default_image

9 months ago

June 17, 2023

आर्मीका गजेन्द्रलाई राष्ट्रब्यापी मिनि म्याराथन उपाधि

लमजुङ (हाम्रो खेलकुद) – आर्मीका गजेन्द्र राईले लमजुङमा भएकाे दोस्रो राष्ट्रब्यापी मिनि म्याराथनको उपाधि जितेका छन् । लमजुङस्थित सुन्दरबजार नगरपालिका– ९ को भोटेओडारको बगैंचामा शनिबार भएको १५ किलोमिटरको मिनि म्याराथन गजेन्द्रले ४५ मिनेट ५४ सेकेण्डमा पार गर्दै उपाधि जितेका हुन् । आर्मीकै रामजी बस्नेत दोस्रो भए । उनले निर्धारित दुरी ४६ मिनेट ३० सेकेण्डमा पुरा […]

119 views

0 Bookmark

लमजुङ (हाम्रो खेलकुद) – आर्मीका गजेन्द्र राईले लमजुङमा भएकाे दोस्रो राष्ट्रब्यापी मिनि म्याराथनको उपाधि जितेका छन् ।

लमजुङस्थित सुन्दरबजार नगरपालिका– ९ को भोटेओडारको बगैंचामा शनिबार भएको १५ किलोमिटरको मिनि म्याराथन गजेन्द्रले ४५ मिनेट ५४ सेकेण्डमा पार गर्दै उपाधि जितेका हुन् ।

आर्मीकै रामजी बस्नेत दोस्रो भए । उनले निर्धारित दुरी ४६ मिनेट ३० सेकेण्डमा पुरा गरे । ४७ मिनेट १४ सेकेण्डमा पुरा गर्दै आर्मीकै मोहनदेव जोशी तेस्रो भए । आर्मीकै सञ्जय श्रेष्ठ चौथो तथा आर्मीकै प्रेमबहादुर बस्नेत पाँचौ भए ।

च्याम्पियन बनेसँगै गजेन्द्रले ५५ हजार ५ सय ५५ रुपैयाँ, मेडल र प्रमाणपत्र प्राप्त गरेका छन् । दोस्रो भएका रामजीले २५ हजार ५ सय ५० रुपैयाँ मेडल र प्रमाणपत्र प्राप्त गरे । तेस्रो भएका जोशीले १५ हजार ५ सय ५० रुपैयाँ, मेडल र प्रमाणपत्र प्राप्त गरे ।

चौथो भएका सन्जय र प्रेमले समान १० हजार ५ सय रुपैयाँ, मेडल र प्रमाणपत्र प्रदान गरिएको आयोजक जिल्ला खेलकुद विकास समितिका अध्यक्ष योग बहादुर गुरुङ (कालु) ले जानकारी गराए ।

विजयी खेलाडीहरूलाई प्रतिनिधि सभा सदस्य एवं नेकपा एमाले उपमहासचिव पृथ्वीसुब्बा गुरुङ, सविधान सभा सदस्य एवम् नेकपा एमाले केन्द्रीय सदस्य जमिन्द्रमान घले र जिल्ला खेलकुद विकास समितिका अध्यक्ष योगबहादुर गुरुङ (कालु)ले संयुक्त रुपमा पुरस्कृत गरे ।

समापन दौरान जिल्ला समन्वय समितिका प्रमुख पूर्णबहादुर गुरुङ, बेसीशहर नगरपालिकाका प्रमुख गुमानसिंह अर्याल, नेकपा एमाले जिल्ला कमिटीका जिल्ला अध्यक्ष कृष्णप्रसाद अधिकारी, लमजुङ उद्योग वाणिज्य संघका अध्यक्ष गुणराज सिलवाल, प्रहरी निरिक्षक बुद्धिप्रसाद सुवेदी, जिल्ला खेलकुद विकास समितिका निवर्तमान अध्यक्ष गोविन्द बस्नेत लगायतको उपस्थिति थियो ।

दोस्रो राष्ट्रब्यापी मिनि म्याराथनमा लमजुङ लगायत विभिन्न जिल्लाका ३५ जना धावकहरूले सहभागिता जनाएका थिए । पहिलो संस्करणमा जुम्लाका दुर्गा बुढा मगरले उपाधि जितेका थिए ।

मिनि म्याराथन सुन्दरबजार नगरपालिका र बेसीशहर नगरपालिकाको सीमाक्षेत्रमा रहेको बेसीशहर नगरपालिकाको उदिपुरस्थित स्वागत गेटदेखि सुरु भई सुन्दरबजार नगरपालिका– ९ को कृष्ण बगैंचा, सोही नगरपालिका– ८ को पैह्रे, सोही नगरपालिका– ७ को लमजुङ क्याम्पस गेट, लमजुङको प्रवेश नाका पाउँदी हुँदै वडा नं– ८ फूलबारी, सिउँडीबार भएर कृष्ण बगैंचामा आएर टुंगिएको थियो ।

February 26, 2024

प्रिया र करणलाई दुगुनागढी माउन्टेन ट्रेल रेसको उपाधि

काठमाडौं (हाम्रो खेलकुद)- प्रिया राई र करण रावललेसिन्धुपाल्चोकको दुगुनागढी माउन्टेन ट्रेल रेसको उपाधि जितेका छन्। निर्धारित २४.५ किलोमिटर दूरी २ घन्टा ५७ मिनेट ५० सेकेन्डमा पूरा गर्दै खोटाङकी प्रियाले उपाधि जितेकी‌ हुन्‌। गत वर्ष पनि प्रियाले नै उपाधि जितेकी थिइन्।२ घन्टा १३ मिनेट ५२ सेकेन्डमा दौड पूरा गर्दै करणले उपाधि जितेका हुन्। महिलातर्फका धादिङकी रसिला […]

February 25, 2024

झापा ब्याडमिन्टनको अध्यक्षमा ढकाल

मेचीनगर (हाम्रो खेलकुद) – झापा जिल्ला ब्याडमिन्टन संघको अध्यक्ष दिपेश ढकाल चयन भएका छन् । झापाको मेचीनगरमा आज सम्पन्न संघको अधिवेशनले यसअघिका उपाध्यक्ष ढकाललाई अध्यक्षमा सर्वसम्मत चयन गरेको हो । भद्रपुर झापा गोल्ड कपका अध्यक्ष, झापा उद्योग संघका उपाध्यक्ष लगायत संघसंस्थामा आवद्ध ढकाल भेट्रान्स ब्याडमिन्टन खेलाडी हुन् । संघका निर्वतमान अध्यक्ष ललित तामाङको अध्यक्षतामा भएको […]

February 25, 2024

बागलुङलाई सन्तोष थापा स्मृति कप भलिबल उपाधि

काठमाडौं (हाम्रो खेलकुद) – जिल्ला भलिबल संघ बागलुङले सन्तोष थापा स्मृति कप आमन्त्रित जिल्ला स्तरीय पुरुष भलिबल प्रतियोगिताको उपाधि जितेको छ । आइतबार भएको फाइनलमा जिल्ला भलिबल संघ स्याङ्जालाई ३–१ को सेटमा पराजित गर्दै उपाधि जित्न सफल भएको हो । बागलुङले सुरुवाती सेट गुमाएपनि त्यसपछिको तीन सेट आफ्नो पक्षमा पार्दै उपाधि हत्याउन सफल भयो । […]

Success

Thank you for your time.