default_image

10 months ago

May 5, 2023

पुरुष भलिबलको बन्द प्रशिक्षणमा १८ खेलाडी छनोट

काठमाडौं (हाम्रो खेलकुद) – नेपाल भलिबल संघले चीनमा आयोजना हुने १९औं एसियाली खेलकुद (एसियाड) र किर्गिस्तानमा हुने काभा पुरुष भलिबल नेसन्स लिगका लागि खुल्ला छनोटबाट बन्द प्रशिक्षणमा १८ खेलाडी छनोट गरेको छ । संघले त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा तीन दिनसम्म गरेको खुल्ला छनोटबाट १८ खेलाडीलाई बन्द प्रशिक्षणका लागि छनोट गरेको छ । […]

191 views

0 Bookmark

काठमाडौं (हाम्रो खेलकुद) – नेपाल भलिबल संघले चीनमा आयोजना हुने १९औं एसियाली खेलकुद (एसियाड) र किर्गिस्तानमा हुने काभा पुरुष भलिबल नेसन्स लिगका लागि खुल्ला छनोटबाट बन्द प्रशिक्षणमा १८ खेलाडी छनोट गरेको छ ।

संघले त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा तीन दिनसम्म गरेको खुल्ला छनोटबाट १८ खेलाडीलाई बन्द प्रशिक्षणका लागि छनोट गरेको छ । खुल्ला छनोटमा विभिन्न क्लब तथा प्रदेशबाट गरी कुल ३६ खेलाडीको सहभागिता रहेको थियो ।

छनोटमा राष्ट्रिय टोलीका कप्तान तथा सेटर इम बहादुर रानासँगै यसअघि टोलीका सदस्य रहिसकेका लिवेरो ईश्वर थापा मगर सहभागी भएका छैनन् । छनोटमा सहभागी नभएसँगै दुवै जना टोलीबाट बाहिरिएका छन् । कप्तान इमले नेपालमा जेठ ८ देखि १४ गतेसम्म हुने काभा वुमन्स च्यालेन्ज कप दौरान सन्यास लिने तयारी गरिरहेका छन् ।

प्रशिक्षक जगदिश प्रसाद भट्ट र सहायक प्रशिक्षक भरत यादवको प्रशिक्षण टोलीले बन्द प्रशिक्षणका लागि १८ खेलाडी छनोट गरेको हो । खुल्ला छनोटबाट राष्ट्रिय टोलीमा स्थान बनाइसकेका दुर्गा महतो, शरण सामरी क्षेत्री, राज कुमार निरौलासँगै रविन नगरकोटी र सन्तोष महता पनि बाहिरिएका छन् ।

सन्तोष यु–२३ टोलीका सदस्य हुन् । यस्तै उत्तम चन्द, धनपति, अमृत विक, सरण कार्की, अभिषेक थापा, सरोज बोहोरा, अमिर थापा, सरोज चम्लागाईं, प्रेम गौतम, भरत चुनारा, नरेन सिन्जाली, हृदेश प्रसाद चौधरी र अभिषेक थिङ तामाङले पनि अन्तिम १८ मा स्थान बनाउन सकेनन् ।

नेपाली पुरुष भलिबल टोलीले यस वर्ष १९औं एसियाली खेलकुदसँगै काभा पुरुष भलिबल नेसन्स लिग खेल्ने तय छ । एसिया चीनको हाङझावमा आगामी सेप्टेम्बर २३ देखि अक्टोबर ८ तारिखसम्म हुँदैछ ।

काभा पुरुष नेसन्स लिग जुन १६ देखि २५ सम्म हुनेछ । सेन्ट्रल एसियन भलिबल एसोसिएसन (काभा) पुरुष भलिबल नेसन्स लिगमा नेपालसहित ७ टोलीको सहभागिता रहने भएको छ । काभामा नेपालसँगै आयोजक किर्गिस्तान, पाकिस्तान, उज्वेकिस्तान, काजकिस्तान, इरान र तुर्केमिनिस्तान रहेका छन् ।

बन्द प्रशिक्षणलाई छनोट भएका १८ खेलाडी
स्पाइकर
मान बहादुर श्रेष्ठ, धन बहादुर भट्ट क्षेत्री, बिशाल विक, रविन चन्द, रवि केसी, धिरोज काजी बस्नेत, टेक राज अवस्थी, राजेन्द्र विष्ट र हेमन्त मल्ल
सेटर
हरि हजुर थापा, लोकेन्द्र गिरी र सम्राट भण्डारी
मिडल ब्लकर
दुर्गा बहादुर खड्का, हरि बहादुर अधिकारी, सफल विक र मनिष मानन्धर
लिवेरो
विनोद चन्द र भीम गाहा

February 23, 2024

साम्बाले समर्थकलाई दिइन् धन्यवाद

काठमाडौं (हाम्रो खेलकुद) – राष्ट्रिय महिला फुटबल टोलीबाट ५० अन्तर्राष्ट्रिय गोल पूरा गरेपछि सावित्रा भण्डारी साम्बाले आफ्ना समर्थकलाई धन्यवाद दिएकी छिन् । साउदी अरेबियामा जारी वाफ च्याम्पियनसिपमा बिहीबार आयोजक इराकविरुद्ध ५–० को जितमा सबै गोल गरेकी साम्बाको ५० गोल पूरा भएको थियो । अन्तर्राष्ट्रिय फुटबलमा नेपालका लागि ५० गोल पूरा गर्ने उनी पहिलो खेलाडी हुन् […]

February 19, 2024

दीलिप राणा स्मृति भेट्रान फुटबल – अभिषेक चर्च र चितवन निलो विजयी

सुशिल पन्त क्षेत्री, भरतपुरस्व. दीलिप राणा स्मृति अन्तर्राष्ट्रिय आमन्त्रण चितवन भेट्रान कप सुरु भएको छ । चितवन भेट्रान फुटबल क्लबको आयोजनामा सोमबार सुरु भएको प्रतियोगितामा अभिषेक चर्च रजहर र आयोजक निलोले विजयी सुरुवात गरेको छ । पहिलो खेलमा अभिषेक चर्च रजहरले वीरगन्ज सिटी भेट्रानलाई २-१ ले हरायो । अभिषेक चर्चको जितमा हरिप्रसाद पाण्डे र कप्तान […]

February 19, 2024

नामिबियामाथि नेदरल्याण्ड्सको सहज जित

काठमाडौं (हाम्रो खेलकुद) – आफ्नो पहिलो खेलमा नेपाल विरुद्ध हार बेहोरेको नेदरल्याण्ड्सले आईसिसि लिग-२ अन्तर्गत आफ्नो दोस्रो खेलमा सहज जित दर्ता गरेको छ । टियु क्रिकेट मैदानमा सोमबार नेदरल्याण्ड्सले नामिबियालाई ७ विकेटले हराएको हो । १२४ रनको झिनो लक्ष्य पछ्याएको नेदरल्याण्ड्सले २७.२ ओभरमा ३ विकेट गुमाएर पुरा गर्यो । नेदरल्याण्ड्सका लागि ओपनर माइकल लेभिटले ८१ […]

Success

Thank you for your time.