काठमाडौं (हाम्रो खेलकुद) – टर्कीको इस्तानबुलमा जारी आईवा वुमन वल्र्ड बक्सिङ च्याम्पियनसिपमा नेपालकी मिनु गुरुङ र चन्द्रकला थापा पराजित भएका छन् ।
फ्लाईवेट ५० देखि ५२ किलो तौल समुहमा नेपाली खेलाडी मिनु गुरुङ जापानकी रिन्का किनोसितासँग अंकको आधारमा पराजित भएकी हुन् ।
त्यसै गरी अर्का खेलाडी चन्द्रकला थापा पनि ५४ देखि ५७ तौल समुहमा भारतीय खेलाडी मनिषासँग अंककै आधारमा पराजित भइन् । रिन्का जापानका च्याम्पियन तथा मनिषा सन् २०१८ मा भारतमा भएको वल्र्ड च्याम्पियनसिप बक्सिङमा क्वाटरफाइनल पुगेकी खेलाडी हुन् ।
