default_image

10 months ago

August 10, 2023

गण्डकी र एपिएफ समूह विजेता

3864 views

0 Bookmark

काठमाडौं (हाम्रो खेलकुद) – गण्डकी प्रदेश र विभागीय नेपाल एपिएफ क्लब समूह विजेता बन्दै दोस्रो संस्करणको किंग्स कप पुरुष भलिबल प्रतियोगिताको सेमिफाइनलमा प्रवेश गरेका छन् ।

गण्डकी समूह ‘ए’ को विजेता तथा एपिएफ समूह ‘बी’ को विजेता बनेर अन्तिम चारमा पुगेको हो । दुवै टोली समूहमा अपराजित रह्यो । समूह ‘ए’ बाट आयोजक किङ्स क्लब काठमाडौं र समूह ‘बी’ बाट नेपाल पुलिस क्लब उपविजेता बनेको छ ।

काठमाडौंको नयाँ बसपार्कस्थित ढोरपाटन स्पोर्ट्स क्लबको कोर्टमा बिहीबार भएको समूह चरणको अन्तिम खेलमा गण्डकीले खोटाङ राष्ट्रिय युवा संघलाई २५–१७, २५–१५ र २५–१३ को सोझो सेटमा पराजित गर्दै समूह विजेता बन्यो । गण्डकीले तीन खेलबाट ८ अंक बटुल्यो ।

यस्तै बिहीबार नै भएको अर्काे खेलमा एपिएफले दोहोरो जित दर्ता गर्दै समूह विजेता बन्यो । बुधबार हुनुपर्ने खेल खराव प्रकाश (लाइट प्रोटेस्ट) कारण रोकिएपछि आज हुँदा एपिएफले पुलिसमाथि एपीएफले २५–१०, १५–२५, १५–२५, १८–२५ र १०–१५ को सेटमा पराजित गर्न सफल भयो ।

अर्काे खेलमा नेपाल गणतान्त्रिक महासंघलाई १६–२५, २५–१३, २१–२५, २५–१६ र १५–१० को सेटमा हरायो । यस जितले एपिएफले ३ खेलबाट ७ अंक जोड्यो ।

एपिएफसँगको खेलपछि पुलिसले कोशी प्रदेशलाई २५–२१, २५–१५ र २५–२० को सोझो सेटमा हरायो । पुलिससँग पराजित हुनुअघि कोशीले गणतान्त्रिक महासंघलाई २२–२५, २५–२३, १८–२५, २५–१८ र १५–१२ को सेटमा हराएर पहिलो जित दर्ता गर्न सफल भएको छ ।

यस्तै आयोजक किंग्स क्लब काठमाडौंले जीएम समाजलाई २५–२०, २५–१९ र २५–२० को सोझो सेटमा हराएर समूहमा दोस्रो जित निकालेको छ ।

अब सेमिफाइनलमा समूह ‘ए’ को विजेता गण्डकी र समूह बी को उपविजेता पुलिस तथा समूह बी को विजेता एपीएफ र समूह ए को उपविजेता किंग्स क्लबबीच हुनेछ । दुवै सेमिफाइनलमा शुक्रबार हुनेछ ।

यस प्रतियोगितामा गत महिना किर्गिस्तानमा सम्पन्न काभा नेसन्स लिगमा सहभागी भएका राष्ट्रिय टोलीका १२ खेलाडी खेलेका छैनन् ।

प्रतियोगिताको विजेताले २ लाख २ हजार रुपैयाँसँगै कप, मेडल र प्रमाणपत्र प्राप्त गर्नेछन् । दोस्रो हुनेले १ लाख १ हजार रुपैयाँ, कप मेडल र प्रमाणपत्र हात पार्नेछ ।

तेस्रो हुने टोलीले ५० हजार ५ सय रुपैयाँ र चौथो हुनेले २२ हजार २ सय रुपैयाँ, कप र प्रमाण्पत्र हात पार्नेछ । प्रतियोगिताको सर्वोकृष्ट खेलाडीले ८ हजार रुपैया तथा हरेक विधाका उत्कृष्ट खेलाडीलाई जनही ३ हजार रुपैया प्रदान गरिने छ ।

May 26, 2024

जापानमा पर्वत कप पुरुष भलिबल च्याम्पियनसिप हुने

काठमाडौं । पर्वत समाज जापानकाे आयाेजनामा जापानमा आगामी साउन तेस्राे साता प्रथम पर्वत कप पुरुष भलिबल च्याम्पियनसिप २०२४ आयोजना हुने भएकाे छ । पर्वत समाज जापानले आगामी साउन १९ गते शनिबार (३ अगस्ट २०२४) प्रथम पर्वत कप पुरुष भलिबल च्याम्पियनसिप आयोजना गर्न लागेको जानकारी गराएको छ । प्रतियोगिता तोडा सिटी स्पोर्टस् सेन्टरमा हुनेछ । जापानमा […]

May 19, 2024

म्यानचेस्टर सिटी लगातार चौथो पटक प्रिमियर लिग च्याम्पियन

एजेन्सी – म्यानचेस्टर सिटी लगातार चौथो पटक इंग्लिश प्रिमियर लिगको उपाधि जितेको छ । लिगको अन्तिम खेलमा वेस्ट ह्याम माथि ३-१ को जित निकालेर आर्सनललाई पछि २ अंकले पार्दै सिटीले कीर्तिमानी लिग उपाधि जितेको हो । इंग्लिश फुटबल इतिहासमा कुनै पनि टिमले लगातार चार पटक लिग उपाधि जितेको यो पहिलो पटक हो । यसअघि हडर्सफिल्ड […]

May 19, 2024

सुमित्रा र राजनलाई वान रन हाफ म्याराथन उपाधि

ललितपुर (हाम्रो खेलकुद)- सुमित्रा चौधरी र राजन रोकायाले पहिलो वान रन अन्तर्राष्ट्रिय हाफ म्याराथन उपाधि जितेका छन्। आइतबार भएको हाफ म्याराथनको महिलातर्फ सुमित्राले १ घण्टा ३४ मिनेट २६ सेकेन्डमा दौड पूरा गरिन् । पुष्पा भण्डारी १ घण्टा ४२ मिनेट ५४ सेकेन्डमा दौड पूरा गर्दै दोस्रो भइन् । मञ्जु सुनार २ घण्टा ३ मिनेट ८ सेकेन्डको‌ […]

Success

Thank you for your time.