1 year ago
May 31, 2023
काठमाडौं (हाम्रो खेलकुद) – नेपाल सितोरियो कराते संघको बार्षिक कार्यक्रम अनुसार शाखा डोजो नक्सालको २४औं वार्षिकोत्सव तथा गणतन्त्र दिवसको अवसरमा आयोजना भएको नवौ सगरमाथा अन्तर्राष्ट्रिय कराते प्रतियोगिता सम्पन्न भएको छ ।
उक्त प्रतियोगितामा नेपालको तर्फबाट सर्वाधिक पदक जित्दै बुढानिलकण्ठ डोजो टिम प्रथम, भारत टीम दोस्रो र श्रीलंका टिम तेस्रो हुन सफल भएको छ । नेपालको लुम्विनी प्रदेश रुपन्देही कराते टिमले उत्कृष्ट मार्चपास टिमको उपाधि जित्यो ।
आयोजक नक्साल डोजोले बेस्ट फेयर प्ले टिम र बागमती प्रदेशका सानो गौचरण डोजोले उत्कृष्ट अनुशासित टिम ट्रफी हात पारे । पुरुष सिनियरतर्फ नेपालका सुजल भुजेल र महिलातर्फ श्रीलंकाकी एचएमईमासा हान्सी दिलसारा उत्कृष्ट खेलाडी घोषित भइन् ।
चार दिने प्रतियोगितामा नेपालसहित भारत, श्रीलंका, बंगलादेश र ईजरायलका खेलाडी, रेफ्री अफिसियलसहित करिव ३ हजार जनाको सहभागिता रहेको थियो ।
उक्त प्रतियोगितामा खेलकुद क्षेत्रमा पु¥याएको योगदानको कदर गर्दै र गत चैत्र ११ गते नेपाल कराते महासंघको निर्वाचनमा निर्वाचित हुने अध्यक्ष युवराज लामा, महासचिव दावा गुरुङ र उपाध्यक्षद्धय देव कुमार लामा र मजिन्द्र सिंहलाईविशिष्ट सम्मान पनि गरिएको थियो ।
यस्तै नेपाल कराते महासंघका सदस्य तथा बरिष्ठ प्रशिक्षक राम सिंह ठकुरी, नेपाल कराते महासंघका सल्लाहकार एवम सोतोकान कराते संघ नेपालका प्रमुख प्रशिक्षक निवाश गोपाल बैध, नक्साल डोजोका संस्थापक सदस्य तथा प्रशिक्षक पुनम श्रेष्ठ खपाङ्गी, श्रीलंकामा भएको अन्तर्रािष्ट्रय कराते प्रतियोगितामा नक्साल डोजो सहभागी भई २ स्वर्ण र एक रजत पदक दिलाउन सफल खेलाडीहरु सोनम बलामी, बुद्धीमान माझी र ऐटन कुमार मल्ललाई सम्मान गरिएको छ ।
July 22, 2024
काठमाडौं (हाम्रो खेलकुद) – काभा नेसन्स लिगको तयारीमा रहेको नेपाली महिला राष्ट्रिय भलिबल टोलीले रसियन टोलीसँग अर्काे हार बेहोरेको छ । यससँगै नेपालले दुई मैत्रीपुर्ण खेलकाे सिरिज रसियालाई २–० ले सुम्पिएकाे छ । सोमबार भएको दोस्रो खेलमा नेपाल ३–० को सोझो सेटमा पराजित हुन पुग्यो । यसअघि आइतबार भएको पहिलो खेलमा पनि नेपालले ३–० कै […]
July 18, 2024
काठमाडौं (हाम्रो खेलकुद) – ललित स्मृति यु-१८ लिगमा बिहीबार नेपाल एपिएफ क्लब र नेपाल पुलिस क्लब विजयी भएका छन् । लिग सिजनको पहिलो जित दर्ता गर्ने क्रममा एपिएफले सातदोबाटो माथि २-१ को जित हात पारेको हो । जितमा विकास टिटुङ र किशोर गुरुङले १-१ गोल गरे । सातदोबाटोका लागि योहान्ना लिम्बूले अन्तिम समयमा १ गोल […]
July 15, 2024
एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]