काठमाडौं (हाम्रो खेलकुद) – टर्कीको इस्तानबुलमा जारी आईवा वुमन वल्र्ड बक्सिङ च्याम्पियनसिपमा नेपाली खेलाडी सुष्मा तामाङले प्रतिस्पर्धात्मक खेलमा हार बेहोरेकी छिन् ।
४६ देखि ४८ तौल समुहमा सुष्मा मंगोलियन खेलाडी लान्चिव योनसँग स्पिलट डिसिजनमा पराजित हुन पुगेकी हुन् । सुष्माले शानदार रुपमा आत्मविश्वासका साथ फाईट खेलेपनि नतिजा भने आफ्नो पक्षमा पार्न सकिनन् । सुष्मालाई आफ्नो जित हुनेमा विश्वस्त रहेकी सुष्माले पहिलो राउण्डमा दोस्रोे र तेस्रो राउण्डको तुलनामा कम पञ्च प्रहार गर्दा डिसिजन ३ः२ को आधारमा मंगोलियाको पक्षमा गएको थियो ।
दोस्रो राउण्डमा उसले सुधार गरेपनि उसको लेफ्ट गार्ड खुल्ला र तल झरेका कारण मंगोलियन खेलाडीले त्यसको फाइदा उठाउन सफल भइन् । उसले पनि जवाफी प्रहारहरु निरन्तर रुपमा गरी रहदा र स्कोर निरन्तर गरिरहदा पनि बलियो गार्ड राखेर खेलेकी मंगोलिन खेलाडीकै पक्षमा कुवेत र क्यूवाको जजले अन्य जजहरुको तुलनामा निर्णय दिएको अवस्था थियो ।
तेस्रो राउण्डमा सुस्माको दोस्रो राउण्डको भन्दा पनि अग्रता नै बनाएको थियो । तर पनि क्यूवाको रेफ्रीले उचित निर्णय दिन नसक्दा खेल हार्नुपर्ने स्थिति आएको थियो ।
त्यसैगरी ५० देखि ५२ किलो तौल नेपालकी मिनु गुरुङले जापानका आर किनोशितासँग बुधबार प्रतिस्पर्धा गर्नेछिन् । यो तौल समुहमा २८ देशका बक्सरको सहभागिता रहेको छ ।
५४ देखि ५७ किलो तौल समुहमा चन्द्रकला थापाले बाई पाएर भारतीय खेलाडी मनिषासँग बुधबार खेल्ने तय गरेकी छिन् । ५७ देखि ६० किलो तौल समुहमा ३१ राष्ट्र रहँदा नेपाली पुनम रावलले प्रारम्भिक चरणमा बाई पाएकी छिन् । उनको प्रतिस्पर्धा ग्रिस र मोरक्कोविचको विजेतासँग १५ मेमा हुनेछ ।
च्याम्पियनसिपमा ७३ राष्ट्रका ३१० बक्सरको सहभागिता रहेको छ । च्याम्पियनसिपको विजेता, उपविजेता र तृतीय स्थान हासिल गर्ने खेलाडीहरुले १ लाख अमेरिकी डलर, ५० हजार अमेरिकी डलर र २५ हजार अमेरिकन डलरका दरले २ जनाले प्राप्त गर्नेछन् ।
