default_image

1 year ago

October 20, 2022

विपनालाई स्क्वासमा स्वर्ण

काठमाडौं (हाम्रो खेलकुद) – बागमती प्रदेशकी विपना ब्लोनले नवौं राष्ट्रिय खेलकुद अन्तरगत स्क्वासतर्फको महिला एकलमा स्वर्ण जितेकी छिन् । पोखरा रंगशलास्थित एसआरए स्क्वास कोर्टमा आफ्नै प्रदेशकी र स्वस्थानी श्रेष्ठलाई ३–१ को सेटमा पराजित गर्दै राष्ट्रिय खेलकुदमा विपनाले पहिलो स्वर्ण जितेकी हुन् । सातौ र आठौंमा पनि सहभागिता जनाएकी विपना त्यसबेला भने कास्यमा सीमित बनेकी थिइन् […]

271 views

0 Bookmark

काठमाडौं (हाम्रो खेलकुद) – बागमती प्रदेशकी विपना ब्लोनले नवौं राष्ट्रिय खेलकुद अन्तरगत स्क्वासतर्फको महिला एकलमा स्वर्ण जितेकी छिन् ।

पोखरा रंगशलास्थित एसआरए स्क्वास कोर्टमा आफ्नै प्रदेशकी र स्वस्थानी श्रेष्ठलाई ३–१ को सेटमा पराजित गर्दै राष्ट्रिय खेलकुदमा विपनाले पहिलो स्वर्ण जितेकी हुन् । सातौ र आठौंमा पनि सहभागिता जनाएकी विपना त्यसबेला भने कास्यमा सीमित बनेकी थिइन् ।

पहिलो सेट ९–११ ले गुमाएकी विपनाले त्यसपछिको तीनै सेट आफ्नो पक्षमा पार्दै स्वर्ण जित्न सफल भएका हुन् । दोस्रो सेटमा एक समय ५–० ले पछि परेको विपनाले लगातार ७ अंक जोड्दै सेटमा ७–५ को अग्रता लिदै ११–८ को उत्कृष्ट पूनरागमन जित निकाल्न सफल भइन् ।

तेस्रो सेटमा ११–८ को जित निकालेको विपनाले चौथो सेट ११–६ ले सहजै आफ्नो पक्षमा पार्दै च्याम्पियनसहित स्वर्ण जित्न सफल भइन् । यस स्पर्धामा बागमती प्रदेशकी भावना सुनुवार र गण्डकीकी कृष्णा गुरुङले कास्य जितेकी छिन् ।

स्वर्ण जितेसँगै विपनाले वर्षाैको देखिको तयारीले नै स्वर्ण जित्न सफल भएको बताइन् । ‘राष्ट्रियमा यो मेरो पहिलो स्वर्ण हो । आज मात्र होइन मैले च्याम्पियन बन्नको लागि धेरै मिहिनेत गरेका थिए । यो मैले जितेको मात्रै होइन सम्पूर्ण आमाले जितेको हो ।’ स्वर्ण जितेपछि विपनाले भनिन् । ‘मैले त जित्नु भन्ने सोचेकै थिइन् । सटहरु राम्रो लागिरहेको थियो । त्यसपछि आफ्नो मिहेनतलाई सम्झिएर खेले, सफलता हात पारे ।

पुरुषतर्फको टिम इभेन्ट्समा गण्डकीले स्वर्ण जितेको छ । गण्डकीले फाइनलमा बागमतीलाई २–० को सोझो सेटमा हरायो । पहिलो खेलमा गण्डकीका दीपक थापाले बागमतीका अमिर ब्लोनलाई को सेटमा ११–७, १३–११ र ११–३ को सेटमा तथा अमृत थापा मगरले अरहान्त केशर सिंहलाई ११–८, ११–६ र ११–८ को सेटमा हराउँदै स्वर्ण पक्का ग¥यो ।

टिम इभेन्टतर्फ लुम्बिनी र एपीएफले कास्य जितेका छन् । गण्डकीका अमृत थापामगरले व्यक्तिगत विधातर्फ स्वर्ण जितिसकेका छन् ।

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

April 6, 2024

एन्फा महासचिव राई विरुद्ध सम्पत्ति शुद्धीकरणमा उजुरी

काठमाडौं (हाम्रो खेलकुद)- अखिल नेपाल फुटबल संघ (एन्फा) का महासचिव किरण राईमाथि एन्फामा भ्रष्टाचार र अनियमितताको‌ आरोप लागेको‌ छ । एन्फाको जिल्ला फुटबल संघ गोरखाका सदस्य अमित खत्रीले महासचिव राई विभिन्न शीर्षकमा अनियमितता संलग्न भएको आरोपसहित शुक्रबार सम्पत्ति शुद्धीकरण अनुसन्धान विभागमा छानविनको माग गर्दै उजुरी दर्ता गरेका छन् । खत्रीले एन्फामा र भ्रष्टाचार र वेथिति […]

Success

Thank you for your time.