default_image

1 year ago

October 30, 2022

भारतमाथि दक्षिण अफ्रिकाको रोमान्चक जित

एजेन्सी – दक्षिण अफ्रिकाले आइसिसी टि२० विश्वकपमा भारतमाथि पाँच विकेटको रोमान्चक जित हात पारेको छ । यो जितसँगै दक्षिण अफ्रिका शीर्ष स्थानमा उक्लिदै सेमिफाइनल सम्भावना बलियो बनाएको छ । जितको लागि १ सय ३४ रनको विजयी लक्ष्य पछ्याएको दक्षिण अफ्रिकाले १९.४ ओभरमा ५ विकेट गुमाउँदै पूरा गर्यो । दक्षिण अफ्रिकालाई अन्तिम ६ बलमा जितको लागि […]

88 views

0 Bookmark

एजेन्सी – दक्षिण अफ्रिकाले आइसिसी टि२० विश्वकपमा भारतमाथि पाँच विकेटको रोमान्चक जित हात पारेको छ । यो जितसँगै दक्षिण अफ्रिका शीर्ष स्थानमा उक्लिदै सेमिफाइनल सम्भावना बलियो बनाएको छ ।

जितको लागि १ सय ३४ रनको विजयी लक्ष्य पछ्याएको दक्षिण अफ्रिकाले १९.४ ओभरमा ५ विकेट गुमाउँदै पूरा गर्यो । दक्षिण अफ्रिकालाई अन्तिम ६ बलमा जितको लागि ६ रन चाहिँएको थियो ।

भुवनेश्वर कुमारले वेन पार्नेललाई पहिलो बल डट राखे । दोस्रो बलमा एक रन लिँदै स्ट्राइक डेविड मिलरलाई दिए । तेस्रो बलमा मिलरले चौका प्रहार गएपछि भारतको जितको सम्भावना सकिएको थियो । चौथो बलमा मिलरले विजयी रन प्रहार गरे ।

दक्षिण अफ्रिका जितमा एडेन माक्ररमले ४१ बलमा ६ चौका र १ छक्कासहित ५२ रनमा आउट भए । डेविड मिलरले ४६ बलमा ४ चौका र ३ छक्कासहित सर्वाधिक ५९ रनमा अविजित रहँदै जित पक्का गराए । ट्रिस्टन स्टब्स ६ र पार्नेलले दुई रन बनाए ।

खराब सुरुवात गरेपनि चौथो विकेटका लागि मिलर र माक्ररमले ६० बलमा ७६ रनको साझेदारी गर्दै जितको आधार तय गरे । माक्ररमले ब्यक्तिगत ३५ रनमा जीवनदान पाएका थिए । स्पिनर रविचन्द्रन आश्विनको १२ औं ओभरको पाँचौं बलमा विराट कोहलीले सहज क्याच छोड्न पुगेका थिए ।

तीव्र गतिका बलर अर्शदीप सिंहले दोस्रो ओभरमा दुई विकेट लिँदै उत्कृष्ट सुरुवात दिलाए । दोस्रो ओभरको पहिलो बलमै क्विन्टन डि कक एज लागेर फस्ट स्लिपमा लोकेश राहुलबाट एक रनमा क्याच आउट भए ।

एक बलपछि राइली रोसोउ शून्यमा एलबीडब्लू आउट भए । यसअघि लगातार दुई शतक हानेका रोसोउलाई रोहित शर्माले रिभ्यु लिँदै पेभेलिएन फर्काएका थिए ।

लगातार खराब प्रदर्शन गर्दै आएका टेम्बा बभुमा १५ बलमा १ छक्कासहित १० रनमा आउट भए । बभुमा आउट हुँदा दक्षिण अफ्रिका ५.४ ओभरमा २४–३ को कमजोर अवस्थामा पुगेको थियो ।

भारतका तीव्र गतिका बलर अर्शदीप सिंहले ४ ओभरमा २५ रन खर्चेर २ विकेट लिए । मोहम्मद शामी, रविचन्द्रन आश्विन र हार्दिक पान्ड्याले एक एक विकेट लिए ।

त्यसअघि पर्थमा टस जितेर पहिला ब्याटिङ थालेको भारतले निर्धारित २० ओभरमा ९ विकेट गुमाउँदै १ सय ३३ रन बनायो । भारतका सूर्यकुमार यादवले ४० बलमा ६ चौका र ३ छक्कासहित सर्वाधिक ६८ रन बनाए । सूर्यको यो विश्वकपमा लगातार दोस्रो अर्धशतक हो ।

सूर्यले यसअघि नेदरल्यान्ड्सविरुद्ध अर्धशतक प्रहार गरेका थिए । सूर्य बाहेक अन्य कुनैपनि भारतीय ब्याटरले सम्झन लायक प्रदर्शन गर्न सकेनन् । भारतका ८ खेलाडीले दोहोरो अंकमा रन बनाउन सकेनन् ।

तीव्र गतिका बलर लुन्गि एनगिडीले पाँचौं ओभरमा भारतका दुबै ओपनर लोकेश राहुल र रोहित शर्मालाई पेभेलिएन फर्काउँदै सानदार सुरुवात दिलाए । पाँचौं ओभरको दोस्रो बलमा कप्तान रोहित शर्मा १५ रनमा कट एण्ड बोल्ड आउट भए । रोहितले १४ बलमा १ चौका र १ छक्का प्रहार गरे । त्यो समय भारतले २३ रन बोर्डमा जोडेको थियो ।

अन्तिम बलमा अर्का ओपनर लोकेश राहुल एज लागेर फस्ट स्लिपमा एडेन माक्ररमबाट ९ रनमा क्याच आउट भए । उनले १४ बलमा १ छक्का हाने । राहुलले आफ्नो खराब लयलाई अन्त्य गर्न सकेनन् ।

सातौं ओभरको पाँचौं बलमा एनगिडीले भारतका प्रमुख ब्याटर विराट कोहलीलाई १२ रनमा कागिसो रबाडाबाट क्याच गराएपछि भारत समस्यामा परेको थियो । कोहली बाउन्सर बलमा फाइन लेगमा क्याच आउट हुन पुगेका थिए ।

कोहलीले ११ बल खेल्दै २ चौका प्रहार गरे । तीव्र गतिका बलर एनरिच नोर्कियाले दीपक हुडालाई क्विन्टन डि ककबाट शून्यमा क्याच गराए । एनगिडीले नै हार्दिक पान्ड्यालाई २ रनमा क्याच गराएपछि भारत ८.५ ओभरमा ४९–५ को अवस्थामा पुगेको हो । हार्दिक सर्ट बलमा फाइन लेगमा रबाडाबाट क्याच आउट भए ।

दीनेश कार्तिक १५ बल खेल्दै ६ रनमा आउट भए । रविचन्द्रन आश्विनले ११ बल खेल्दै ७ रन जोडे । दक्षिण अफ्रिकाका लुन्गि एनगिडीले ४ ओभरमा २९ रन खर्चेर ४ विकेट लिए । वेन पार्नेलले ४ ओभरमा १ मेडनसहित १५ रन खर्चेर ३ विकेट लिए । एनरिच नोर्कियाले एक विकेट लिए ।

भारतले पहिलो खेलमा पाकिस्तानलाई ४ विकेट र दोस्रो खेलमा नेदरल्यान्ड्सलाई ५६ रनले हराएको थियो । भारतले अव बुधबार बंगलादेश र आइतबार जिम्बावेसँग खेल्नेछ । दक्षिण अफ्रिकाले पहिलो खेलमा जिम्बावेसँग वर्षाको कारण खेल पूरा हुन नसक्दा अंक बाँडेको थियो ।

दोस्रो खेलमा बंगलादेशलाई १ सय ४ रनको फराकिलो अन्तरले हराएको थियो । दक्षिण अफ्रिकाले बिहीबार पाकिस्तान र आइतबार नेदरल्यान्ड्सँग खेल्नेछ । दुबै खेलमा विजयी हुँदा सहजै सेमिफाइनलमा पुग्नेछ ।

अंक तालिका

सुपर १२ को समूह ए मा न्युजिल्यान्ड ३ खेलमा २ मा जितसहित ५ अंकका साथ शीर्ष स्थानमा छ । इंग्ल्यान्ड ३ खेलमा १ मा जित, १ मा हार र १ खेल रद्ध हुँदा ३ अंकका साथ दोस्रो स्थानमा छ । आयरल्यान्ड ३ खेलमा १ मा जित, १ मा हार र १ खेलमा अंक बाँड्दै तेस्रो स्थानमा छ ।

अष्ट्रेलिया ३ खेलमा १ मा जित, १ मा हार र १ खेलमा अंक बाँड्दै चौथो स्थानमा छ । अफगानिस्तान ३ खेलमा १ मा हार र दुई खेलमा अंक बाँड्दै पाँचौं स्थानमा छ । श्रीलंका ३ खेलमा १ मा जित र २ मा हार सहित पुछारमा छ ।

सुपर १२ को समूह बी मा दक्षिण अफ्रिका ३ खेलमा २ मा जित र १ मा हार सहित ५ अंकका साथ शीर्ष स्थानमा छ । भारत ३ खेलमा २ मा जित र १ मा हारका साथ ४ अंक जोड्दै दोस्रो स्थानमा छ ।

बंगलादेश ३ खेलमा २ मा जित र १ मा हार सहित ४ अंक जोड्दै तेस्रो स्थानमा छ । जिम्बावेले ३ खेलमा १ मा जित र १ मा हार सहित ३ अंकका साथ चौथो स्थानमा छ । पाकिस्तान ३ खेलमा २ मा हार र १ मा जित सहित पाँचौं स्थानमा छ । नेदरल्यान्ड्स तीनै खेलमा पराजित हुँदै पुछारमा छ ।

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

April 6, 2024

एन्फा महासचिव राई विरुद्ध सम्पत्ति शुद्धीकरणमा उजुरी

काठमाडौं (हाम्रो खेलकुद)- अखिल नेपाल फुटबल संघ (एन्फा) का महासचिव किरण राईमाथि एन्फामा भ्रष्टाचार र अनियमितताको‌ आरोप लागेको‌ छ । एन्फाको जिल्ला फुटबल संघ गोरखाका सदस्य अमित खत्रीले महासचिव राई विभिन्न शीर्षकमा अनियमितता संलग्न भएको आरोपसहित शुक्रबार सम्पत्ति शुद्धीकरण अनुसन्धान विभागमा छानविनको माग गर्दै उजुरी दर्ता गरेका छन् । खत्रीले एन्फामा र भ्रष्टाचार र वेथिति […]

Success

Thank you for your time.