काठमाडौं (हाम्रो खेलकुद) – पेट्रियोट्स कप इन्टर कलेजिएट क्रिकेट प्रतियोगितालाई १०० स्पोर्टसले सहयोग गरेको छ । मुलपानी क्रिकेट मैदानमा शनिबार सुरु भई ५ दिन सम्म चल्ने प्रतियोगितालाई १०० स्पोर्टसले सहयोग गरेको हो ।
१०० स्पोर्टसका संस्थापक रविन्द्र भाटीले प्रतियोगितामा अम्पायरले प्रयोग गर्ने जर्सी आयोजकलाई हस्तान्तरण गरेका थिए । केहि दिन अघि १०० स्पोर्टसले राष्ट्रिय महिला फुटबल टोलीकी कप्तान तथा गोलकिपर एन्जिला तुम्बापो सुब्बालाई ४ वर्षका लागि आफ्नो ब्रान्ड एम्बेसेडरका रुपमा सम्झौता गरेको थियो ।
१०० स्पोर्टसले भविष्यमा पनि अन्य खेल र खेलाडीसँगको सहकार्यलाई जारी राख्ने लक्ष्य लिएको कम्पनीका निर्देशक विकास खेतानले बताएका छन् ।
