default_image

10 months ago

May 13, 2023

राष्ट्रिय टोलीका ६ नयाँ अनुहार

काठमाडौं (हाम्रो खेलकुद) – घरेलु भुमिमा आयोजना हुन लागेको एनएससी काभा महिला भलिबल च्यालेन्ज कप २०२३ को लागि १४ सदस्यीय टोली घोषणा भइसकेको छ । यसपटक १४ सदस्यीय टोलीमा ६ नयाँ अनुहार समेटिएका छन् । तर नेपाल भलिबल संघले आधिकारिक रुपमा अन्तिम टाेलीकाे घाेषणा गरेकाे छैन । दुई खेलाडी निरुता ठगुन्ना र पुनम चन्दले टोलीमा […]

84 views

0 Bookmark

काठमाडौं (हाम्रो खेलकुद) – घरेलु भुमिमा आयोजना हुन लागेको एनएससी काभा महिला भलिबल च्यालेन्ज कप २०२३ को लागि १४ सदस्यीय टोली घोषणा भइसकेको छ । यसपटक १४ सदस्यीय टोलीमा ६ नयाँ अनुहार समेटिएका छन् ।

तर नेपाल भलिबल संघले आधिकारिक रुपमा अन्तिम टाेलीकाे घाेषणा गरेकाे छैन । दुई खेलाडी निरुता ठगुन्ना र पुनम चन्दले टोलीमा पुनरागमन गर्दा कप्तान अरुणा शाही, सरस्वती चौधरी, साफिया पुन, उषा भण्डारी, कामना विष्ट र सलिना श्रेष्ठ टोलीका पूराना खेलाडी हुन् ।

घुँडाको चोटका कारण टोलीका भरपर्दा तथा नियमित स्पाइकर प्रतिभा मालीसँगै टोलीका सदस्य सेटर कृपा अधिकारीले अन्तिम टोलीमा स्थान बनाउन सकिनन् । यसअघि बन्द प्रशिक्षणमा पर्दै आएकी लिवेरो सरस्वती जैशीले पनि यसपटक टोलीमा स्थान बनाउन सकिनन् । राष्ट्रिय टोलीमा स्थान बनाउन सफल ६ नयाँ खेलाडी कस्ता छन् त हेरौं ।

रिमा कुँवर (अपोजिट हिटर)

घरेलु भलिबलमा रिमा कुँवर होङ्गान्जी न्यु डायमण्ड युथ स्पोर्ट्स क्लबबाट खेल्ने गर्छिन् । पर्वत फलेवासकी उनले न्यु डायमण्डले सहभागिता नजनाएको प्रतियोगितामा गण्डकी प्रदेशबाट समेत खेल्ने गर्छिन् । नवौं राष्ट्रिय खेलकुदमा उनले गण्डकीबाट खेलेकी थिइन् ।

बायाँ हाते अपोजिट हिटर उनी जुनसुकै बेला पनि खेललाई आफ्नो पक्षमा पार्न सक्ने क्षमता राख्दछिन् । उनले उच्च प्रदर्शनमा डायमण्डले घरेलु भलिबलमा थुप्रै सफलता हात पारिसकेको छ । त्यही सानदार प्रदर्शनलाई प्रशिक्षणमा पनि कायम राख्न सफल भएपछि उनी बेल्जियन प्रशिक्षक जान डे ब्रान्टको नजरमा पर्न सफल भइन् ।

प्रगति नाथ (सेटर)

प्रगति नाथ नेपाली महिला भलिबलले पाएको उदीयमान सेटर हुन् । महिला भलिबलमा एकपछि अर्को प्रतिभावान् खेलाडी उत्पादन गरिरहेको होङ्गान्जी न्यु डायमण्ड युथ स्पोर्ट्स क्लबकी प्रगति क्लबमा भएको सेटर अभावमा उदाएकी प्रतिभा हुन् । १७ वर्षीय प्रगतिले छोटो समयमा आफूलाई क्लबको नयाँ भूमिकामा स्थापित मात्र गरिनन् । राष्ट्रिय टोलीमा समेत स्थान बनाउन सफल भइन् ।

रुकुम पश्चिम बफिकोटकी प्रगतिलाई न्यु डायमण्डका प्रशिक्षक कुमार राईले शारीरिक उचाइबाट प्रभावित भएपछि न्यु डायमण्डमा ल्याएका थिए । नियमित प्रशिक्षणसँगै न्यु डायमन्ड टोलीमा खेलेकी उनले छोटो समयमा नै सिनियर राष्ट्रिय टोलीको ढोका ढक्ढकाएकी छिन् । २०७६ को असोजपछि भलिबल खेल्न सिकेकी उनी यति छोटो समयमै राष्ट्रिय टोलीमा स्थान बनाउन सफल भइन् ।

प्रशिक्षक राईले उनलाई शुरुमा अलराउन्डरको भुमिकामा खेलाउने सोच बनाएका थिए । तयारी पनि त्यसै अनुरुप थियो । तर २०७८ को टाइगर कपअघि न्यु डायमन्डकी नियमित सेटर अरुणा शाहीले आयोजक टाइगर ग्रुपबाट खेल्ने भएपछि क्लबमै रहेकी अर्की सेटर प्रतीक्षा गुरुङ पनि परीक्षाका कारण नखेल्ने भएपछि प्रगतिले आफ्नो भुमिका परिवर्तन गर्दै घरेलु भलिबलमा छाप बसाउन सफल भइन् ।

पुजा चौधरी (अपोजिट हिटर)

पुजा चौधरी घरेलु भलिबलमा विभागीय नेपाल एपिएफ क्लबबाट खेल्ने गर्छिन् । उनी पनि सम्भावना बोकेकी खेलाडी हुन् । राष्ट्रिय टोलीमा एपिएफका खेलाडीको दवदवा रहँदा सुरुवाती समयमा उनले पहिलो रोजाईमा खेल्ने अवसर पाइनन् ।

तर, बाँके कोहलपुरकी उनले आफ्नो प्रदर्शनलाई निखार्दै आफुलाई पहिलो रोजाईमा खेल्न सक्ने बनाइन् । घरेलु भलिबलमा लगातार उच्च प्रदर्शनसँगै उनले पनि राष्ट्रिय टोलीमा स्थान बनाउन सफल भइन् । एपिएफमा पनि उनले पछिल्लो समय अनुभवी खेलाडीलाई बाहिर राख्दै स्थान बनाएकी थिइन् ।

कविता भट्ट (मिडल ब्लकर)

डडेलधुरा गन्यापधुरा १ भात्काडाँकी कविता भट्ट मिडल ब्लकर हुन् । अग्ली कदकी कविताले राष्ट्रिय टोलीमा प्रभाव जमाइरहेकी आफ्नै टोलीकी सहयात्री उषा कुमारी विष्ट र हीरा केसीसँगै आफ्नो प्रदर्शनलाई निखारिन् । एक समय त्रिभुवन आर्मी क्लबबाट समेत खेलेकी कविता अहिले एपिएफमा आबद्ध छिन् । एपिएफमा चोटले संघर्षरत उषा विष्टको प्रदर्शन कमजोर हुँदा उनले त्यसमा आफूलाई अब्बल ठहराइन् ।

संगम महतो (मिडल ब्लकर)

शारीरिक रुपमा पातली भएपनि मिडल ब्लकर संगम महतो आफ्नो भुमिकामा अब्बल छिन् । चितवनकी संगम घरेलु भलिबलमा विभागीय त्रिभुवन आर्मी क्लबमा आबद्ध छिन् । आर्मीले पाएको सफलतामा उनको भुमिका निकै महत्वपूर्ण छ । राष्ट्रिय टोलीकै मिडल ब्लकर साफिया पुनले आर्मीमा स्पाइकरको भूमिकामा खेल्दा संगमले मिडल ब्लकरबाट खेल्दा आफूलाई त्यसमा अब्बल ठहराइन् । घरेलु भलिबल र प्रशिक्षणमा समेत सानदार प्रदर्शन गरेपछि उनी बेल्जियन जान डे ब्रान्टको नजरमा पर्न सफल भइन् ।

शान्ति कला तामाङ (लिवेरो)

शारीरिक रुपमा निकै छरिता शान्ति कला तामाङ नेपाल पुलिस क्लबमा आबद्ध छिन् । यसअघि राष्ट्रिय टोलीको प्रशिक्षणमा परेपनि उनले अन्तिम टोलीमा भने स्थान बनाउन सकेकी थिइनन् । यसपटक टोलीमा दुई लिवेरो रहँदा खोटाङकी उनले मौका पाइन् ।

उनमा जुनसुकै अवस्थामा पनि विपक्षीको प्रहारलाई सहजै रिसिव गर्न सक्ने क्षमता छ । अब राष्ट्रिय टोलीमा उनले टोलीका नियमित सदस्य सलिना श्रेष्ठसँग प्रतिस्पर्धा गर्नुपर्नेछ ।

यो हेर्नुहोस :

February 24, 2024

बुटवलमा राष्ट्रिय लन टेनिस प्रतियोगिता हुँदै

सुमन अधिकारी, बुटवलरुपन्देही लन टेनिस संघको आयोजनामा बुटवलमा छैटौं राष्ट्रिय खुला लन टेनिस प्रतियोगिता–२०८० हुने भएको छ । प्रतियोगितामा देशभरका शीर्ष वरियताका लन टेनिस खेलाडी प्रतिस्पर्धा गर्ने बताइएको छ। बुटवल उपमहानगरपालिकाको आर्थिक सहयोग तथा रुपन्देही लन टेनिस संघको आयोजनामा फागुन १५ देखि १९ गतेसम्म देविनगर लन टेनिस कम्प्लेक्समा हुने प्रतियोगिताको तयारी अन्तिम चरण पुगेको संघले […]

February 23, 2024

धम्पुस उत्सवमा पुरुष र महिला भलिबल हुने

काठमाडौं (हाम्रो खेलकुद) – पर्यटकीय नगरी कास्कीकाे रमणीय गाँउ माछापुच्छ्रे गाउँपालिका ७ धम्पुस मिलन टोलमा यसै महिनाको अन्त्यदेखि पुरुष र महिला भलिबलसँगै प्रौढ भलिबल प्रतियोगिता आयोजना हुने भएको छ । माछापुच्छ्रे गाउँपालिका ७ धम्पुसको संयोजन तथा मिलन युवा क्लबको आयोजनामा प्रतियोगिता फागन ३० देखि चैत ३ गतेसम्म आयोजना हुने भएको हो । पुरुषतर्फ कास्की जिल्ला […]

February 23, 2024

साम्बाले समर्थकलाई दिइन् धन्यवाद

काठमाडौं (हाम्रो खेलकुद) – राष्ट्रिय महिला फुटबल टोलीबाट ५० अन्तर्राष्ट्रिय गोल पूरा गरेपछि सावित्रा भण्डारी साम्बाले आफ्ना समर्थकलाई धन्यवाद दिएकी छिन् । साउदी अरेबियामा जारी वाफ च्याम्पियनसिपमा बिहीबार आयोजक इराकविरुद्ध ५–० को जितमा सबै गोल गरेकी साम्बाको ५० गोल पूरा भएको थियो । अन्तर्राष्ट्रिय फुटबलमा नेपालका लागि ५० गोल पूरा गर्ने उनी पहिलो खेलाडी हुन् […]

Success

Thank you for your time.