बुद्ध शान्तिलाई बाल दिवस कप फुटबल उपाधि

काठमाडौं (हाम्रो खेलकुद) – बुद्ध शान्ति क्लबले दोस्रो संस्करणको बाल दिवस कप यू१३ फुटबल प्रतियोगिताको उपाधि जितेको छ ।

गोदावारीस्थित सेन्ट जेभियर स्कुलको मैदानमा शनिबार भएको खेलमा बन्देस पुर क्लबलाई १–० ले पराजित गर्दै बुद्ध शान्ति क्लबले उपाधि जितेको हो ।

विजेता बुद्ध शान्तिका रियाज तामाङ सर्वाेत्कृष्ट खेलाडी घोषित भए । उनले ट्रफी हात पारे । आयोजक नमुनाका सुशान्त तामाङ उत्कृष्ट गोलरक्षक चुनिए । उनले पनि ट्रफी हात पारे ।

विजयी टोली तथा खेलाडीलाई गोदावारी नगपालिका ३ का वडा सदस्य तथा महिला तथा बालबालिका संयोजक संगिता तामाङ र गोदावारी नगरपालिका ३ का वडा सदस्य तथा खेलकुद संयोजक दीपक लामालगायतले शिल्ड, मेडल र प्रमाणपत्र प्रदान गरे ।

नमुना युथ क्लबको आयोजनामा भएको एक दिने प्रतियोगितामा ६ टोलीको सहभागिता रहेको थियो । सहभागी टोलीले लिग कम नकआउटको आधारमा प्रतिस्पर्धा गरेका थिए ।

प्रतियोगितालाई समाजसेवी सुमन नगरकोटले मुख्य प्रायोजन, क्रेसनट एकेडमी स्कुलले प्रमाण पत्र तथा अन्य प्रायोजन तथा सेन्ट जेभियर स्कुलको पनि प्रतियोगितालाई सहयोग गरेको थियो ।