default_image

1 year ago

April 15, 2023

एपिएफका टेकराज सर्वाेत्कृष्ट

207 views

0 Bookmark

काठमाडौं (हाम्रो खेलकुद) – विभागीय नेपाल एपिएफ क्लबका ओपन स्पाइकर टेकराज अवस्थी प्रथम पोष्टबहादुर बोगटी स्मृति कप राष्ट्रिय पुरुष भलिबल प्रतियोगितामा सर्वाेत्कृष्ट खेलाडी घोषित भएका छन् ।

एपिएफलाई च्याम्पियन बनाउँन महत्वपूर्ण प्रदर्शन गरेसँगै उनी प्रतियोगिताकै सर्वाेत्कृष्ट खेलाडी बनेका हुन् । सर्वाेत्कृष्ट बनेसँगै उनले १५ हजार रुपैया र ट्रफी प्राप्त गरे । व्यक्तिगत विधामा पनि एपिएफले वर्चश्व जमाएकाे छ ।

एपिएफका लोकेन्द्र गिरी सेटर, सुनिल घर्ती मगर ब्लकर, विनोद चन्द लिवेरो र महेश प्रसाद चौधरी उत्कृष्ट प्रशिक्षक चुनिए । आर्मीका धन बहादुर भट्ट क्षेत्री स्पाइकर र पुलिसका इम राना मगर उत्कृष्ट सर्भर चुनिए । उत्कृष्ट सबैले जनही १० हजार रुपैयाँसँगै ट्रफी प्राप्त गरे ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा शनिबार भएको फाइनलमा एपिएफले पुलिसलाई ३–१ को सेटमा पराजित गर्दै उपाधि जित्न सफल भएको छ ।

पहिलो सेट २५–२० ले जितेको एपिएफले दोस्रो सेट १८–२५ ले गुमाउन पुग्यो । त्यसपछिको दुवै सेट एपिएफले २५–१६ र २५–२२ ले जित्दै वर्षको पहिलो उपाधि जित्न सफल भयो ।

यस जितसँगै एपिएफले समूह चरणमा भोगेको हारको बदला लिन सफल भयो । एपिएफ समूह चरणमा ३–० को सोझो सेटमा पराजित भएको थियो ।

च्याम्पियन बनेसँगै एपीएफले ४ लाख रुपैयाँ, शिल्ड, मेडल र प्रमाणपत्र प्राप्त गरेको छ । दोस्रो भएको पुलिसले २ लाख रुपैयाँसँगै शिल्ड, मेडल र प्रमाणपत्र हात पारेको छ ।

पोष्टबहादुर बोगटी स्मृति प्रतिष्ठानद्वारा आयोजित प्रतियोगितामा त्रिभुवन आर्मी क्लबले तेस्रो स्थान हासिल गरेको छ । आर्मीले गण्डकी प्रदेशलाई २५–१८, २५–११ र २९–२७ ले पाखा लगायो । तेस्रो भएको आर्मीले १ लाख तथा चौथो भएको गण्डकीले ५० हजार रुपैयाँ प्राप्त गरेको छ ।

पोस्टबहादुरका उत्कृष्टहरु
सर्वाेत्कृष्ट – टेकराज अवस्थी (एपिएफ)
स्पाइकर – धन बहादुर भट्ट क्षेत्री (आर्मी)
सेटर – लोकेन्द्र गिरी (एपिएफ)
ब्लकर – सुनिल घर्ती मगर (एपिएफ)
सर्भर – इम राना मगर (पुलिस)
लिवेरो – विनोद चन्द (एपिएफ)
प्रशिक्षक – महेश प्रसाद चौधरी (एपिएफ)

July 12, 2024

प्रिन्स पेरिस ओलम्पिकको कठिन समूहमा

काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]

July 11, 2024

मानबहादुर फेवा एजुकेशन एण्ड माइग्रेसनको ब्रान्ड एम्वासडर

सिड्नी (हाम्रो खेलकुद) – नेपाली राष्ट्रिय पुरुष भलिबल टोलीका कप्तान मानबहादुर श्रेष्ठ अस्ट्रेलियाको सिड्नीमा रहेको फेवा एजुकेशन एण्ड माइग्रेसनको ब्रान्ड एम्वासडरमा नियुक्त भएको छ । फेवा एजुकेशन एण्ड माइग्रेसनले कप्तान तथा स्पाइकर मानबहादुर श्रेष्ठलाई दुई वर्षको लागि ब्रान्ड एम्वासडरमा नियुक्त गरेको हो । फेवा एजुकेशन एण्ड माइग्रेसनका निर्देशक योगेश श्रेष्ठ र मान बहादुरले सम्झौता पत्रमा […]

July 11, 2024

चितवन लिगमा जि ब्वाइज र सौराहा विजयी

सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिग फुटबल बुधबार आई स्टडी जि ब्वाइज र सौराहा युवा समाज विजयी भएका छन् । पहिलो खेलमा जि व्बाइजले पानस युवा क्लबलाई २-० ले पराजित गर्‍यो । टोलीलाई जित दिलाउन प्रयास तामाङ र निशान्त परियारले गोल गरे । खेलको २६ औं मिनेटमा प्रयासको गोलमा जि […]

Success

Thank you for your time.