काठमाडौं (हाम्रो खेलकुद) – नेपाली पुरुष राष्ट्रिय भलिबल टोलीले किर्गिस्तानमा जारी काभा पुरुष भलिबल नेसन्स लिगमा लगातार तेस्रो हार बेहाेर्ने क्रममा बलियाे इरानसँग पराजित भएकाे छ ।

नेपाल बलियो इरानसँग ३–० को सोझो सेटमा पराजित भएपछि लिगमा लगातार तेस्रो हार बेहोर्न पुगेको हो । नेपालले यसअघि मंगोलिया र घरेलु टोली किर्गिस्तानसँग समान ३–१ को सेटमा पराजित भएको थियो ।

बलियो इरानलाई बलियो चुनौती दिएपनि नेपालले नतिजा भने आफ्नो पक्षमा पार्न सकेन । किर्गिस्तानको विस्केकस्थित चोलपोन एटिए कभर्डहलमा मंगलबार भएको पहिलो सेटमा ४–४ को बराबरीबाट पछि परेको नेपाल एक समय ५–१३ ले पछि पर्दै १६–२५ ले नतिजा सुम्पन पुग्यो ।

दोस्रो सेटमा उत्कृष्ट प्रदर्शन गरेको नेपालले १५–१४ ले अघि रहेको नेपालले त्यो अग्रतालाई कायम राख्न नसक्दा पराजित हुन पुग्यो । त्यसबाट पछि परेको नेपालले पूनरागमन प्रयास गर्दै २२–२३ को स्थितिमा ल्याएपनि इरानले थप २ अंक बटुलेपछि नेपाल २२–२५ ले पराजित हुन पुग्यो ।

तेस्रो सेटमा एक समय ४–७ ले अघि रहेको नेपाल १२–१५ ले पछि परेपनि पूनरागमन गर्दै खेललाई १९–१९ को बराबरी गर्न सफल भएपनि सोही गतिलाई निरन्तरता दिन नसक्दा पराजित २२–२५ ले नतजिा सुम्प पुग्यो ।

लगातार तेस्रो हारसँगै नेपालले काभा नेसन्स लिगमा अंकको खाता खोल्न सकेको छैन । यता, इरानले लगातार दोस्रो जित दर्ता गर्दै ६ अंक बटुलेको छ ।

अब नेपालले बिहीबार तुर्केमिनिस्तान, शुक्रबार किर्गिस्तानको अर्काे टोली तथा आइतबार उज्वेकिस्तानसँग अन्तिम खेल खेल्नेछ ।