तानडोरीमा काठमाडौं पहिलो

काठमाडौं (हाम्रो खेलकुद) – राष्ट्रिय खेलकुद परिषद् (राखेप) को ५९ औं वार्षिकोत्सवका अवसरमा आयोजित तानडोरी प्रतियोगितामा शुक्रबार काठमाडौं पहिलो भएको छ ।

त्रिपुरेश्वरस्थित दशरथ रंगशालामा भएको प्रतियोगितामा राखेपअन्तर्गत तालिम तथा प्रशिक्षण विभाग दोश्रो भयो । विजेतालाई राखेपका सदस्य–सचिव टंकलाल घिसिङले एक कार्यक्रमबीच पुरस्कृत गरे ।

सोही अवसरमा वार्षिकोत्सवका अवसरमा आयोजित ब्याडमिन्टन प्रतियोगिताका विजेतालाई पनि पुरस्कृत गरिएको थियो । वार्षिकोत्सवकै अवसरमा शनिबार भद्रकालीस्थित आर्मी अफिसर्स क्लबको हलमा प्रधानमन्त्री शेरबहादुर देउवाको प्रमुख आतित्यथामा विशेष कार्यक्रम हुँदैछ ।

कार्यक्रममा खेलाडीसहित १६ जनालाई सम्मान गरिने छ । त्यस्तै दीर्घ सेवा पदक र परिषद् सेवा पदक गरी १ सय ४१ कर्मचारीलाई पनि विभूषित गरिने छ । २०२१ साल भदौ १३ गते राखेप स्थापना भएको थियो ।