default_image

1 year ago

January 31, 2023

म्याग्दी भलिबल कपलाई गौमतीको २० लाख प्रायोजन

म्याग्दी (हाम्रो खेलकुद) – भलिबलको उर्वर भुमि म्याग्दी जिल्लामा उमेर समूहको छात्र र छात्रा अन्तर माध्यमिक विद्यालय स्तरीय भलिबल प्रतियोगिता आयोजना गर्न जिल्ला भलिबल संघ म्याग्दी र गौमती विकास अक्षय कोषबीच १० वर्ष लामो सम्झौता भएको छ । म्याग्दी जिल्ला भलिबल संघको कार्यालयमा कोषका संस्थापक अध्यक्ष लालबहादुर केसी र भलिबल संघका अध्यक्ष तेजेन्द्र बानियाँले सम्झौता […]

198 views

0 Bookmark

म्याग्दी (हाम्रो खेलकुद) – भलिबलको उर्वर भुमि म्याग्दी जिल्लामा उमेर समूहको छात्र र छात्रा अन्तर माध्यमिक विद्यालय स्तरीय भलिबल प्रतियोगिता आयोजना गर्न जिल्ला भलिबल संघ म्याग्दी र गौमती विकास अक्षय कोषबीच १० वर्ष लामो सम्झौता भएको छ ।

म्याग्दी जिल्ला भलिबल संघको कार्यालयमा कोषका संस्थापक अध्यक्ष लालबहादुर केसी र भलिबल संघका अध्यक्ष तेजेन्द्र बानियाँले सम्झौता पत्रमा हस्ताक्षर गर्दै आदान–प्रदान गरे ।

१० वर्षे सम्झौतासँगै गौमती विकास अक्षय कोषले वार्षिक २ लाख रुपैयाँका दरले २० लाख रुपैयाँ उपलब्ध गराउनेछ । यससँगै गौमती विकास अक्षय कोष अन्तर माध्यमिक विद्यालय स्तरीय छात्र र छात्रा भलिबल प्रतियोगिताको मुख्य प्रायोजक हुनेछ ।

म्याग्दी भलिबल संघका अध्यक्ष बानियाँले अन्तर माध्यमिक विद्यालय स्तरीय छात्र र छात्रा भलिबल प्रतियोगितासँगै विद्यालयस्तरमा रहेका भलिबलका प्रतिभाको पहिचानसँगै नियमित प्रशिक्षण लगायतका गतिविधि सञ्चालन गर्ने गरी कोषले बार्षिक २ लाख रुपैयाँका दरले १० वर्षसम्म २० लाख रुपैयाँ उपलब्ध गराउने सहमति भएको जानकारी गराए ।

सम्झौतासँगै म्याग्दी जिल्ला भलिबल संघले प्रत्येक वर्ष उमेर समूहको छात्र र छात्रा अन्तर माध्यमिक विद्यालय स्तरीय भलिबल प्रतियोगिता आयोजना गर्नुपर्नेछ । प्रतियोगिता म्याग्दी भलिबल कपको नामबाट हुनेछ ।

पुरस्कार राशि आयोजकले राख्दै प्रतियोगिताको पुरस्कारसहितको ब्यवस्थापनमा सह प्रायोजक थप्न सकिने सम्झौतामा उल्लेख छ । सम्झौता यसैवर्षबाट शुरु भएपनि प्रतियोगिता भने वि.स. २०८० पुस ५ गतेबाट हुनेछ।

‘म्याग्दीमा आधिकारिक रुपमा विद्यालय स्तरको भलिबल प्रतियोगिता नभइरहेको अवस्थामा दीर्घकालीन योजनाका साथ म्याग्दीमा रहेका नयाँ युवा वर्गलाई लक्षित गर्दै यस कार्यक्रमको सुरुवात गरिएको अध्यक्ष बानियाँले बताए ।

‘युवाहरुलाई खेलको माध्यमबाट अनुशासित, स्वस्थ्य र दक्ष बनाई समाजमा भएका विसंगतिलाई न्युनिकरण गर्ने पनि हाम्रो प्राथमिकता हो ।’ अध्यक्ष बानियाँले भने, ‘गोमतीसँग १० वर्षको सम्झौता भएपनि निरन्तर सहकार्य गरी प्रतियोगितालाई म्याग्दीमा भलिबलको क्रेजलाई जिल्ला, प्रदेश, राष्ट्रिय र अन्तर्राष्ट्रिय स्तरका खेलाडी उत्पादन गर्ने हाम्रो लक्ष्य हो ।’

उनले नेपाल भलिबल संघलाई राष्ट्रिय र अन्तर्राष्ट्रिय स्तरमा मात्रै नहेरी जिल्ला भलिबल संघलाई पनि चासो दिन अनुरोध गर्दै यस प्रतियोगिताबाट छनोट भएका प्रतिभावान् खेलाडीलाई दक्ष प्रशिक्षकबाट प्रशिक्षण प्रदान गरिने बताए ।

‘गाैमती हाम्रो मुख्य प्रायोजक रहनेछ । हामी सह प्रायोजक पनि खोज्दै प्रतियोगितालाई उत्कृष्ट बनाउने छौं । म्याग्दी भलिबल कप विद्यालय स्तरको भलिबलको लागि विश्वकप जस्तै बनाउने लक्ष्य छ ’ अध्यक्ष बानियाँले भने, ‘नवौं राष्ट्रिय खेलकुदमा महिलातर्फको भलिबललाई उत्कृष्ट बनाएका थियौं । संघको आफ्नै कार्यालय पनि स्थापना गरिसकेका छौं । म्याग्दीको ६ पालिकामा भलिबल समिति गठन भइसकेको छ । जिल्लाहरु मध्येमा उत्कृष्ट बन्ने लक्ष्य छ ।’

म्याग्दी भलिबल संघका अध्यक्ष बानियाँ भलिबल प्रशिक्षक समेत हुन् । उनले नेपालगन्जमा भएको आठौं राष्ट्रिय खेलकुमा गण्डकी प्रदेशको पुरुष भलिबल टोलीको प्रशिक्षसँग टिप टप हेल्प नेपालको प्रशिक्षण सम्हालिसकेका छन् । उनले भारतको बैंगलोरबाट सन् २०१९ मा सर्टिफिकेट लेभल कोर्ष, तीन महिने एनएस प्रशिक्षण र तीन महिने प्रशिक्षक कोर्ष गरिसकेका छन् ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.