2 years ago
June 17, 2023
काठमाडौं (हाम्रो खेलकुद) – किङ्स क्लब काठमाडौंले तेस्रो संस्करणको बाग्लुङ कप खुल्ला राष्ट्रिय पुरुष भलिबल प्रतियोगिताको उपाधि जितेको छ ।

काठमाडौंको नयाँ बसपार्कस्थित ढोरपाटन स्पोर्ट्स क्लबको कोर्टमा शनिबार भएको फाइनलमा न्युटन स्कुललाई ३–१ को सेटमा पराजित गर्दै किङ्स क्लबले उपाधि जित्न सफल भएको हो ।
प्रतिस्पर्धात्मक बनेको पहिलो सेट किङ्सले २५–२३ ले आफ्नो पक्षमा पार्न सफल भएको थियो । दोस्रो सेट सहजै २५–१९ ले जितेको किङ्ले तेस्रो सेट १८–२५ ले गुमाउन पुग्यो । त्यसपछि चौथो सेट २५–१८ ले सहजै जित्दै किङ्स क्लबले उपाधि जित्न सफल भयो ।
उपाधिसँगै किङ्स क्लबले १ लाख रुपैयाँ र कप हात पारेको छ । दोस्रो भएको न्युटनले ५० हजार रुपैयाँ र कप पाएको छ । किङ्स क्लबका कप्तान तथा ओपन स्पाइकर सन्जु विक्रम शाह प्रतियोगिताको उत्कृष्ट खेलाडी चुनिए । उनले कपसँगै ४ हजार रुपैयाँ प्राप्त गरे ।

विजयी टोली तथा खेलाडीलाई ह्याप्पी योङ युथ क्लबका अध्यक्ष किरण घायल, नेपाल भलिबल संघका सदस्य जुनु पुन मगर, खेल संयोजक दिल सुनारसँगै राज कुमार राई, भुमि घर्ती, कृष्ण गुरुङ र दिल माया दुरालगायतले पुरस्कृत गरे ।
ह्याप्पी योङ युथ क्लबको आयोजनामा ३० जेठबाट शुरु भएको प्रतियोगिता ८ क्लबको सहभागिता रहेको थिया । सहभागी क्लबले लिग कम नकआउटका आधारमा प्रतिस्पर्धा गरेका थिए । सुरुवाती दुई संस्करण २ ए साइडमा भएको थियो ।
December 6, 2025
काठमाडौं (हाम्रो खेलकुद)- नेपाल पुलिस स्कुल साँगा काभ्रेपलाञ्चोकको आयोजनामा जारी ३१ औँ अन्तर मावि आइजीपी फुटबल रनिङ ट्रफीको चौथो दिन आज एनपिएस धरान, एनपिएस साँगा (निलो) र पिस प्वाइन्ट विद्यालय विजयी भए। पहिलो खेलमा नेपाल पुलिस स्कूल धरानले डिएभी स्कुल जावलाखेललाई १५- १ ले पराजित गर्यो । धरानका श्रीजन मल्लले एक्लैले ५ गोल गर्दै ‘प्लेयर […]
December 5, 2025
काठमाडौं (हाम्रो खेलकुद)- एपिएफ फुटबल क्लबले साफ महिला क्लब च्याम्पियनसिप २०२५ मा दमदार सुरुवात गरेको छ। एपिएफले बंगलादेशको नसरिन स्पोर्ट्स एकेडमीलाई ४-० ले माथ दिंदै विजयी सुरुवात गरेको हो।एपिएफको जितमा रश्मि कुमारी घिसिङ र युवा खेलाडी मिना देउवाले समान २ गोल गरे। दशरथ रंगशालामा भएको खेलमा घरेलु टोली एपिएफ दबाब बनायो। ३८ औ मिनेटमा रश्मिले […]
December 1, 2025
काठमाडौं (हाम्रो खेलकुद)- दक्षिण अफ्रिकाका पूर्व कप्तान फाफ डु प्लेसिस आज नेपाल आइपुगेका छन्। दोस्रो नेपाल प्रिमियर लिग (एनपिएल) खेल्ने उनी सबै हाई प्रोफाइल खेलाडी हुनेछन्। उनलाई आज त्रिभुवन अन्तर्राष्ट्रिय विमानस्थलमा नेपाल क्रिकेट संघ (क्यान) का प्रवक्ता छुम्पी लामा तथा विराटनगर किंग्सका पदाधिकारीले स्वागत गरे। विमानस्थलमा नै पत्रकारसँग बोल्दै फाफले भने, ‘म यहाँ केही छोटो […]