default_image

1 year ago

October 18, 2022

भलिबलमा एकै खेलमा तीन खेलाडी घाइते

पोखरा (हाम्रो खेलकुद) – नवौं राष्ट्रिय खेलकुद प्रतियोगिता अन्तर्गत पुरुष भलिबलतर्फको एकै खेलमा तीन खेलाडी घाइते भएका छन् । पोखरा रंगशालास्थित भलिबल कोर्टमा मंगलबार नेपाल एपिएफ क्लब र लुम्बिनी प्रदेशबीचको क्वाटरफाइनल दौरान एपिएफका दुई तथा लुम्बिनीका एक खेलाडी घाइते भएका हुन् । दोश्रो सेटमा ५–३ को अग्रता लिइरहँदा एपिएफका मिडल ब्लकर रुपेन्द्र गैह्रे घाइते हुन […]

207 views

0 Bookmark

पोखरा (हाम्रो खेलकुद) – नवौं राष्ट्रिय खेलकुद प्रतियोगिता अन्तर्गत पुरुष भलिबलतर्फको एकै खेलमा तीन खेलाडी घाइते भएका छन् ।

पोखरा रंगशालास्थित भलिबल कोर्टमा मंगलबार नेपाल एपिएफ क्लब र लुम्बिनी प्रदेशबीचको क्वाटरफाइनल दौरान एपिएफका दुई तथा लुम्बिनीका एक खेलाडी घाइते भएका हुन् ।

दोश्रो सेटमा ५–३ को अग्रता लिइरहँदा एपिएफका मिडल ब्लकर रुपेन्द्र गैह्रे घाइते हुन पुगे । उनले खुट्टाको एंकलमा चोट बोक्न पुगेपछि थप उपचारको लागि अस्पताल पठाइएको छ ।

त्यसलगत्तै लुम्बिनीले खेललाई ५–५ को स्थितिमा ल्याए । बराबरीको अवस्थामा लुम्बिनीका विजय परियार घाइते हुन पुगे उनले पनि एंकलमा नै चोट बोक्न पुगे ।

त्यसलगत्तै एपिएफका स्पाइकर टेकराज अवस्थी पनि घाइते हुन पुगे । लगातार तीन खेलाडी घाइते भएपछि खेल रोकिन पुगेको थियो । त्यसपछि म्याट झिकेर खेल खेलाइएको छ ।

राष्ट्रिय प्रतियोगिता भएतापनि भलिबल पुरानै म्याटमा खेलाइएको छ । पुरानो म्याट भएका कारण चिप्लिएर लगातार खेलाडी घाइते भएका हुन् ।

नवौँ राष्ट्रिय खेलकुद प्रतियोगिता प्रचारप्रसार उपसमितिका सदस्य केशव पाठकले नयाँ म्याटमा खेलाउन आग्रह गरिदा सुनुवाई नभएको बताए । उनका अनुसार भलिबलका लागि ल्याइएको म्याट सेपाकताक्रोको लागि नवलपुर पुगेको छ ।

यसअघि भलिबलमै तीन खेलाडी घाइते भइसकेका छन् । उद्घाटनको दिन घरेलु टोली गण्डकी र बागमतीबिचको खेलमा गण्डकीका प्रेम कुमालको खुट्टा नै भाँचिएको छ । त्यसबाहेक लुम्बिनीकै चिरञ्जीवी खड्का र एपिएफकै हेमन्त मल्ल घाइते हुन पुगेका भएका थिए । मल्ल अहिले ठिक भइसकेका छन ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.