काठमाडौं (हाम्रो खेलकुद) – नेपाल एपिएफ क्लबका प्रिन्स दाहाल र त्रिभुवन आर्मी क्लबकी रशिला महर्जन १६औं राष्ट्रव्यापी कृष्णमोहन स्मृति खुुल्ला ब्याडमिन्टन प्रतियोगिताको फाइनलमा प्रवेश गरेका छन् ।

प्रिन्स पुरुष एकलमा तथा रशिला महिला एकलमा उपाधिनजिक पुगेका हुन् । नेपाल एपीएफ क्लवको आयोजनामा सशस्त्र प्रहरी बल नेपाल प्रधान कार्यालय हल्चोकस्थित नेपाल एपीएफ क्लबको कभर्डहलमा बुधबार भएको पुरुष एकलतर्फ आर्मीका रुकेशले एपीएफका देवराज रानालाई १४–२१, २१–१३ र २४–२२ र एपीएफका प्रिन्स दाहालले एपीएफकै क्षितिज खनाललाई २१–१५ र २१–११ ले पराजित गरी फाइनलमा भिडन्त तय गरे ।

महिला एकलतर्फ आर्मीकी रशिला महर्जनले आफ्नै क्लबकी अमिता गिरीलाई २१–१९ र २१–१५ ले पराजित गरी फाइनलमा स्थान बनाएकी छिन् ।

महिला युगलतर्फ नेपाल एपीएफ क्लबकी जेसीका गुरुङ र सुनैना मुखियको जोडीले एपीएफकी पुजा श्रेष्ठ र भोजपुरकी नङ्सलदेवी तामाङको जोडीलाई २१–११ र २१–१८ ले तथा आर्मीकी रशिला महर्जन र अनुमाया राईको जोडीले भोजपुरकी सीता राई र कस्तुरी कलेजकी सीमा राजबंशीको जोडीलाई २१–९ र २१–१५ ले पराजित गरी फाइनलमा प्रवेश गरेका छन् ।

भेट्रान्स युगल ४५ बर्ष माथि एपीएफका संजय कपाली र अनिल थाम्सुहाङ्को जोडी फाइननलमा प्रवेश गरेका छन् । ब्वाईज यू–१२ तर्फ आर्मीका सुदेश राजकोटी र आर्मीकै रिजन मगर फाइनलमा भिड्ने भएका छ् । भेट्रान्स युगल ५५ बर्ष माथि एपीएफका प्रेमकुमार श्रेष्ठ र चेतसिंह थापाको जोडी फाइनलमा प्रवेश गरेका छन् ।