default_image

2 years ago

October 19, 2022

नवौंको आर्चरीमा गण्डकी च्याम्पियन

पोखरा (हाम्रो खेलकुद– गण्डकी प्रदेश नवौं राष्ट्रिय खेलकुद अन्तर्गत आर्चरीमा टिम च्याम्पियन बनेको छ । कूल १३ स्पर्धामा भएको प्रतियोगितामा गण्डकी सर्वाधिक ७ स्वर्ण, ४ रजत र १ कास्य पदकसहित १२ पदकका साथ विजेता बनेको हो । त्रिभुवन आर्मी क्लबले ३ स्वर्ण, १ रजत र ५ कास्यसहित कुल ९ पदकका साथ दोस्रो भयो । तेस्रो […]

198 views

0 Bookmark

पोखरा (हाम्रो खेलकुद– गण्डकी प्रदेश नवौं राष्ट्रिय खेलकुद अन्तर्गत आर्चरीमा टिम च्याम्पियन बनेको छ । कूल १३ स्पर्धामा भएको प्रतियोगितामा गण्डकी सर्वाधिक ७ स्वर्ण, ४ रजत र १ कास्य पदकसहित १२ पदकका साथ विजेता बनेको हो ।

त्रिभुवन आर्मी क्लबले ३ स्वर्ण, १ रजत र ५ कास्यसहित कुल ९ पदकका साथ दोस्रो भयो । तेस्रो भएको नेपाल एपिएफ क्लबले २ स्वर्ण, ३ रजत र ३ कास्यसहित ८ पदक जित्यो । नेपाल पुलिस क्लबलले १ स्वर्ण, २ रजत र १ कास्य, प्रदेश १ ले २ रजत, सुदूर पश्चिम प्रदेशले १ रजत र २ कास्य, तथा बागमती प्रदेशले १ कास्य पदक जितेको छ । लुम्बिनी प्रदेश र एनआरएनए पदकविहीन रहे । सबै टोलीले सबै विधामा सहभागिता भने जनाएको थिएन ।

अन्तिम दिन बुधबार ६ स्वर्णका लागि भएको खेलमा रिकर्भ मेन व्यक्तिगततर्फ गण्डकीका गंगाबहादुर कुँवरले स्वर्ण जिते । उनले पुलिसका तिलक पुनलाई ७–१ स्कोरले पराजित गरे । एपिएफका विराट थापाले कास्य पदक जिजते । आर्चरीको वरियतामा गंगा पहिलो, तिलक दोस्रो र विराट पाँचौ स्थानमा छन् ।

रिकर्भ वुमेन व्यक्तिगततर्फ गण्डकीकी रोजिना थापा मगरले आर्मीकी मञ्जु बजगाईंलाई ६–२ स्कोरले हराउँदै स्वर्ण पदक जितिन् । आर्मीकै ज्ञानु अवाले कास्य पदक जितिन् । वरियतामा रोजिना दोस्रो र मञ्जु पहिलो र ज्ञानु तेस्रो स्थानमा छिन् ।

कम्पाउण्ड मेन व्यक्तिगततर्फ गण्डकीकै दुई खेलाडी फाइनलमा भिडे । जागृत गुरुङले खेमबहादुर क्षेत्रीलाई १४४–१४२ को झिनो अन्तरले हराउँदै स्वर्ण जिते । सुदूरपश्चिमका सुरेश गुरुङले कास्य तिे । वरियतामा जागृत पहिलो, खेम दोस्रो र सुरेश चौथो स्थामा छन् ।

कम्पाउण्ड वुमेन व्यक्तिगततर्फ पहिलो वरियताकी एपिएफकी पार्षदा आचार्य (एपीएफ) लाई दोस्रो वरियताकी आर्मीकी इमायुङ राईले १३६–१३० ले हराउँदै स्वर्ण पदक जितिन् । एपिएफकी निर्मला कानवाङ राईले कास्य पदक जितिन् ।
स्टान्डर्ड मेन व्यक्तिगततर्फ दोस्रो वरियताका पुलिसका नगेन्द्र आचार्यले स्वर्ण जिते । ¥याङकिङ राउण्डमा पहिलो नम्बरका गण्डकीका दुर्गा घर्ती मगर ६–५ स्कोरले पछि पर्दै रजत पदकमा सिमित भए । बागमतीका फर्माचन शेरचनले कास्य पदक जिते ।

स्टान्डर्ड वुमेन व्यक्तिगततर्फ एपिएफकी सोनु जया राईले प्रदेश १ की योगिता कानवाङलाई ६–४ स्कोरले हराउँदै स्वर्ण जितिन् । आर्मीकी शारदा बिक तेस्रो कास्य पदक प्राप्त गरिन् । वरियतामा शारदा दोस्रो, सोनु तेस्रो र योगिता चौथो स्थानमा छिन् ।

कूल १३ विधाको खेलमा मंगलबार ७ र बुधबार ६ इभेन्टसको नतिजा निस्केको थियो । आर्चरीमा मधेश र कर्णालीबाहेक ५ प्रदेश, ३ विभाग र एनआरएनए गरि ९ टोलीको सहभागिता रहेको थियो । स्टान्डर्ड (३० मिटर), कम्पाउण्ड (५० मिटर) र रिकर्भ (७० मिटर) विधामा पुरुष र महिला एकल, टिम र मिक्समा प्रतिष्पर्धा भएको थियो ।

राष्ट्रिय खेलकुद परिषद्का सदस्यसचिव टंकलाल घिसिङ, प्रदेश खेलकुद परिषद् गण्डकीका कार्यवाहक सदस्य सचिव घनश्याम पौडैल, नेपाल आर्चरी संघका केन्द्रीय अध्यक्ष दीपकराज गुरुङ लगायतले विजेता खेलाडीलाई पुरस्कृत गरे ।

April 16, 2024

बहराइनको कम्बोडियाविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

Success

Thank you for your time.