default_image

9 months ago

September 19, 2023

गण्डकीका रवि सर्वाेत्कृष्ट

3356 views

0 Bookmark

पोखरा (हाम्रो खेलकुद) – च्याम्पियन गण्डकी प्रदेशका ओपन स्पाइकर रवि केसी लामाचौर कप भलिबल प्रतियोगितामा पुरुषतर्फ सर्वाेत्कृष्ट खेलाडी घोषित भएका छन् ।

घरेलु टोली गण्डकीलाई लामाचौर कप भलिबलमा च्याम्पियन बनाउन रविले प्रतियोगिता भर नै सानदार प्रदर्शन गरेका थिए । सर्वाेत्कृष्ट बनेका रविले ट्रफी र प्रमाण पत्र प्राप्त गरे ।

व्यत्तिगत विधातर्फ स्पाइकरमा गण्डकीका किरण गुरौं, ब्लकरमा गण्डकीकै कप्तान हरि पाण्डे तथा गण्डकीकै रमेश केसी उत्कृष्ट प्रशिक्षक चुनिए ।

पुलिसका कुल बहादुर थापा सर्भर, अभिषेक थापा सेटर र भीम गाहा उत्कृष्ट लिवेरो चुनिए । व्यत्तिगत विधाका सबै उत्कृष्टले ट्रफी र प्रमाण पत्र प्राप्त गरे ।

मंगलबार भएको फाइनलमा गण्डकीले पुलिसमाथि ३–२ को सेटमा जित निकाल्दै च्याम्पियन बन्न सफल भयो । इन्द्र राज्य लक्ष्मी माविको भलिबल कोर्टमा मंगलबार भएको फाइनलमा गण्डकीले पहिलो सेट २३–२५ ले गुमाएको थियो । दोस्रो सेट २५–१९ ले जितेको गण्डकीले तेस्रो सेट २१–२५ ले गुमाउन पुग्यो ।

त्यसपछिको दुवै सेटमा सानदार प्रदर्शन गर्दै गण्डकीले खेल आफ्नो पक्षमा पार्न सफल भयो । चौथो सेटमा एक समय २४–२१ ले अघि रहेको गण्डकीले लगातार अंक गुमाएपनि रोमाञ्चक र प्रतिस्पर्धात्मक बनेको खेल २८–२६ ले आफ्नो पक्षमा पार्न सफल भयो ।

निर्णायक तथा पाँचौ सेटमा पनि सानदार प्रदर्शन गरेको गण्डकीले एक समय ४–० को आरामदायी अग्रता लिएर १५–११ को सेटमा जित निकाल्दै च्याम्पियन बन्न सफल भयो ।

यसअघि सोमबार नै हुनुपर्ने फाइनल लाइट प्रोटेस्टका कारण हुन नसक्दा खेल मंगलबारको लागि तय भएको थियो । सोमबार दुवै टोलीले समान एक सेट जितेका थिए ।

गण्डकीले लिग चरणमा पनि पुलिसमाथि ३–२ को सानदार पूनरागमन जित निकालेको थियो । यि दुई टोली गत वर्ष पनि फाइनलमा पुगेको थियो । तर, वर्षाका कारण खेल हुन नसकेपछि पुरस्कार दुवै टोलीलाई बाडिएको थियो ।

उपाधिसँगै गण्डकीले १ लाख ५० हजार रुपैया ट्रफी, मेडल र प्रमाणपत्र प्राप्त गरेको छ । दोस्रो भएको पुलिसले १ लाख रुपैया, ट्रफी, मेडल र प्रमाणपत्र पाएको छ । तेस्रो भएको एपिएफले ७५ हजार प्राप्त गरेको छ ।

यसअघि चन्द्रागिरि न्यु डायमण्ड युथ स्पोर्ट्स क्लबलाई ३–१ को सेटमा पराजित गर्दै नेपाल पुलिस क्लबले महिलातर्फ उपाधि जितिसकेको छ । पुलिस साविक विजेता तथा डायमण्ड उपविजेता नै हो ।

नवआदर्श सामुदायिक विकास समाज (नाकोड्स) आयोजनामा शुक्रबारदेखि सुरु भएको भलिबल प्रतियोगितामा महिलातर्फ ४ र पुरुषतर्फ ५ टिमको सहभागिता रहेको थियो ।

प्रतियोगितामा पुरुष र महिलातर्फका उत्कृष्टहरु

सर्वाेत्कृष्ट – रवि केसी (गण्डकी – पुरुष) र लक्ष्मी चन्द (पुलिस – महिला)

स्पाइकर – किरण गुरौं (गण्डकी– पुरुष) र सलिना बुढा मगर डायमण्ड–महिला)

ब्लकर – हरि पाण्डे (गण्डकी–पुरुष) र सुमित्रा रेग्मी (डायमण्ड–महिला)

सर्भर – कुल बहादुर थापा (पुलिस–पुरुष) र जेनिशा विश्वकर्मा (डायमण्ड–महिला)

सेटर – अभिषेक थापा (पुलिस–पुरुष), कमला पुन (पुलिस–महिला)

लिवेरो – भीम गाहा (पुलिस–पुरुष) र शान्तिकला तामाङ (पुलिस–महिला)

प्रशिक्षक – रमेश केसी (गण्डकी–पुरुष) र रुपेश विष्ट (पुलिस–महिलातर्फ)

June 22, 2024

विपना र अरहान्तलाई उपाधि

काठमाडौं (हाम्रो खेलकुद) – दोस्रो वरीयताकी विपना ब्लोन र शीर्ष वरीयता प्राप्त अरहान्त केशर सिम्हाले प्रथम एनएसआरए प्रेसिडेन्ट कप खुल्ला राष्ट्रिय स्क्वास च्याम्पियनसिपको उपाधि जितेका छन् । नेपाल स्क्वास एन्ड र्‍याकेट्स संघको आयोजनामा सातदोबाटोस्थित नेपाल स्क्वास र्‍याकेट्स संघको आफ्नै भवनमा रहेको स्क्वास कोर्टमा शनिबार भएको पुरुष एकलको फाइनलमा अरहान्तले दोस्रो वरीयताका अमिर ब्लोनलाई ३–० को […]

June 22, 2024

अपहिल केडिसी रनमा नरेन्द्र र पूर्णलक्ष्मी पहिलो

काठमाडौं (हाम्रो खेलकुद) – नेपाल आर्मीकाद्वय नरेन्द्रसिंह रावत र पूर्णलक्ष्मी न्यौपाने राष्ट्रिय खुल्ला अपहिल केडिसी रनमा शनिबार पहिलो भएका छन् । २१ किलोमिटर दूरीको दौडमा नरेन्द्र पुरुषतर्फ र पूर्णलक्ष्मी महिलामा पहिलो भएका हुन् । नरेन्द्रले निर्धारित दूरी १ घण्टा १९ मिनेट ५१ सेकेन्डमा पूरा गरे । दोश्रो भएका करण रावलले १ घण्टा २१ मिनेट ५५ […]

June 21, 2024

अस्ट्रेलियामा सर्वाधिक धनराशीको भलिबल प्रतियोगिता हुने

सिड्नी – अस्ट्रेलियाको मेलबर्नमा सर्वाधिक धनराशीको पुरुष भलिबल प्रतियोगता ‘ग्लोबल मिट कप २०२४’ आयोजना हुने भएको छ । एलिट गोर्खा स्पोर्ट्स क्लबको आयोजना तथा ग्लोबल मिट एजुकेशन एण्ड भिषा सर्भिसको मुख्य प्रायोजनमा खुल्ला पुरुष तथा ३५ बर्षमाथि गरि दुई विधाको ‘ग्लोबल मिट कप २०२४’ आगामी जुन ३० तारिखमा हुन लागेको हो । एक दिने प्रतियोगिता […]

Success

Thank you for your time.