default_image

2 years ago

October 14, 2022

पुरुष हक्कीमा पुलिसको जित

पोखरा (हाम्रो खेलकुद) – नवौं राष्ट्रिय खेलकुद प्रतियोगिता अन्तर्गत पुरुष हक्कीतर्फ शुक्रबार चार खेल सम्पन्न भएका छन् । हेम्जाको गौरीशंकर खेलमैदानमा जारी प्रतियोगिताको पहिलो खेलमा गण्डकी र सुदुरपश्चिम प्रदेश १–१ गोलको बरावरीमा रोकिएका छन् । खेलको दोश्रो मिनेटमा महेश नेपालीले गोल गर्दै सुदूरपश्चिमलाई १–० को अग्रता दिलाएका थिए भने ५२ औं मिनेटमा गण्डकीका पवन परियारले […]

149 views

0 Bookmark

पोखरा (हाम्रो खेलकुद) – नवौं राष्ट्रिय खेलकुद प्रतियोगिता अन्तर्गत पुरुष हक्कीतर्फ शुक्रबार चार खेल सम्पन्न भएका छन् ।

हेम्जाको गौरीशंकर खेलमैदानमा जारी प्रतियोगिताको पहिलो खेलमा गण्डकी र सुदुरपश्चिम प्रदेश १–१ गोलको बरावरीमा रोकिएका छन् । खेलको दोश्रो मिनेटमा महेश नेपालीले गोल गर्दै सुदूरपश्चिमलाई १–० को अग्रता दिलाएका थिए भने ५२ औं मिनेटमा गण्डकीका पवन परियारले गोल फर्काउदै टिमलाई बरावरीमा फर्काएका हुन् ।

खेल बराबरीमा रोकिए पछि दुवै टिमले १–१ अंक बाड्न बाध्य भएका छन् । त्यसैगरि दोस्रो खेलमा मधेश प्रदेश र प्रदेश १ विचको खेलमा प्रदेश १ विजयी भएको छ । प्रदेश १ ४–१ गोल अन्तरले विजयी भएको हो । खेलको २७औ, ५९औ र ५०औ मिनेटमा प्रदेश १ का खेलाडी रिसव चौधरीले गोल गर्दै टिमलाई योगदान दिएका थिए ।

त्यसैगरि खेलको ३२ औ मिनेटमा मधेश प्रदेशका खेलाडी अमित कुमार श्रीवास्तवले गोल गरेका थिए । खेलको ४० औ मिनेटमा पुनः प्रदेश १ का खेलाडी कृष्ण तामाङले एक गोल गरेपछि टिमलाई ४–१ मा पु¥याएका थिए ।

त्यसैगरि तेस्रो खेलमा नेपाल पुलिस क्लव विजयी भएको छ । नेपाल पुलिसले कर्णाली प्रदेशलाई ६–० अन्तरको फराकिलो गोल अन्तरले पराजित गरेको हो ।

खेलको १७ औ,२८ औ र ३६ मिनेटमा नेपाल पुलिसका नरेन्द्र कार्कीले गोल गरेका थिए भने ४४ औ मिनेटमा गणेश सिँह ठगुन्नाले गोल गरेका थिए । खेलको ५१ औ मिनेटमा महेश धामीले एक गोल गरेका थिए । त्यसैगरि खेलको ५४ औ मिनेटमा शशि दर्लामीले एक गोल थप गरेपछि टिमलाई ६–० को फराकिलो अन्तरले जित दिलाउन सफल भएको हो ।

समय अभावका कारण विहीबार हुन नसकेको बागमती प्रदेश र लुम्विनी प्रदेश विचको खेल आज दिउँसो भएको थियो । आज भएको उक्त खेलमा बाग्मती प्रदेश विजयी भएको छ ।

महिला हक्की – आर्मी सफल
महिला हक्कीको दोस्रो दिन नेपाल आर्मी विजयी भएको छ । नेपाल आर्मीले मधेस प्रदेशलाई ८–० गोलअन्तरले पराजित ग¥यो ।
खेलको पहिलो क्वाटरमा सीतामाया बलले पाँचौं मिनेटमा गोल गरिन् ।

७ औं मिनेटमा सीमा खड्काले गोल गरेकी थिइन् । खेलको दोस्रो क्वाटरमा सीतामाया बलले पुन एक गोल गरिन् । १८ औं मिनेटमा उनले गोल गरेपछि २४ मिनेटमा आर्मीकैतर्फबाट कमला चन्दले पुनः एक गोल गरिन् । त्यस्तै तेस्रो क्वाटरमा सीतामाया र सुनिता नेगीले आर्मीका लागि १–१ गोल गर्न सफल भए ।

३९ औं मिनेटमा सुनिताले गोल गरेको एकमिनेट लगत्तै सीतामायाले गोल गरेकी थिइन् । अन्तिम क्वाटर फाइलनमा आर्मीकातर्फबाट कमला चन्द र सुनिता नेगीले पुन एक–एक गोल गरेका थिए । यो सँगै आर्मीले खेल प्रतियोगितामा विजयी सुरुआत गरेको छ । यसपछिको खेल लुम्बिनी र गण्डकी प्रदेश बीच हुँदै छ ।

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

April 16, 2024

बहराइनको कम्बोडियाविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]

Success

Thank you for your time.