12 months ago
May 12, 2023
पाल्पा (हाम्रो खेलकुद) – तीन विभागीय टोलीसँगै कर्णाली प्रदेश राष्ट्रिय पुरुष बिच भलिबल प्रतियोगिताको सेमिफाइनलमा प्रवेश गरेका छन् । पाल्पा तानसेनको रानीमहल नजिकै कालीगण्डकी नदीको किनारमा शुक्रबार भएको समूह चरण र क्वाटरफाइनलको खेलसँगै बिच भलिबलको सेमिफाइनल समिरकण पूरा भएको हो । तीन विभागीय टोली त्रिभुवन आर्मी क्लब, नेपाल एपिएफ क्लब र नेपाल पुलिस क्लबसँगै कर्णाली […]
पाल्पा (हाम्रो खेलकुद) – तीन विभागीय टोलीसँगै कर्णाली प्रदेश राष्ट्रिय पुरुष बिच भलिबल प्रतियोगिताको सेमिफाइनलमा प्रवेश गरेका छन् ।
पाल्पा तानसेनको रानीमहल नजिकै कालीगण्डकी नदीको किनारमा शुक्रबार भएको समूह चरण र क्वाटरफाइनलको खेलसँगै बिच भलिबलको सेमिफाइनल समिरकण पूरा भएको हो ।
तीन विभागीय टोली त्रिभुवन आर्मी क्लब, नेपाल एपिएफ क्लब र नेपाल पुलिस क्लबसँगै कर्णाली प्रदेश अन्तिम चारमा पुग्न सफल भएका हुन् ।
पहिलो क्वाटरफाइनलमा आर्मीले मधेश प्रदेशलाई २१–११ र २१–१४ को सोझो सेटमा हरायो । अर्को खेमा कर्णालीले गण्डकीलाई २१–१७ र २१–१४ ले तथा एपीएफले लुम्बिनी प्रदेशलाई २१–१० र २१–१२ को सोझो सेटमा पाखा लगाए ।
अन्तिम क्वाटरफाइनलमा पुलिसले आयोजक सन्जय मेमोरियल फाउन्डेसनमाथि २१–९ र २१–१५ को सेटमा जित निकाल्दै अन्तिम चारमा पुग्न सफल भयो ।
त्यसअघि लिगकम नकआउटका आधारमा सञ्चालित प्रतियोगितामा शुक्रबार भएको सूमह चरणको खेलमा सुदूरपश्चिम अनुपस्थित भएपछि आर्मी समूह ‘ए’ को विजेता बन्यो ।
आयोजक सन्जय मेमोरियल फउन्डेसनले बागमती प्रदेशलाई २१–१४ र २१–११ तथा तेस्रो एपीएफले मधेश प्रदेशलाई २१–१२ र २१–१० को सोझो सेटमा पाखा लगायो । समूह चरणको अन्तिम खेलमा पुलिसले कर्णालीलाई २१–११ र २१–१४ को सेटमा हराएको थियो ।
अब फाइनल प्रवेशका लागि आर्मी र कर्णाली तथा एपीएफ र पुलिसबीच प्रतिस्पर्धा हुनेछ । सेमिफाइनल र फाइनल शनिबार हुनेछ ।
प्रतियोगिताको विजेता टिमले १ लाख ५० हजार रुपैयाँ सहित ट्रफी, मेडल प्राप्त गर्नेछ । उपविजेता टिमले १ लाख रुपैयाँ सहित ट्रफी, मेडल, तेस्रो हुने टिमले ५० हजार रुपैयाँ सहित ट्रफी, मेडल र सानत्वना हुने टिमले २५ हजार रुपैयाँ प्राप्त गर्नेछन् ।
प्रतियोगिताको सर्वोत्कृष्ट खेलाडीले ट्रफी सहित १० हजार रुपैयाँ प्राप्त गर्ने छन् । सञ्जय मेमोरियल फाउन्डेसनको आयोजनमा बिहीबारबाट सञ्चालनमा आएको प्रतियोगितामा ६ प्रदेश, तीन विभागीय क्लब र आयोजक गरि १० टिम सहभागी छन् ।
May 4, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीका अलराउन्डर सोमपाल कामीलाई गीता एभिएसनले आफ्नो ब्रान्ड एम्बास्डरका बनाएको छ । सोमपाललाई गीता एभिएसनले शुक्रबार ब्रान्ड एम्बासेडरका रूपमा अनुबन्ध गरेको हो। नेपाल टि ट्वान्टी विश्वकप खेल्न अमेरिका / वेस्ट इन्डिज जानुअघि सोमपाल ब्रान्ड एम्बासेडर नियुक्त भएका हुन् । यो अनुबन्धनले नेपाली खेलकुद र गीता एभिएसन दुवै पक्षको […]
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले आज पहिलो मैत्रीपूर्ण खेल खेल्दैछ । ब्रिटिश आर्मीको टोली विरुद्ध आज नेपाली टोलीले खेल्नेछ । भिसा प्रक्रियामा निकै ढिलो हुँदा एन्फाले टोलीका सदस्यलाई फरक-फरक समयमा विभिन्न विमानमा पठाउनु परेको थियो । टोली फरक-फरक समयमा इङ्ल्यान्ड पुगेको थियो भने केही खेलाडीहरू हिजो मात्र पुगेका थिए […]
May 2, 2024
काठमाडौं (हाम्रो खेलकुद) – महिला राष्ट्रिय लिगको छनोट प्रतियोगिता अन्तर्गत घरेलु टोली कर्णाली आफ्नो अन्तिम खेलमा गण्डकी प्रदेशलाई पराजित गर्दै राष्ट्रिय लिगमा छनोट भएको छ । विहीबार विहान सुर्खेतको कर्णाली प्रदेश रंगशालामा गण्डकीमाथि २-० को जित दर्ता गर्दै कर्णालीले अंक तालिकाको तेस्रो स्थान पक्का गर्यो । वर्षा ओली र संजिता बम्जनले १-१ गोल गर्दै टोलीको […]