2 years ago
June 13, 2022
काठमाडौं (हाम्रो खेलकुद) – बक्सिङ फेडरेशन अफ रसिया र रसिया फेडरेसनको खेलकुद मन्त्रीको निमन्त्रणामा युवा तथा खेलकुद मन्त्री महेश्वर जंग गहतराज (अथक) को नेतृत्वमा नेपाल बक्सिङ संघ पदाधिकारीसहित ८ सदस्यीय टोली सोमबार रुसको मस्को प्रस्थान गरेका छन् । भ्रमण टोलीमा युवा तथा खेलकुद मन्त्री महेश्वर जंग गहतराज (अथक), युवा तथा खेलकुद मन्त्रालयका सचिव डा. दामोदर […]
काठमाडौं (हाम्रो खेलकुद) – बक्सिङ फेडरेशन अफ रसिया र रसिया फेडरेसनको खेलकुद मन्त्रीको निमन्त्रणामा युवा तथा खेलकुद मन्त्री महेश्वर जंग गहतराज (अथक) को नेतृत्वमा नेपाल बक्सिङ संघ पदाधिकारीसहित ८ सदस्यीय टोली सोमबार रुसको मस्को प्रस्थान गरेका छन् ।
भ्रमण टोलीमा युवा तथा खेलकुद मन्त्री महेश्वर जंग गहतराज (अथक), युवा तथा खेलकुद मन्त्रालयका सचिव डा. दामोदर रेग्मी, राष्ट्रिय खेलकुद परिषदको विभागिय प्रमुख मधु सुदन बस्नेत, मन्त्रीको निजी सचिव रोसन कुमार सुनार र संघको तर्फबाट संघका अध्यक्ष राम अवाले, उपाध्यक्ष अर्जुन बहादुर केसी संघका सदस्य मान बहादुर भण्डारी र प्रवक्ता एवं अन्तर्राष्ट्रिय सम्बन्ध संयोजक श्यामकाजी अवाले भ्रमण टोलीमा रहेका छन् ।
पाँच दिने भ्रमणमा दुवै देशको खेलकूद विकास र प्रवर्धनमा सहकार्य गर्ने यस मैत्रीपूर्ण भ्रमणमा निम्न विषयहरुमा छलफल हुने बताइएको छ ।
भेटमा नेपाल र रसियाका बक्सिङ खेलाडीहरुको प्रशिक्षण आदान–प्रदान, प्रशिक्षकहरुको क्षमता विकास र बृद्धिमा सहयोग, मैत्रीपूर्ण बक्सिङ एवं अन्य खेलकुद प्रतियोगीता आयोजना एवं सहभागिता, रसियाको स्पोर्ट्स साईन्स कलेजमा नेपाली विद्यार्थीहरुलाई छात्रवृत्तिको व्यवस्था, हिमालय क्षेत्र पदयात्रा एवं दौडको आयोजना, खेलकुदबाट पर्यटन प्रवद्र्धनमा विविध विधाहरुमा छलफलसँग र नेपालमा हाई अल्टिच्युड बक्सिङ ट्रेनिङ सेन्टर स्थापना गर्ने विषमा छलफल र सहमति हुने बताइएको छ ।
भ्रमण दलले रसिया फेडरेसनको खेलकुद मन्त्री ओलेग म्याटिसिनसँग विशेष भेटघाटको साथै अन्तर्राष्ट्रिय बक्सिङ संघ (आइवा) का अध्यक्ष उमार क्रेमलेम, बक्सिङ फेडरेशन अफ रसियाका महासचिव टाटयाना किरियन्कोसँगै मस्कोस्थित नेपाली दुतावास, नेपाली एनआरएन टोलीसँग भेटघाटसँगै बक्सिङ प्रतियोगितामा सहभागी हुने कार्यक्रम छ । टोली १६ जुनमा स्वदेश फर्कनेछ ।
April 28, 2024
एजेन्सी – जारी इंडियन प्रिमियर लिग (आईपिएल) को शीर्ष स्थानमा रहेको राजस्थान रोयल्सले अंकदूरी बढाएको छ । नवौं खेलमा आठौ जित दर्ता गर्ने क्रममा राजस्थानले लखनऊ सुपर जाएन्ट्स माथि ७ विकेटको सहज जित दर्ता गरेको हो । लखनऊले दिएको १९७ रनको लक्ष्य पछ्याएको राजस्थानले ६ बल बाँकी छँदै लक्ष्य ३ विकेट मात्र गुमाएर भेटायो । […]
April 27, 2024
एजेन्सी – इंग्लिश प्रिमियर लिग उपाधि दावेदार मानिएको लिभरपुल लाई उपाधि आकांक्षामा अर्को धक्का लागेको छ । पछिल्लो समय खराब लयमा रहेको लिभरपुल आज भएको खेलमा वेस्ट ह्याम विरुद्ध २-२ को बराबरीमा रोकिएको हो । पछि परेको अवस्था उल्ट्याउँदै अग्रता लिएको लिभरपुल अन्तिममा भने बराबरीमा रोकियो । ४३औं मिनेटमा जेरड बावेनले मोहम्मद कुडुसको क्रसमा हेडर […]
April 27, 2024
काठमाडौं (हाम्रो खेलकुद) – च्याम्पियन नेपाल एपिएफ क्लबकी स्पाइकर निरुता ठगुन्ना सातौं केएनपी नेरोलेक राष्ट्रिय महिला भलिबल प्रतियोगिताको सर्वाेत्कृष्ट खेलाडी घोषित भएकी छिन् । एपिएफलाई अपराजित रहेर च्याम्पियन बनाउन निरुताले सबै खेलमा सानदार प्रदर्शन गरेकी थिइन् । सर्वाेत्कृष्ट बनेसँगै निरुताले ५० हजार रुपैयाँसँगै ट्रफी प्राप्त गरेकी छिन् । व्यक्तिगत विधामा पनि च्याम्पियन एपिएफकै खेलाडीको वर्चश्व […]