1 year ago
December 23, 2022
एजेन्सी – बंगलादेशमा जारी बंगबन्धु एसियन सेन्ट्रल जोन यू२३ पुरुष अन्तर्राष्ट्रिय भलिबल च्याम्पियनसिपमा घरेलु टोली बंगलादेशले किर्गिस्तानमाथि राेमाञ्चक जित निकालेकाे छ ।
घरेलु टोली बंगलादेशले किर्गिस्तानमाथि ३–१ को सेटमा जित निकालेको हो । बंगलादेशको यो लगातार दोस्रो जित हो । किर्गिस्तानको यो पहिलो हार हो ।
बंगलादेशको ढाका मिरपुरस्थित शाहिद शुरवार्दी नेशनल इन्डोर रंगशालामा शुक्रबार भएको प्रतिस्पर्धात्मक र रोमाञ्चक बनेको पहिलो सेट बंगलादेशले २४–२६ ले आफ्नो पक्षमा पारेको थियो । दोस्रो सेट किर्गिस्तानले २५–२१ ले आफ्नो पक्षमा पारेपछि खेल थप रोमाञ्चक बनेको थियो ।
प्रतिस्पर्धात्मक र रोमाञ्चक बनेको तेस्रो सेटमा किर्गिस्तान जित नजिक पुगेर पनि गुमाउन पुग्यो । २४–२२ को बलियो अवस्थामा रहँदा खेलाडी परिवर्तन गरेपछि किर्गिस्तानले लगातार २ अंक गुमाएपछि खेल २४–२४ को बराबरी हुँदै २५–२५ को बराबरीमा पुग्यो । त्यसपछि बंगलादेशले लगातार २ अंक जोड्दै गुमाइसकेको सेट आफ्नो पक्षमा पार्न सफल भयो ।
बंगलादेशले स्पाइकबाट अंक जोड्दै २६–२५ बनायो । त्यसपछि किर्गिस्तानका खेलाडीको स्पाइक जाली कट्न नसकेपछि बंगलादेशले सेट आफ्नो पक्षमा पार्न सफल भयो ।
चौथो सेटमा २५–२३ ले आफ्नो पक्षमा पार्दै जित निकाल्न सफल भयो लगातार दोस्रो जितसँगै बंगलादेशले २ खेलबाट ६ अंक जोडेको छ । पराजित किर्गिस्तानको दुई खेलबाट ३ अंक छ ।
शुक्रबारै भएको अर्काे खेलमा नेपालले श्रीलंकासँग ३–० को सोझो सेटमा हार बेहोरेको छ । नेपालले पहिलो सेट २४–२६, दोस्रो सेट १८–२५ र तेस्रो सेट १७–२५ ले गुमायो । श्रीलंकाको पनि ३ अंक रहँदा लगातार दोस्रो हार बेहोरेको नेपाल अंक विहीन बनेको छ ।
अब शनिबार नेपाल र किर्गिस्तान तथा बंगलादेश र श्रीलंकाबीच प्रतिस्पर्धा हुनेछ । । च्याम्पियनसिपमा आयोजक बंगलादेशसँगै नेपाल, श्रीलंका र किर्गिस्तान गरी चार टोलीको सहभागिता रहेका कारण चारै टोली सेमिफाइनलमा पुगिसकेको छ । सहभागी टोलीले राउन्ड रोविन लिगको आधारमा प्रतिस्पर्धा गर्नेछ ।
राउन्ड रोविन लिगमा पहिलो र चौथो टोली तथा दोस्रो र तेस्रो हुने टोलीले फाइनल प्रवेशका लागि प्रतिस्पर्धा गर्नेछ । सेमिफाइनल १० पुसमा तथा फाइनल ११ पुसमा हुुनेछ ।
May 9, 2024
एजेन्सी – खेलको अन्तिम समयमा उत्कृष्ट पुनरागमन गर्दै रियल म्याड्रिड युरोपेली च्याम्पियन्स लिगको फाइनलमा प्रवेश गरेको छ । बायर्न म्युनिखविरुद्ध घरेलु मैदानमा भएको सेमिफाइनलको दोस्रो लेगमा बुधबार २-१ र समग्रमा ४-३ को जित निकाल्दै रियल फाइनलमा पुगेको हो । एक गोलले पछि परेको अवस्थामा ८१औं मिनेटमा मैदान प्रवेश गरेका जोसेलुले केही मिनेटको अन्तरालमा २ गोल […]
May 6, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोली इङ्ल्यान्ड ‘सि’ सँग पराजित भएको छ । इङ्ल्यान्ड नेसनल लिग टोली एल्डरसट टाउनको घरेलु मैदान इबीबी स्टेडियममा सोमबार भएको खेलमा नेपाल २-० ले पराजित भएको हो । नेपाल खेलको सुरुवाती समयका नै दुई गोलले पछि परेको थियो। इंग्लिस टोलीका लागि आठौं मिनेटमा निक काबाम्बाले […]
May 5, 2024
दिल तामाङ,सिड्नी नेपाली पुरुष राष्ट्रिय भलिबल टोलीका सदस्य विशाल बहादुर बिकले अस्ट्रेलियाको सिड्नी भलिबल लिग (एसभिएल) खेल्ने भएका छन् । ओपन स्पाइकर विशाल प्रो भलिबल एकेडेमीमा आबद्ध भएका छन् । प्रो भलिबल एकेडेमी अहिले पुरुष डिभिजन वानमा रहेकाे छ । त्याे भन्दामाथि पुरुष रिजर्भ र पुरुषा प्रिमियर लिग हुनेछ । यससँगै विशाल एसभिएल खेल्ने पहिलो […]