4 years ago
June 1, 2022
काठमाडौं (हाम्रो खेलकुद) – सेल्टर आश्रय नेपालले केन्द्रिय कारागारभित्र रहेका कैदीबन्दीका लागि फुटबल सम्वन्धी कार्यक्रम आयोजना गर्ने भएको छ ।
सेल्टरले बुधबार पत्रकार सम्मेलन गर्दै एसियन फुटबल कन्फेडेरेसन (एएफसी) र अखिल नेपाल फुटबल संघ (एन्फा) सँगको सहकार्यमा ‘प्रिजन फुटबल, रिहाबीलिटेसन थ्रु फुटबल’ कार्यक्रम सञ्चालन गर्न लागिएको अध्यक्ष खुश्वु ओलीले जानकारी गराइन् ।
सेल्टरले पछिल्ला पाँच वर्ष सडक बालबालिकारूलाई लक्षित गरेर खेलकुदका विभिन्न कार्यक्रमहरू गर्दै आइरहेको छ । सडक बालिकालाई प्रशिक्षण दिई रसियामा सम्पन्न विश्वकपमा पनि सहभागिताको अवसर उनीहरूलाई हामीले दिएका थियौं । असहायका लागि अन्य खेलकुद गतिविधि पनि हामीले सञ्चालन गरिसकेका छौं ।
सोही योगदानको कदर गर्दै वियोन्ड स्पोर्ट्स नामक अन्तर्राष्ट्रिय संस्थाले सेल्टर नेपाललाई स्पोर्ट्स फर पिस एन्ड सोसियल जस्टिस अवार्डका लागि विश्वभरबाट शीर्ष चारमा मनोनित गरेको थियो । साथै एएफसीले सन् २०१८ मा सेल्टर नेपालकी अध्यक्ष खुस्बु ओलीलाई एएफसी ड्रिम एसिया अवार्ड पनि प्रदान गरेको थियो । यस्तै एएफसीको ‘एनजिओतर्फ सिल्भर अवार्ड गरेको थियो ।
एएफसी र एन्फासँगको सहकार्य तथा सहयोगमा जेलभित्र रहेका कैदीबन्दीहरूको मानसिक स्वास्थ्यमा सहयोगका साथै उनीहरूमा आत्मविश्वास जगाउने उद्देश्य अनुरूप खेलाडी, प्रशिक्षक तथा रेफ्री प्रशिक्षण कार्यक्रम सञ्चालन गर्न लागेको हो ।
कार्यक्रमको उद्देश्य कैदीबन्दीले जेल सजाय भुक्तान गरेपछि पुनः गलत बाटोमा नहिड्न र सामाजिक कार्य तथा देशप्रति योगदान गर्ने भावना जगाउने रहेको छ । साथै कैदीबन्दीले जेल सजाय काटेर बाहिर आइसकेपछि उनीहरूलाई रोजगारीको माध्यम पनि सिर्जना गर्ने उद्देश्य पनि सेल्टरको रहेको छ ।
प्रशिक्षण कार्यक्रम आगामी जुन ५ देखि सुरु हुनेछ । यो एक वर्षभित्र दुई चरणमा सञ्चालन हुनेछन् । यो कार्यक्रमबाट एक वर्षभित्र कुल ४८ खेलाडी तथा समान ३२ जना प्रशिक्षक र रेफ्री प्रशिक्षण गर्ने कार्यक्रम छ । पहिलो चरण जुनदेखि नोभेम्बर ३० सम्म सञ्चालन हुनेछ र यस चरणमा २४ खेलाडी तथा १६ प्रशिक्षक र रेफ्री उत्पादन गरिनेछ ।
प्रशिक्षकलाई डि लाईसेन्स, रेफ्रीलाई क्याटोगरी ४ एन्फा रेफ्री प्रमाण पत्र र खेलाडीलाई सहभागी प्रमाण पत्र प्रदान गरिनेछ । रेफ्रीमा भने महिला सेलमा रहेका मात्र छनोट गर्नेछौं । दोस्रो चरणको प्रशिक्षण कार्यक्रम भने डिसेम्बर १ देखि आगामी वर्षको मेमा अन्त्य हुनेछ ।
December 16, 2025
काठमाडौं (हाम्रो खेलकुद)- यसै साता हुने आइओएफटिसी नेपालले १५ औँ इन्टरनेसनल ओपन फ्रेन्डसिप तेक्वान्दो च्याम्पियन्सिप (आइओएफटिसी)को तयारी पूरा भएको जनाएको छ। च्याम्पियनसिप त्रिपुरेश्वरस्थित राष्ट्रिय खेलकुद परिषद्को कभर्ड हलमा शुक्रवार र शनिवार हुनेछ ।आइओएफटिसीका संस्थापक तथा निर्देशक संस्थापक दिवाकार महर्जनले इन्टरनेसनल ओपन फ्रेन्डसिप तेक्वान्दो च्याम्पियन्सीपले २५ वर्षको यात्रा तय गरेको बताए । ‘सन् २००० मा पहिलो […]
December 15, 2025
एजेन्सी – म्यानचेस्टर सिटीले क्रिस्टल प्यालेसलाई ३-० ले हराउँदै प्रिमियर लिगको शीर्ष स्थानमा रहेको शीर्ष स्थानको आर्सनलसँगको अंक पुनः घटाएको छ। एर्लिङ हालान्डले २ र फिल फोडेनको गोलमा सिटीले जित निकालेको थियो। ४१औँ मिनेटमा माटेउस नुनेसको क्रसमा हालान्डले हेडरमार्फत गोल गर्दै सिटीलाई अग्रता दिलाए। यद्यपि, अघिल्लो सिजन एफए कप फाइनलमा सिटीलाई हराएको क्रिस्टल प्यालेसले खेलभरि […]
December 8, 2025
काठमाडौं (हाम्रो खेलकुद)- भारतको इस्ट बंगाल एफसीले जितका साथ काठमाडौंमा जारी साफ महिला क्लब च्याम्पियनसिपमा विजयी सुरुवात गरेको छ। दशरथ रंगशालामा आज भएको पहिलो खेलमा इस्ट बंगालले भुटानको ट्रान्सपोर्ट एफसीलाई ४-० ले हराएको छ। इस्ट बंगाललाई जित दिलाउन फाजिला इक्वापुटले २ , सुलञ्जना राउल र रेस्टी नान्जिरीले समान १ गोल गरिन्। फाजिलाले ३५ औं मिनेटमा गोल […]
