काठमाडौं (हाम्रो खेलकुद)– नेपाल कुराँश संघको आयोजनामा यसै साता दोस्रो राष्ट्रिय कुराँश प्रतियोगिता हुने भएको छ । सुनसरीको धरानमा जेठ २६ देखि २८ गते सम्म हुने प्रतियोगितामा सातैं प्रदेश तथा तीन विभाग (नेपाली सेना, नेपाल प्रहरी र शसस्त्र प्रहरी) गरि १० टोलीको सहभागिता रहने संघले जनाएको छ ।

प्रतियोगितामा महिला पुरुषको सिनियर र जुनियरमा प्रतिस्पर्धा हुनेछ । महिला जुनियरमा ३६ केजी.मुनी ४० केजी मुनी, ४४ केजी., ४८ केजी मुनी., –५२ केजी मुनी,५७ केजी मुनी, ६३ केजी मुनी र ६३ केजी माथि सिनियर तर्फ.४० केजी मुनी,४४ केजी मुनी, ४८ केजी मुनी, ५२ केजी मुनी, ५७ केजी मुनी, ६३ केजी मुनी,७० केजी मुनी र ७० केजीमाथिमा प्रतिस्पर्धा हुनेछ ।

त्यस्तै पुरुष जुनियरमा २५ केजी मुनी, ३० केजी मुनी, ३५ केजी मुनी, ४० केजी मुनी, ४५ केजी मुनी, ५० केजी.मुनी ५० केजी माथि सिनियरतर्फ ४० केजी मुनी, ४४ केजी मुनी, ४८ केजी मुनी., ५२ केजी मुनी, ५७ केजी मुनी, ६३ केजी मुनी, ७३ केजी मुनी र ७३ केजी.माथिमा प्रतिस्पर्धा हुनेछ ।

झण्डै १ सय खेलाडी सहभागिता हुने प्रतियोगिता सन्चालनका लागि २० लाख ५० हजार खर्च हुने अनुमान रहेको प्रतियोगिता संयोजक जीवन राईले जानकारी दिए । अन्तराष्ट्रिय कुराँश महासंघका कार्यवाहक टेक्निकल डाइरेक्टर रवि कपुर प्राविधिक सहयोग र प्रतियोगिता अवलोकन गर्न नेपाल आउने संघले जानकारी दिएको छ ।