काठमाडौं (हाम्रो खेलकुद) – नेपाली सुटिङ खेलाडी सुस्मिता नेपालले इन्डोनेसियाको जकार्तामा जनवरी २७ देखि फेब्रुअरी ८ सम्म आयोजना हुने आईएसएसएफ विश्वकप राइफल एण्ड पेस्तोलमा प्रतिस्पर्धा गर्ने भएकी छिन् ।
ओलम्पिक छात्रवृत्ति होल्डर सुस्मिताले महिला १० मिटर एयर राइफलमा प्रतिस्पर्धा गर्नेछिन् । यस स्पर्धामा सुस्मिताबाट पदकको अपेक्षा गरिएको छ । सुस्मिताको प्रशिक्षकमा प्रदिप खाती छन् ।
दुई सदस्यीय टोलीलाई नेपाल ओलम्पिक कमिटिका अध्यक्ष जीवनराम श्रेष्ठ, महासचिव निलेन्द्रराज श्रेष्ठ, उपाध्यक्ष चतुरानन्द राजवैद्य तथा नेपाल सुटिङ संघका अध्यक्ष पुष्पदास श्रेष्ठले बिदाई गरे ।
नेपाल ओलम्पिक कमिटीका अध्यक्ष श्रेष्ठले खेलाडी सुस्मितालाई शुभकामना दिर्द विश्व च्याम्पियनसिप खेलाडीको अनुभव अभिवृद्धि गर्ने एउटा ठूलो मञ्च रहेको र यसले आगामी पेरिस ओलम्पिक खेल्न आत्मविश्वास बढाउन मद्दत गर्ने बताए ।
