default_image

1 year ago

June 1, 2023

खडकलाई हाई अल्टिच्युड म्याराथन उपाधि

141 views

0 Bookmark

डोटी (हाम्रो खेलकुद) – त्रिभुवन आर्मी क्लबका धावक खडक बहादुर खड्काले दोस्रो संस्करणको खप्तड–शैलेश्वरी हाई अल्टिच्युड म्याराथनको उपाधि जितेका छन ।

खडकले खप्तडको ३ हजार ३ सय फिट उचाईबाट सुरु म्याराथन २ घण्टा ३७ मिनेट ४६ सेकेन्डमा पार गर्दै उपाधि जितेका हुन् । आर्मीकै नरेन्द्र सिंह रावत दोस्रो भए । उनले निर्धारित दुरी २ घण्टा ३९ मिनेट ३४ सेकेन्डमा पूरा गरे ।

२ घण्टा ४२ मिनेट ४४ सेकेन्डमा दुरी पार गर्दै जुम्लाको कर्णाली स्पोर्ट्स क्लबका वीरेन्द्र पाण्डेय तेस्रो भए । उपाधिसँगै खडकले १ लाख २५ हजार रुपैयाँ पुरस्कार पाए । दोस्रो भएको नरेन्द्रले ८० हजार तथा तेस्रो भएको वीरेन्द्रले ५० हजार रुपैयाँ प्राप्त गरे ।

सुदूरपश्चिम खेलकुद परिषद्सँगै डोटी उद्योग वाणिज्य संघको आयोजना र तथा नेपाली सेनाको भैरवप्रसाद गणको व्यवस्थापनमा भएको खप्तड–शैलेश्वरी म्याराथनमा विदेशीसहित ४८ धावकले प्रतिस्पर्धी गरेको सुदुरपश्चिम प्रदेश खेलकुद परिषदका सदस्य झलक शाहले बताए ।

हाफ म्याराथनमा पूर्णलक्ष्मी विजेता
महिला हाफ म्याराथनमा भने आर्मीकी पूर्णलक्ष्मी न्यौपाने विजयी भएकी छन । उनले निर्धारित दुरी १ घण्टा १४ मिनेट १८ सेकेन्डमा पूरा गरिन् ।

पुलिसकी रेखा विष्ट १ घण्टा २२ मिनेट १० सेकेण्डसहित दोस्रो भइन् । भैरवप्रसाद गणकी सुन्तला कडायत १ घण्टा २६ मिनेट ८ सेकेन्डमा दुरी पुरा गर्दै तेस्रो भइन् ।

विजेता पूर्ण लक्ष्मीले ५० हजार रुपैयाँ, दोस्रो भएकी रेखाले ३० हजार तथा तेस्रो भएकी सुन्तलाले २० हजार रुपैयाँ प्राप्त गरिन् ।

विजयी खेलाडीहरुलाई ५ नम्बर बाहिनीका बाहिनीपति विजय थापा, सुदुरपश्चिम प्रदेश खेलकुद परिषदका सदस्य सचिव दिपक सिंह लगायतले विजयीलाई पुरस्कृत गरे ।

July 22, 2024

रसियासँग नेपालको अर्काे हार

काठमाडौं (हाम्रो खेलकुद) – काभा नेसन्स लिगको तयारीमा रहेको नेपाली महिला राष्ट्रिय भलिबल टोलीले रसियन टोलीसँग अर्काे हार बेहोरेको छ । यससँगै नेपालले दुई मैत्रीपुर्ण खेलकाे सिरिज रसियालाई २–० ले सुम्पिएकाे छ । सोमबार भएको दोस्रो खेलमा नेपाल ३–० को सोझो सेटमा पराजित हुन पुग्यो । यसअघि आइतबार भएको पहिलो खेलमा पनि नेपालले ३–० कै […]

July 18, 2024

एपिएफ र पुलिस विजयी

काठमाडौं (हाम्रो खेलकुद) – ललित स्मृति यु-१८ लिगमा बिहीबार नेपाल एपिएफ क्लब र नेपाल पुलिस क्लब विजयी भएका छन् । लिग सिजनको पहिलो जित दर्ता गर्ने क्रममा एपिएफले सातदोबाटो माथि २-१ को जित हात पारेको हो । जितमा विकास टिटुङ र किशोर गुरुङले १-१ गोल गरे । सातदोबाटोका लागि योहान्ना लिम्बूले अन्तिम समयमा १ गोल […]

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

Success

Thank you for your time.