8 months ago
February 10, 2023
काठमाडौं (हाम्रो खेलकुद) – नेपाल रग्वी संघको आयोजनामा तेस्रो फिफ्टिन्स रग्वी लिग अर्को साता सुरु हुने भएको छ । रग्वी संघले शुक्रबार राजधानीमा पत्रकार सम्मेलनको आयोजना गर्दै लिग माघ २९ गते आइतबारदेखि फागुन ६ गतेसम्म हुने जानकारी गराएको छ । प्रतियोगितामा चार टोली हिमालयन टाइगर क्लब, आकाश भैरव क्लब, गोर्खाली रग्बी क्लब र त्रिभुवन आर्मी […]
काठमाडौं (हाम्रो खेलकुद) – नेपाल रग्वी संघको आयोजनामा तेस्रो फिफ्टिन्स रग्वी लिग अर्को साता सुरु हुने भएको छ । रग्वी संघले शुक्रबार राजधानीमा पत्रकार सम्मेलनको आयोजना गर्दै लिग माघ २९ गते आइतबारदेखि फागुन ६ गतेसम्म हुने जानकारी गराएको छ ।
प्रतियोगितामा चार टोली हिमालयन टाइगर क्लब, आकाश भैरव क्लब, गोर्खाली रग्बी क्लब र त्रिभुवन आर्मी क्लबले एकल राउन्डको आधारमा प्रतिस्पर्धा गर्नेछ । शीर्ष टोलीले उपाधि जित्नेछ । सबै खेल त्रिपुरेश्वरस्थित दशरथ रंगशालामा हुनेछ ।
हरेक दिन दुई खेल हुनेछ । पहिलो दिन आइतबार हिमालयन टाइगर रग्वी क्लब र गोर्खाली रग्वी क्लब तथा अर्काे खेलमा आकाश भैरव क्लब र त्रिभुवन आर्मी क्लबबीच प्रतिस्पर्धा हुनेछ । दोस्रो दिन फागुन ३ गते बुधबार पहिलो खेलमा त्रिभुवन आर्मी क्लब र हिमालयन टाइगर रग्वी क्लब तथा दोस्रो खेलमा आकाश भैरव क्लब र गोर्खाली रग्वी क्लबबीच खेल हुनेछ ।
त्यसपछि राउन्ड रोविन लिगको अन्तिम खेलमा फागुन ६ गते शनिबार हिमालयन टाइगर रग्वी क्लब र आकाश भैरव रग्वी क्लब तथा अन्तिम खेलमा त्रिभुवन आर्मी र गोर्खाली रग्वी क्लबबीच प्रतिस्पर्धा हुनेछ । विजयी हुने टोली तथा खेलाडीलाई ट्रफी, मेडल, सर्टिफिकेट र नगद पुरस्कारको व्यवस्था गरिएको आयोजकले जनाएको छ । प्रतियोगिता सञ्चालनका लागि नेपालबाट ५ र भारतको एक जना गरी ६ जना रेफ्री रहनेछन् ।
रग्वी सेभेन्समा सात प्रदेश र विभागको पनि टोली रहेपनि फिफ्टिन्समा टिम नरहेकाले उपलब्ध रहेका चार टोलीबीच नै प्रतिस्पर्धा गराउन लागेको संघका अध्यक्ष दीपक देवकोटाले जानकारी गराए ।
September 20, 2023
काठमाडौं (हाम्रो खेलकुद) – नेपाल गणतान्त्रिक खेलकुद महासंघको आयोजनामा वीरजङ स्मृति खुल्ला पुरुष राष्ट्रिय भलिबल प्रतियोगिता यसै महिना आयोजना हुने भएको छ । महासंघले बुधवार राजधानी काठमाडौंमा पत्रकार सम्मेलन गरी प्रतियोगिता असोज १८ देखि २१ गतेसम्म काठमाडौँको नयाँ बसपार्कस्थित ढोरपाटन भलिबल प्रशिक्षण केन्द्रमा हुने महासंघका महासचिव विनोद चन्दले जानकारी गराए । प्रतियोगिताको विजेताले ५ लाख […]
September 20, 2023
काठमाडौं (हाम्रो खेलकुद) – नेपाली पुरुष राष्ट्रिय भलिबल टोलीले १९औं एसियाली खेलकुद (एसियाड) मा लगातार दोस्रो हार बेहोरेको छ । समूह ‘बी’ को खेलमा नेपाल बलियो इरानसँग ३–० को सोझो सेटमा पराजित भएसँगै एसियाडमा लगातार दोस्रो हार बेहोरेको हो । चाइना टेक्सटाइल सिटी स्पोर्ट्स सेन्टर जिम्नेसियममा बुधबार भएको खेलमा बलियो इरानविरुद्ध नेपालको प्रदर्शन तीनै सेटमा […]
September 19, 2023
पोखरा (हाम्रो खेलकुद) – च्याम्पियन गण्डकी प्रदेशका ओपन स्पाइकर रवि केसी लामाचौर कप भलिबल प्रतियोगितामा पुरुषतर्फ सर्वाेत्कृष्ट खेलाडी घोषित भएका छन् । घरेलु टोली गण्डकीलाई लामाचौर कप भलिबलमा च्याम्पियन बनाउन रविले प्रतियोगिता भर नै सानदार प्रदर्शन गरेका थिए । सर्वाेत्कृष्ट बनेका रविले ट्रफी र प्रमाण पत्र प्राप्त गरे । व्यत्तिगत विधातर्फ स्पाइकरमा गण्डकीका किरण गुरौं, […]
