default_image

1 year ago

February 6, 2023

रायनाको विजयी सुरुआत

62 views

0 Bookmark

काठमाडौं (हाम्रो खेलकुद) – नेपालकी रायना शाहले आईटीएफ वल्र्ड टेनिस टुर जे ६० काठमाडौं, नेपाल सर्किट– २ अन्तर्गत गल्र्स सिंगल्समा सोमबार विजयी सुरुआत गरेकी छन् ।

सातदोबाटोस्थित टेनिस कोर्टमा रायनाले भारतकी प्राची सथिशलाई ६–१ र ६–० को सोझो सेटमा सहजै पराजित गरिन् । पहिलो दिन गल्र्स सिंगल्समा रायनासहित ३ खेलाडीले प्रतिस्पर्धा गरेकोमा रायनाले मात्र जित हात पारेकी हुन् ।

भारतकी काइरा सिद्धार्थ चेतनानीले नेपालकी प्रशंसा मोक्तानलाई ६–४ र ६–० तथा भारतकी अर्जन खोराकीवालाले नेपालकी आइशा डोल्कर गुरुङलाई ६–२ र ६–१ को सोझो सेटमा हराए ।

अन्य खेलमा थाइल्यान्डकी कानछ्या चुङवातना, मंगोलियाकी मराल्गु चोग्सोम्जाभ, बेल्जियमकी क्यामिली फिसेट, भारतकी तमन्ना टकोरिया, रुसकी मिलिना शुब्खान्कुलोभा तथा भारतका सौम्य रोन्डे, दुर्गान्सी कुमार, साइ जान्भी र स्निगधा कान्ताले जित हात पारे ।

नेपाल टेनिस संघको आयोजनामा भइरहेको प्रतियोगिताको ब्वाइज सिंगल्समा नेपालका ६ खेलाडीले प्रतिस्पर्धा गरेकोमा सबै पराजित भए ।

भियतनामका फाम ला होङले नेपालका आर्यन गिरीलाई ६–१ र ६–२, भारतका सेहजसिंह पवारले नेपालका अकी जुवेन रावतलाई ६–१ र ६–०, भारतका स्मिट निलेशभाइ पटेलले नेपालका निहालजंगबहादुर थापालाई ६–४ र ६–१, ताइपेईंका काइ इन याङले नेपालका देव आशिष रेउलेलाई ६–० र ६–०, अमेरिकाका आरभसम्राट हाडाले नेपालका सक्षमविक्रम शाहलाई ६–१ र ६–३ तथा भारतका निकिल डिसुजाले नेपालका श्रीयोग अधिकारीलाई ६–१ र ६–० को सोझो सेटमा पाखा लगाए ।

बाँकी प्रतिस्पर्धामा चीनका वेन्बो बाइ, भारतका नभ्य वर्मा, बेलारुसका आर्टसियोम सिकुनेन्का, भारतका प्रत्याक्ष, दक्षिण कोरियाका जियोम डो र भारतका देबाशिष साहुले आ–आफ्नो खेल जिते ।

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

July 12, 2024

प्रिन्स पेरिस ओलम्पिकको कठिन समूहमा

काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]

July 11, 2024

मानबहादुर फेवा एजुकेशन एण्ड माइग्रेसनको ब्रान्ड एम्वासडर

सिड्नी (हाम्रो खेलकुद) – नेपाली राष्ट्रिय पुरुष भलिबल टोलीका कप्तान मानबहादुर श्रेष्ठ अस्ट्रेलियाको सिड्नीमा रहेको फेवा एजुकेशन एण्ड माइग्रेसनको ब्रान्ड एम्वासडरमा नियुक्त भएको छ । फेवा एजुकेशन एण्ड माइग्रेसनले कप्तान तथा स्पाइकर मानबहादुर श्रेष्ठलाई दुई वर्षको लागि ब्रान्ड एम्वासडरमा नियुक्त गरेको हो । फेवा एजुकेशन एण्ड माइग्रेसनका निर्देशक योगेश श्रेष्ठ र मान बहादुरले सम्झौता पत्रमा […]

Success

Thank you for your time.