default_image

5 months ago

April 18, 2023

एमेच्योर सदभाव र प्रो सञ्जय शीर्षस्थानमा

काठमाडौं (हाम्रो खेलकुद) – सूर्य नेपाल गल्फ टुर २०२२–२३ अन्तर्गत सातौं प्रतियोगिता, सूर्य नेपाल एनपीजीए टुर च्याम्पियनसिपको दोस्रो दिन एमेच्योर सदभाव आचार्य र प्रो सञ्जय लामा एक स्ट्रोकको अग्रता सहित शीर्षस्थानमा रहेका छन् । गोकर्ण गल्फ क्लबमा मंगलबार राष्ट्रिय टिमका सदस्य सदभावले दिनकै उत्कृष्ट ६–अन्डर ६६ को कार्ड बनाए । सञ्जयले २–अन्डर ७० को नतिजा […]

28 views

0 Bookmark

काठमाडौं (हाम्रो खेलकुद) – सूर्य नेपाल गल्फ टुर २०२२–२३ अन्तर्गत सातौं प्रतियोगिता, सूर्य नेपाल एनपीजीए टुर च्याम्पियनसिपको दोस्रो दिन एमेच्योर सदभाव आचार्य र प्रो सञ्जय लामा एक स्ट्रोकको अग्रता सहित शीर्षस्थानमा रहेका छन् ।

गोकर्ण गल्फ क्लबमा मंगलबार राष्ट्रिय टिमका सदस्य सदभावले दिनकै उत्कृष्ट ६–अन्डर ६६ को कार्ड बनाए । सञ्जयले २–अन्डर ७० को नतिजा निकाले । दुवैले ३६ होलको समाप्तीमा समग्रमा ८–अन्डर १३६ स्कोर बनाउँदै डिफेन्डिङ च्याम्पियन सुबाश तामाङलाई एक स्ट्रोकले पछि पारे ।

नेपाल नम्बर एक एमेच्योर गल्फर सुबासले ५–अन्डर ६७ मा दोस्रो दिनको खेल सकाउँदा उनी समग्रमा ७–अन्डर १ सय ३७ सहित तेस्रो स्थानमा उक्लिएका छन् । ४–अन्डर ६८ को कार्ड तयार पारेका निरज तामाङ समग्रमा ३–अन्डर १ सय ४१ को स्कोरमा चौथो स्थानमा उक्लिए ।

रबि खड्काले १–ओभर ७३ को स्कोर जोड्दा समग्रमा २–अन्डर १ सय ४२ सहित पाँचौं स्थानमा तल झरे । दोस्रो दिन लयमा फर्किएका दाबेदार भुवन नगरकोटीले ४–अन्डर ६८ को प्रदर्शनका साथ समग्रमा १–अन्डर १ सय ४३ सहित छैटौं स्थानमा उक्लिए ।

समग्रमा इभन–पार १ सय ४४ सहित सातौं स्थानमा रहने क्रममा कमल तामाङले दोस्रो दिन १–अन्डर ७१ मा खेल सकाए। पोखराका प्रो भुबहादुर गुरूङले ३–ओभर ७५ स्कोर गर्दा समग्रमा १–ओभर १ सय ४५ सहित आठौं स्थानमा रहेका छन् ।

समग्रमा २–ओभर १ सय ४६ को नतिजामा रमेश अधिकारी र तोरण विक्रम शाहीले संयुक्तरुपमा नवौं स्थान बाँडे। रमेशले १–अन्डर ७१ र तोरणले ३–ओभर ७५ मा दोस्रो दिनको खेल सकाए ।

३६ होलको समाप्तीमा १४–ओभर १ सय ५८ स्कोर गर्ने २१ प्रो र आठ एमरच्योर खेलाडीले कट बनाएका छन् । प्रोतर्फ दिनेश प्रजापति, राजेन्द्र श्रेष्ठ प्रधान, शिवराम पौडेल, सुर्यप्रसाद शर्मा, जयराम श्रेष्ठ, रामकृष्ण श्रेष्ठ, बलभद्र राई, भुवनकुमार रोक्का, प्रदीपकुमार लामा, टंक बहादुर कार्की, रामे मगर, धन बहादुर थापा र दीपक मगरले कट बनाए ।

एमरच्योरतर्फ सहभागी ९ मध्ये ८ खेलाडीले कट बनाएका छन् । विजय श्रेष्ठ आइनहाउस, सुरेश तामाङ, वाङ्गचेन ढोन्डुप, टासी छिरिङ, युवराज भुजेल र भरत थापा मगरले अन्तिम दुई राउन्डको लागि स्थान सुरक्षित गरे ।

सदभावले सुरूवात सानदार गर्दै फ्रन्ट नाइन ७–अन्डर २९ मा सकाए। उनले पहिलो होलमा बर्डी प्रहार गर्दै दिनको सुरूवात गरे । यसपछि तेस्रो देखि सातौं होलसम्म लगातार ५ बर्डीको सफलता प्राप्त गरे।

नवौं होलमा पनि एक सट बचाए । फ्रन्ट नाइनमा उम्दा प्रदर्शन गरेका सदभावले ब्याक नाइनमा भने १–ओभर ३७ खेले । उनले १२औं होलमा बर्डी प्रहार गरेपनि १३औं र १५औं होलमा एक–एक सट खेर फाले ।

पहिलो दिनका लिडर सञ्जय लामाले फ्रन्ट र ब्याक नाइन दुवै १–अन्डर ३५ मा सकाए । दोस्रो, चौंथो र पाँचौं होलमा बर्डी प्रहार गरेका उनले तेस्रो र सातौं होलमा एक–एक सट खेर फाले ।

ब्याक नाइनमा सञ्जयले ११औं र १२औं होलमा लगातार दुईवटा इगलको सफलता प्राप्त गरे। तर त्यसपछि उनले लय गुमाउँदै १४औं र १६औं होलमा डबल बोगी खेपे। सञ्जयले १८औं होलमा बर्डी प्रहार गर्दै शीर्ष स्थान बाँडे ।

दक्षिण एसियाली खेलकुदका दोहोरो स्वर्ण विजेता सुबाशले फ्रन्ट नाइन ४–अन्डर ३२ मा सकाउने क्रममा पहिलो र पाँचौ होलमा बर्डी प्रहार गर्दा तेस्रो होलमा इगलको सफलता प्राप्त गरे। यसपछि १२औं होलको बर्डीले ब्याक नाइन १–अन्डर ३५ मा पुरा गरे।

७२ होलको प्रतियोगितामा ३१ प्रोफेसनल र ९ एमेच्योर खेलाडीले प्रतिस्पर्धा गरिरहेका छन्। कुल ८ लाख नगद पुरस्कार राशीको प्रतियोगिताको विजेताले उपाधिसँगै १ लाख ४० हजार प्राप्त गर्नेछ। दोस्रो हुनेले ९० हजार र तेस्रो हुनेले ६७ हजार प्राप्त गर्नेछन्। उत्कृष्ट २१ भित्र पर्ने अन्य प्रोफेसनल खेलाडीले पनि नगद पुरस्कार प्राप्त गर्नेछन् ।

September 20, 2023

वीरजङ स्मृति खुल्ला पुरुष भलिबल यसै महिना

काठमाडौं (हाम्रो खेलकुद) – नेपाल गणतान्त्रिक खेलकुद महासंघको आयोजनामा वीरजङ स्मृति खुल्ला पुरुष राष्ट्रिय भलिबल प्रतियोगिता यसै महिना आयोजना हुने भएको छ । महासंघले बुधवार राजधानी काठमाडौंमा पत्रकार सम्मेलन गरी प्रतियोगिता असोज १८ देखि २१ गतेसम्म काठमाडौँको नयाँ बसपार्कस्थित ढोरपाटन भलिबल प्रशिक्षण केन्द्रमा हुने महासंघका महासचिव विनोद चन्दले जानकारी गराए । प्रतियोगिताको विजेताले ५ लाख […]

September 20, 2023

एसियाड भलिबल: इरानसँग नेपालको हार

काठमाडौं (हाम्रो खेलकुद) – नेपाली पुरुष राष्ट्रिय भलिबल टोलीले १९औं एसियाली खेलकुद (एसियाड) मा लगातार दोस्रो हार बेहोरेको छ । समूह ‘बी’ को खेलमा नेपाल बलियो इरानसँग ३–० को सोझो सेटमा पराजित भएसँगै एसियाडमा लगातार दोस्रो हार बेहोरेको हो । चाइना टेक्सटाइल सिटी स्पोर्ट्स सेन्टर जिम्नेसियममा बुधबार भएको खेलमा बलियो इरानविरुद्ध नेपालको प्रदर्शन तीनै सेटमा […]

September 19, 2023

गण्डकीका रवि सर्वाेत्कृष्ट

पोखरा (हाम्रो खेलकुद) – च्याम्पियन गण्डकी प्रदेशका ओपन स्पाइकर रवि केसी लामाचौर कप भलिबल प्रतियोगितामा पुरुषतर्फ सर्वाेत्कृष्ट खेलाडी घोषित भएका छन् । घरेलु टोली गण्डकीलाई लामाचौर कप भलिबलमा च्याम्पियन बनाउन रविले प्रतियोगिता भर नै सानदार प्रदर्शन गरेका थिए । सर्वाेत्कृष्ट बनेका रविले ट्रफी र प्रमाण पत्र प्राप्त गरे । व्यत्तिगत विधातर्फ स्पाइकरमा गण्डकीका किरण गुरौं, […]

Success

Thank you for your time.