुने नवौं राष्ट्रिय खेलकुद जेठ २२ देखी २८ गतेसम्म हुने तय भइसकेको छ ।

लोगोमा गण्डकी प्रदेशको समग्र प्रतिबिम्ब झल्कने, नवौं राष्ट्रिय खेलकुद झल्कने खेलकुद समेटिएको र शक्तिको प्रतिक भएको हुनुपर्ने बताईएको छ । मस्कटमा गण्डकी प्रदेशको प्रख्यात जनावर तथा गीत रचनाका लागि बढीमा चार मिनेट हुनुपर्ने, राष्ट्रिय भावनाले ओतप्रोत भएको, खेल, खेलाडीको भावना समेटिएको हुनु पर्नेछ । प्राप्त लोगो, मस्कट, गीत र नारा कसैसँग बाँझिएमा वा कपिराइट लागेमा रद्ध गरिनेछ ।

छनोट भएका लोगोको डिजाइनरले ५० हजार रुपैयाँ प्राप्त गर्नेछन् । त्यस्तै मस्कटको विजेता २५ हजार, गीत रचनाको विजेताले २० हजार र नाराको विजेताले १० हजार प्रदान गरिने राखेपले जनाएको छ ।