default_image

9 months ago

May 24, 2023

नेपालले भारतसँग खेल्दै

काठमाडौं (हाम्रो खेलकुद) – घरेलु टोली नेपालले आज (बुधबार) एनएससी काभा महिला भलिबल च्यालेन्ज कपअन्तर्गत समूह चरणको अन्तिम खेलमा बलियो प्रतिस्पर्धी भारतको सामना गर्दैछ । नेपाल र भारतबीचको खेल त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा दिउँसो ३ बजेपछि हुनेछ । दुवै टोली एक खेल छँदै सेमिफानल पुगेकाले यो प्रतिस्पर्धा समूह विजेताको लागि हुनेछ । […]

141 views

0 Bookmark

काठमाडौं (हाम्रो खेलकुद) – घरेलु टोली नेपालले आज (बुधबार) एनएससी काभा महिला भलिबल च्यालेन्ज कपअन्तर्गत समूह चरणको अन्तिम खेलमा बलियो प्रतिस्पर्धी भारतको सामना गर्दैछ ।

नेपाल र भारतबीचको खेल त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा दिउँसो ३ बजेपछि हुनेछ । दुवै टोली एक खेल छँदै सेमिफानल पुगेकाले यो प्रतिस्पर्धा समूह विजेताको लागि हुनेछ ।

घरेलु कोर्टमा हुने खेलमा नेपाल भारतलाई हराउँदै समूह विजेता बनेर सेमिफाइनलमा पुग्ने लक्ष्यमा हुनेछ । नेपालले हालसम्म भारतलाई हराउन सकेको छैन । नेपाल र भारतले सन् २०१९ पछि पहिलोपटक खेल्न लागेको हो ।

त्यसबेला घरेलु भुमिमा आयोजना भएको १३औं दक्षिण एसियाली खेलकुद (साग) अन्तरगत नेपालले भारतसँग फाइनल खेल्दा ३–२ को सेटमा पराजित हुँदै ऐतिहासि स्वर्णबाट वञ्चित बन्न पुगेको थियो । सुरुवाती दुई सेट जितेरपनि नेपालले त्यसपछि लगातार तीन सेट गुमाउन पुगेको थियो ।

त्यही हारको बदला लिदै नेपाल भारतलाई हराउँदै इतिहास कोर्ने लक्ष्यमा छ । तुलनात्मक रूपमा कमजोर बंगलादेश र किर्गिस्तानलाई पराजित गरेको नेपालले भारतसँगको खेलबाट आफ्नो स्तर मापन गर्नेछ ।

युवा र नयाँ खेलाडीको बाहुल्यता रहेको नेपाली टोलीमा अनुभवी सरस्वती चौधरीसँगै कप्तान अरुणा शाही र सलिना श्रेष्ठको साथ रहेको छ ।

उषा भण्डारी, निरुता ठगुन्ना, साफिया पुन, कामना विष्ट, संगम महतो, कविता भट्ट, रिमा कुँवर, प्रगति नाथ, पुनम चन्द, पुजा चौधरी र शान्तिकला तामाङ छन् ।

घुँडाको समस्याका कारण सरस्वती चौधरीले पूर्ण रुपमा आफ्नो खेल पस्कन सकेको छैन । प्रशिक्षक यान डे ब्रान्टले उनलाई किर्गिस्तानविरुद्धको खेलमा विश्राम र बंगलादेशविरुद्धको खेलमा मौका दिएको थियो ।

समूह ‘ए’ मा नेपाल र भारतको समान २ खेलबाट ६ अंक छ । यो समूहमा किर्गिस्तान र बंगलादेशले अंक जोड्न सकेको छैन । आज नै किर्गिस्तान र बंगलादेशले खेल्दैछ । दुवै टोली सान्त्वना जितको खोजीमा हुनेछ ।

समूह ‘बी’ मा पनि आज समूह विजेता बन्न काजकस्तान र उज्वेकिस्तानबीच प्रतिस्पर्धा हुँदैछ । दुवै टोलीको समान ६ अंक छ । यो समूहमा श्रीलंका र माल्दिभ्सले अंक जोड्न सकेको छैन । यि दुई टोली पनि पहिलो जित र अंकका लागि खेल्दैछ ।

१४ जेठसम्म चल्ने च्यालेन्ज कपमा ८ राष्ट्रको सहभागिता रहेको छ । सहभागी टोलीलाई दुई समूहमा विभाजन गरिएको छ । समूह एमा नेपालसँगै भारत, बंगलादेश र कीर्गिस्तान रहेको छ । अर्को समूहमा उज्वेकिस्तान, श्रीलंका, माल्दिभ्स र काजकास्तान रहेका छन् ।

दुई समूहको राउन्ड रोविन लिगपछि शीर्ष २ टोलीले सेमिफाइनलमा र पुछारमा रहेका दुई टोलीले वरियताका लागि प्रतिस्पर्धा गर्नेछन् । च्यालेन्ज कपमा कुल २० खेल हुनेछ ।

March 1, 2024

रसिला र नङसल राष्ट्रिय ब्याडमिन्टनको फाइनलमा

काठमाडौं (हाम्रो खेलकुद)- ललितपुर रसिला महर्जन र ले भोजपुरकी नङसल तामाङ लि निङ्ग १३ औं पुष्पलाल स्मृती राष्ट्रिय वरियता ब्याडमिन्टन प्रतियोगिताको महिला एकल उपाधिका लागि प्रतिस्पर्धा गर्ने भएका छन्। पुरुषतर्फ एपिएफका प्रिन्स दाहाल र ललितपुरका प्रफुल महर्जन पुन एक पटक उपाधिका लागि भिड्ने छन् ।पुष्पलाल स्मृतीको अघिल्लो संस्करणमा प्रिन्सले प्रफुललाई हराएका थिए । प्रिन्स तेश्रो […]

February 26, 2024

प्रिया र करणलाई दुगुनागढी माउन्टेन ट्रेल रेसको उपाधि

काठमाडौं (हाम्रो खेलकुद)- प्रिया राई र करण रावललेसिन्धुपाल्चोकको दुगुनागढी माउन्टेन ट्रेल रेसको उपाधि जितेका छन्। निर्धारित २४.५ किलोमिटर दूरी २ घन्टा ५७ मिनेट ५० सेकेन्डमा पूरा गर्दै खोटाङकी प्रियाले उपाधि जितेकी‌ हुन्‌। गत वर्ष पनि प्रियाले नै उपाधि जितेकी थिइन्।२ घन्टा १३ मिनेट ५२ सेकेन्डमा दौड पूरा गर्दै करणले उपाधि जितेका हुन्। महिलातर्फका धादिङकी रसिला […]

February 25, 2024

झापा ब्याडमिन्टनको अध्यक्षमा ढकाल

मेचीनगर (हाम्रो खेलकुद) – झापा जिल्ला ब्याडमिन्टन संघको अध्यक्ष दिपेश ढकाल चयन भएका छन् । झापाको मेचीनगरमा आज सम्पन्न संघको अधिवेशनले यसअघिका उपाध्यक्ष ढकाललाई अध्यक्षमा सर्वसम्मत चयन गरेको हो । भद्रपुर झापा गोल्ड कपका अध्यक्ष, झापा उद्योग संघका उपाध्यक्ष लगायत संघसंस्थामा आवद्ध ढकाल भेट्रान्स ब्याडमिन्टन खेलाडी हुन् । संघका निर्वतमान अध्यक्ष ललित तामाङको अध्यक्षतामा भएको […]

Success

Thank you for your time.