काठमाडौं (हाम्रो खेलकुद) – नासिर याहया हुसैनले २४औं राष्ट्रिय खुला तथा उमेर समूह प्रतियोगिताको पुरुष २ सय मिटर फ्रिस्टायलमा बिहीबार नयाँ राष्ट्रिय कीर्तिमान बनाएका छन् ।

सातदोबाटोस्थित पौडी पोखरीमा नासिरले निर्धारित दूरी २ मिनेट ००.९२ सेकेन्डमा पूरा गर्दै शिरिश गुरुङको नाममा रहेको २ मिनेट ०५.७१ सेकेन्डको कीर्तिमान भंग गरेका हुन् । नासिरले हितमा उक्त टाइमिङ निकालेका हुन् । फाइनलमा भने नासिरको टाइमिङ २ मिनेट ०१.६० सेकेन्ड रह्यो ।

२ मिनेट १० मिनेट ४६ सेकेन्डसहित रायन गुरुङ दोस्रो भए । संकर्ष रघुवंशीले २ मिनेट ११ मिनेटको समय निकाल्दै तेस्रो भए । इर्भिन श्रेष्ठ, प्रारम्भ भण्डारी, जेविस पौडेल, गौरव लामा र सनिल कुमार थापा क्रमश चौथो देखि आठौं भए ।

१ सय मिनेट बटरफ्लाईमा नासिरले १ मिनेट १.९१ सेकेन्डमा दुरी पुरा गर्दै पहिलो भए । १ मिनेट २.२८ सेकेन्डसहित अनुभव सुब्बा दोस्रो भए । यजु महर्जन तेस्रो र आरोन भण्डारी चौथो भए ।

पुरुष १ सय मिटर ब्याक स्ट्रोमा प्रारम्भ भण्डारीले १ मिनेट १३.३६ सेकेन्डसहित पहिलो भए । रेभन्त बहादुर श्रेष्ठले १ मिनेट १५.४९ सेकेन्डसहित दोस्रो भए । युभन लाल श्रेष्ठ, सुनिल कुमार थापा, अथर्व सिंह र पावेल शाह क्रमश तेस्रो देखि पाँचौ भए ।

पुरुष ५० मिटर ब्रेस्टस्ट्रोकमा दिपांकेर अवालेले १ मिनेट १४.३७ सेकेन्डसहित पहिलो भए । विकास कुमाल, सेरेन सिंह, अथर्व सिंह र यजु महर्जन दोस्रो देखि पाँचौ भए । ५० मिटर ब्याक स्ट्रोकमा अथर्व सिंह पहिलो भए । उनले निर्धारित दुरी ३९.११ सेकेन्डमा पुरा गरे । आरोन भण्डारीले ४०.०४ सेकेन्डसहित दोस्रो भए । अभिभ प्रधान तेस्रो, निनभ थापा चौथो, सुवहाङ बोहोरा पाँचौ, अलाज रन्जित छैटौं तथा कल्किन श्रेष्ठ सातौ भए ।

५० मिटर फ्रिस्टाइलमा संकर्ष रघुवंशीले २६.०९ सेकेन्डमा दुरी पुरा गर्दै पहिलो भए । अल्भिन महर्जन दोस्रो, रायन गुरुङ तेस्रो, अनुभव सुब्बा चौथो, इर्भिन श्रेष्ठ पाँचौ, गौरव लामा छैटौं, निर्भव थापा सातौं तथा सेरेन सिंह आठौं भए ।

५० मिटर ब्याकस्ट्रोकमा अथर्व सिहंले ४२.३० सेकेन्डमा दुरी पार गर्दै पहिलो भए । आरोन भण्डारी दोस्रो, अजय सोरेन तेस्रो, अभिभ प्रधान चौथो, आलाज रन्जित पाँचौ, निर्नभ थापा छैटौं, सुयान्स खड्का सातौं र कल्किन श्रेष्ठ आठौं भए ।

५० मिटर बटरफ्लाईमा अजल काजी ताम्रकार पहिलो भए । उनले निर्धारित दुरी २९.४२ सेकेन्डमा पुरा गरे । अल्भिन महर्जन दोस्रो तथा युभन लाल श्रेष्ठ तेस्रो भए । यस्तै प्रारम्भ भण्डारी, सनिल कुमार थापा, रेभान्त बहादुर श्रेष्ठ, म्रिनलदीप जोशी र अभयन्तर विक्रम राई चौथोदेखि आठौं भए ।

महिला १ सय मिटर ब्रेस्टस्ट्रोकमा डुवाना लामा पहिलो भइन् । उनले निर्धारित दुरी १ मिनेट २०.१९ सेकेन्डमा पुरा गरिन् । उपास्थी महर्जन दोस्रो, रोयल प्रजापति तेस्रो र सायरा बजगाई चौथो भइन् ।

महिला ५० मिटर फ्रिस्टाइलमा रोशा न्यौपनो पहिलो भइन् । उनले निर्धारित दुरी ३०.४७ सेकेन्डमा पुरा गरिन् । अनुसिया तन्डुकार, युस्का महर्जन, आर्य महर्जन, रोयल प्रजापति, सायरा बजगाई, टिसा महर्जन र वैनभी श्रेष्ठ दोस्रो देखि आठौं भइन् ।